2 Tɛsalɔnikɛ 3:2 - Fana Ngbangɔ 1987

² Ĩ sambela nga lo na lo tɛ e ya, lo gbanzi ya, ta asiɔ azi ali e siɔni ma. Ta sanga ma, ta azi zu la aye lo ti tɛnɛ tɛ lo mɛ e ndopa ma.

2 Tɛsalɔnikɛ 3:2 Iomraidhean Croise

Matie 17:17

Yezo ĩ ma so ko, agbinya ya: “Ee! Ĩ du azi mɛ ta ĩ ye lo tɛ Nzapa ma, ĩ nga azi ti lingɔ asiɔ ye! Mbi ngbã gbanda ngoi zu ndoni kɔi na ĩ, nga na gbengɔ bɛ mbi na lo tɛ ĩ? Wa ĩ ga na nyingambi ni hɛ̃ mbi.” La ala ga na lo hɛ̃ Yezo.

Matie 23:23

“Siɔ lo ati na ĩ awa hangɔ ndia, ati nga na ĩ Afarizeo! Ĩ du awa poroso! Ĩ ndomu nyɔ ye sui kɔi ti lɛ tɛ ndɛ̃ ndɛ̃ ndɛ̃ ti yaka tɛ ĩ, ĩ hɛ̃ Nzapa. Kanda ta ĩ ndotɔndɔ angbondo alo ti ndia ma. Angbondo alo ni lo mɛ: lingɔ ye na seni, mangɔ vundu tɛ azi, lingɔ ye na se kapa ni. Adu aye mɛ ale ĩ ndoli, ko ta bɛ ĩ ali na atanga ni mɛ ndɛ̃ ma la.

Luka 18:8

Mbi pa hɛ̃ ĩ ya, lo fa gbanda ngbanga tɛ la hiɔ. Wa ngoi ko gbanda mbi Nyi Zo mbi ga ko, mbi tã gbanda azi mɛ aye lo tɛ Nzapa ge lɛ sese nga?”

Awa Pangɔ Kwa 13:45

Ambanga Ayuda ĩ hũ azi ko hingo hingo ko, ala li sɔbɛrɛ hɛ̃ Polo na Barnabasi sĩ. Ala kɛ̃ tɛnɛ mɛ Polo atɛnɛ, ala guru lo.

Awa Pangɔ Kwa 13:50

Kanda Ayuda awa akota azi ti kɔdɔrɔ, na awe ti ndima mɛ ndovɔrɔ Nzapa, la ala zu ato nda hɛ̃ngɔ pɛnɔ hɛ̃ Polo na Barnabasi, atoma la so ya kɔdɔrɔ tɛ la.

Awa Pangɔ Kwa 14:2

Kanda Ayuda mɛ ndo akɛ̃ yengɔ lo tɛ Yezo, awa azi mɛ ta Ayuda ma, Ĩa ala du na siɔ dangɔ bɛ na ndo Polo na Barnabasi.

Awa Pangɔ Kwa 17:5

Kanda Ayuda ali ndo sɔbɛrɛ. Ala ili ambanga awa buba mɛ ala tã la so lege, abombi la ndoni kɔi, asa siɔ wangɔ bɛ la. Ala tongbi azi ti kɔdɔrɔ, la kɔdɔrɔ ada hae hae. Awa buba ko anɔ ali ka ya da tɛ Yazona so gingɔ Polo na Silasi ya, ani gbɔ̃nɔ la, ko ani nɔ na la ka gbɛlɛ azi ti kɔdɔrɔ.

Awa Pangɔ Kwa 25:27

Mbi hũ tɛ mbi ya, uzu ti tongɔ wa bɔlɔkɔ ka tɛ kota gbia ti Roma ko, nzɔ̃ni ale akambisa nda tɛnɛ tɛ lo yango, wadila ato lo.”

Awa Pangɔ Kwa 28:24

Ambanga Ayuda mɛ ndo ama tɛnɛ mɛ lo tɛnɛ ko, ala ye lo ni, kanda ambanga mɛ ndɛ̃ akɛ̃ tɛ la lo ni.

Roma 10:16

Ko ta azi zu aye ndo lo ti Nzɔ̃ Pa ma. Nga ma se mɛ ndo Ezai apa na ni ya: “Gbia, bo azi yakere la aye lo ti tɛnɛ tɛ mɔ mɛ e ndopa.”

Roma 15:31

so azi ti Yudea mɛ ta aye lo tɛ Yezo Kristo ma ahɛ̃ mbi pɛnɔ. Ale ĩ sambela nga Nzapa ya, bɛ azi tɛ lo mɛ ka Yeruzalɛmɛ ade na lo ye mɛ mbi na nɔngɔ na ni hɛ̃ la,

1 Kɔrinto 15:32

Adu ndo nga ma mbi tiri to ge kɔdɔrɔ ti Efɛzɛ na asa ti ya ndo. Wa se adu ya, dangɔ bɛ tɛ mbi adu bo nga ma se tɛ azi ti lɛ sese ko, ale ye mɛ to ni ahɛ̃ mbi nɛ? Se ta adu ya azi mɛ akpili aso gbanda na pɛ kwá ma ko, ale matɔ olo adu biani: “E tɛ, é nyɔ, ta sanga ma, e kpili ndã.”

1 Tɛsalɔnikɛ 2:18

Biani, e ye ndo diringɔ ka tɛ ĩ. Mbi Polo nvɛni mbi ndogi ndo kɔdɛ fani sĩni ya, mbi diri mbi nɔ ka tɛ ĩ, kanda Satana agbe ndo lege ni.

2 Timɔte 4:17

Abɛ so ko, Gbia Yezo Kristo alo ndo so gunda mbi, ahɛ̃ nga mbi nguru. Na lo ni ndo la mbi pa tɛnɛ tɛ lo zu hɛ̃ azi zu mɛ ta Ayuda ma. Adu nga ma Gbia ahã ndo mbi na yanga abamara.