2 Timɔte 1:1 - Fana Ngbangɔ 1987

^1-2 Mbi Polo mɛ ndo Nzapa asara mbi na se bɛ lo nvɛni akpa ya, mbi du wa pangɔ kwa tɛ Yezo Kristo la mbi to mbɛti olo hɛ̃ mɔ Timɔte mɛ nyi mbi ti kpɔ̃ bɛ mbi. Mbi bala mɔ. Nzapa ahɛ̃ mbi kwa ya, mbi pa hɛ̃ azi lo ti bɛta du mɛ ndo lo ko kapa ni hɛ̃ azi mɛ ala na Yezo ati bo kɔi. To e Nzapa na Gbia tɛ e Yezo Kristo ali bɛ nzɔ̃ bɛ hɛ̃ mɔ, ama bɛ vundu tɛ mɔ, ali bɛ nga ya, bɛ mɔ adu pii ma ke!

2 Timɔte 1:1 Iomraidhean Croise

Yoanɛ 10:28

Mbi hɛ̃ la du ti kaka, ta ala kpili gbanda bɛ gbɔ ma, ta zo kɔi akpata nga gbanda la na ti mbi ma.

Yoanɛ 17:3

Du ti kaka mɛ ala lua afa ya, ala hĩnga mɔ mɛ bo mɔ kɔi la bɛta Nzapa, ala hĩnga nga mbi Yezo Kristo mɛ mɔ to mbi ge lɛ sese.

Yoanɛ 5:24

“Mbi pa hɛ̃ ĩ ti bɛta tɛnɛ ya, zo ko ama tɛnɛ tɛ mbi, aye nga lo tɛ wa tongɔ mbi ko, zo mɛ alua du ti kaka wɛ la. Ta Nzapa afa gbanda ngbanga abi li lo ma, ko tɔrɔ tɛrɛ lo aso wɛ la.

Yoanɛ 6:40

Ti biani, ĩ ba ye mɛ bɛ To mbi aye lo mɛ: azi zu ko la ahũ mbi Nyi lo, la ala ye lo tɛ mbi ko, ala na luangɔ du ti kaka, ko mbi so gbanda la na pɛ kwá na lá ti fangɔ ngbanga.”

Yoanɛ 6:54

Kanda zo ko la atɛ mi tɛrɛ mbi, anyɔ nga mɛnɛ tɛrɛ mbi ko, zo mɛ alua du ti kaka wɛ la. Ko mbi so gbanda lo na pɛ kwá na lá ti fangɔ ngbanga.

Roma 1:1

Mbi Polo, wa kwa tɛ Yezo Kristo la mbi to mbɛti olo hɛ̃ ĩ awa Kristo ti Roma. Nzapa aili mbi ya, mbi du wa pangɔ kwa tɛ ni, lo sara nga mbi lo kpa ya, mbi pa Nzɔ̃ Pa tɛ ni hɛ̃ azi.

Roma 5:21

Na lo ni ko, nga ma se mɛ ndo siɔ ye na nguru ti kpɔngɔ azi ko, se mɛ nga nzɔ̃ bɛ mɛ Nzapa ali hɛ̃ e na nguru ti lingɔ ya, Nzapa amu e ya, e abɛta azi la. Adu nga so ya e lua du ti kaka na lo ye ko la Gbia tɛ e Yezo Kristo ali tɛrɛ e.

Roma 6:23

Ta sanga ma, mbana gɛrɛ mɛ zo ndolua na lingɔ siɔ ye la kwá, kanda kaye mɛ Nzapa ndoka hɛ̃ azi gɛgɛrɛ la du ti kaka. Ko lo hɛ̃ e du ti kaka ni, na lo mɛ ya, e na Gbia tɛ e Yezo Kristo e ti bo kɔi.

1 Kɔrinto 1:1

Mbi Polo mɛ ndo Nzapa asara mbi na se bɛ lo akpã ya, mbi du wa pangɔ kwa tɛ Yezo Kristo, nga na Sɔstɛnɛ mɛ nyita e wa Kristo la e to mbɛti olo hɛ̃ ĩ. E bala ĩ.

2 Kɔrinto 1:1

Mbi Polo mɛ ndo Nzapa asara mbi na se bɛ lo nvɛni akpã ya, mbi du wa pangɔ kwa tɛ Yezo Kristo, nga na nyita e Timɔte la e to mbɛti olo hɛ̃ ĩ. E bala ĩ. E to mbɛti olo hɛ̃ ĩ azi ti Eklezia mɛ ka Kɔrinto. E to nga mbɛti ni hɛ̃ azi tɛ Nzapa zu mɛ ndodu ka sese ti Grɛsɛ zu.

2 Kɔrinto 1:20

Na lo tɛ lo la Nzapa apa ya, ĩi, ni na lingɔ ye na se kapa zu mɛ ni ko hɛ̃ e. Na lo ni la e ndogonda Nzapa na ili Yezo Kristo ya: “Seni la.”

Galatia 3:26

Ĩ zu ĩ du aya Nzapa, na lo mɛ ya, ĩ ye lo tɛ Yezo Kristo, ĩ na Yezo Kristo ĩ ti bo kɔi.

Galatia 3:28

Na lo ni ko, Ayuda na azi mɛ ta Ayuda ma ko, ta ɔngbingɔ na popo tɛ la ma, ta ɔngbingɔ na popo tɛ ambɛ na abɔrɔ ma, ta ɔngbingɔ nga na popo tɛ akɔli na awe ma. Ĩ zu ĩ ti bo kɔi, na lo mɛ ya, ĩ na Yezo Kristo ĩ ti bo kɔi.

Efɛzɛ 3:6

Ĩ ma lo ni lo mɛ: azi mɛ ta Ayuda ma alengbi nga ti luangɔ anzɔ̃ ye mɛ Nzapa abata hɛ̃ azi tɛ lo, nga ma se tɛ Ayuda. Ala na Ayuda ati bo apɛnzɛ ngbonga tɛrɛ kɔi, ko ala lua nga gbanda ngilɛ ye ti kapa mɛ ndo lo ko hɛ̃ azi tɛ lo ti ndo Yezo Kristo. Nzɔ̃ Pa la apa alo olo zu.

1 Timɔte 6:19

Se ala li so ko, afa ya ala bo bɛta nwa mɛ ndoninga na lo ti bi mɛ ka gbɛlɛ la, wadiía ala lua bɛta du.

2 Timɔte 1:10

Ko lo fa nzɔ̃ bɛ ni na olo, na ngoi mɛ Wa songɔ e Yezo Kristo aga. Yezo Kristo abi ndo nda nguru tɛ kwá, ko na lo ti Nzɔ̃ Pa, lo fa ndo e na lege ti luangɔ du ti kaka.

2 Timɔte 1:13

Abɛta tɛnɛ mɛ ndo mbi pa hɛ̃ mɔ ko, mu bo ni, mɔ pa hɛ̃ azi. Ye lo tɛ Yezo bɛ mɔ kɔi, ko mɔ ye nga azi na nguru mɛ e na ni, na lo mɛ ya, e na Yezo Kristo e ti bo kɔi.

2 Timɔte 1:9

Lo la lo so e, lo nga la lo ili e ya, e du azi tɛ ni. Ko ta lo so e, lo ili nga e na lo ti anzɔ̃ kwa mɛ e li ma, kanda lo li ndo so na se bɛ lo nvɛni, nga na nzɔ̃ bɛ tɛ lo. Uzu ti lo lingɔ sese ko, lo hɛ̃ ndo nyɔ lo ya, ni na lingɔ nzɔ̃ bɛ hɛ̃ e ti ndo Yezo Kristo.

2 Timɔte 2:1

Wa mɔ nyi mbi, kpengba na lege ti nzɔ̃ bɛ mɛ Yezo Kristo ndoli hɛ̃ mɔ.

2 Timɔte 2:10

Na lo ni la mbi ndogbe bɛ mbi na ya alo zu, na lo tɛ azi mɛ ndo Nzapa asara la akpã ya, ala du azi tɛ ni. Mbi li so ya, Nzapa aso la ti ndo Yezo Kristo, ko ala lua nga ndima ti kaka.

2 Timɔte 2:3

Ale mɔ hũ pɛnɔ nga ma mbi, na lo ko la mɔ du bɛta turugu tɛ Yezo Kristo.

2 Timɔte 3:15

Ato na ngoi ko ndo mɔ dɛ nyingambi, anɔ ngbĩi asi na lá olo ko, mɔ hĩnga atɛnɛ ti ya Buku tɛ Nzapa. Atɛnɛ ni ko alengbi ti sangɔ ndara bɛ mɔ ya, mɔ ye lo tɛ Yezo Kristo, wa Nzapa aso mɔ.

Tito 1:2

Mbi ndoli so ya, ala lɛndɛrɛ luangɔ du ti kaka. Nzapa mɛ ta ndopa nvɛnɛ ma, ako ndo kapa ti hɛ̃ngɔ e du ti kaka, uzu ti lo lingɔ sese.

Tito 1:4

Mbi to mbɛti olo hɛ̃ mɔ Tito mɛ mɔ nga ma bɛta nyi mbi, na lo mɛ ya, e na mɔ e ye lo tɛ Yezo Kristo. To e Nzapa na Yezo Kristo Wa songo e ali bɛ nzɔ̃ bɛ hɛ̃ mɔ, ali bɛ nga ya, bɛ mɔ adu pii ma ke!

Aebreo 9:15

Na lo ni la Kristo adu wa lɛkɛngɔ popo tɛ Nzapa na azi na lege ti fana ngbanga. Lo li so ya, azi mɛ ndo Nzapa aili la ko, ala lua anzɔ̃ lo mɛ lo Nzapa lo ko kapa ni hɛ̃ la. Ko anzɔ̃ lo ni ko na ngbãngɔ ti la ti buai. Ala lengbi ti luangɔ anzɔ̃ lo ni, na lo mɛ ya, Kristo akpi ndo so tɔ̃ngɔ azi mɛ ndo ali asiɔ ye na ngoi ti ngbina ngbanga.

1 Yoanɛ 2:25

Ĩ ba ye mɛ Yezo Kristo ako kapa ni hɛ̃ e ya, ni na hɛ̃ngɔ e la du ti kaka.