2 Tɛsalɔnikɛ 2:3 - Fana Ngbangɔ 1987

³ Se zo ahanda ĩ na se kɔdɛ mɛ ndɛ̃ ko, ta ĩ ye ma. Ta sanga ma, uzu ti lá ni lengbingɔ ko, ale azi gba asaba tɛrɛ Nzapa hĩ, ale Siɔ Zo mɛ gbanda Nzapa abi lo ka lifɛlo, aga nga kwɛ hĩ, wadila lá ni ko alengbi.

2 Tɛsalɔnikɛ 2:3 Iomraidhean Croise

Yoanɛ 17:12

Ngoi mɛ ndo mbi dɛ ndoni kɔi na la ko, mbi bata la na nguru tɛ mɔ mɛ mɔ hɛ̃ mbi. Mbi bata la ko ta zo kɔi ayu ndo na ti mbi ma, wenge bo zo ko ndo ale lo yu ndo, ya tɛnɛ ti ya Buku tɛ mɔ ati na seni.

1 Kɔrinto 6:9

Ĩ hĩnga nzɔ̃ni ya, ta asiɔ azi asi gbanda ka Kɔdɔrɔ Gbia tɛ Nzapa ma. Ta ĩ handa sɛ tɛrɛ ĩ ma: ta awa lingɔ siɔ ye ti kamɛnɛ, bere awa vɔrɔngɔ angbilondo, bere awa tingɔ kɔmbɛ, bere akɔli mɛ ndofɔnɔ na afɔ̃ la akɔli ma bere afɔ̃ la ni ati awe la, asi gbanda ka Kɔdɔrɔ Gbia tɛ Nzapa ma.

Efɛzɛ 5:6

Ta zo ahanda ĩ na tɛnɛ ti nvɛnɛ ma. Adu na lo ti lingɔ gi tɛrɛ asiɔ ye olo la ngɔnzɔ agbɔ̃ gbanda Nzapa hɛ̃ awa kɛ̃ngɔ nyɔ lo.

1 Yoanɛ 2:18

Aya mbi, angbã yakere sese olo awe. Ĩ ma ndo ya, Wa kɛ̃ngɔ Yezo Kristo na gangɔ. Na olo ko, azi ma wo ma mɛ awa kɛ̃ngɔ Yezo asi wɛ. Ko gangɔ tɛ la ndofa ya, sese adoli ti wɛngɔ.

1 Yoanɛ 4:3

Kanda se zo akɛ̃ ya, ta Yezo Kristo amu ndo tɛrɛ zo ma ko, ta zo ni ko na Tɔrɔ mɛ alo ka tɛ Nzapa ma. Tɔrɔ mɛ lo na ni adu tɔrɔ tɛ Wa kɛ̃ngɔ Yezo Kristo. Ĩ ma ndo ya, Wa kɛ̃ngɔ Yezo na gangɔ. Na olo ko, lo ga ge lɛ sese we.

Suma 17:11

Sa mɛ ndo gã lɛ lo ngɛ̃, kanda na olo mɛ ta lo ti dɛ lɛ lo ngɛ̃ ma ko, lo tɛ lo gbia ti miambe, lo nga na popo tɛ agbia ni ko mbara mbara. Ngoi mɛ lo na singɔ ko, Nzapa na bingɔ lo ka lifɛlo.

Suma 17:8

Wa ma nda ni lo mɛ: sa ko mɔ hũ ko, ndo gã ko, lo ndo lɛ lo ngɛ̃, kanda na olo mɛ ko, ta lo ti dɛ lɛ lo ngɛ̃ ma. Wa angbã yakere ko, lo lo ka ya du mɛ lipi lipi, lo si. Ngoi mɛ lo na singɔ ko, Nzapa na bingɔ lo ka lifɛlo. Azi ti lɛ sese mɛ ndo ta asu ili la ka ya Buku mɛ asuru na ili azi mɛ alua du ti kaka, na ngoi mɛ ndo Nzapa ato nda lingɔ sese ma ko, ala na hũngɔ lo. Ala nga na bemangɔ, na lo mɛ ya, sa ni ko ndo uzu lɛ lo ngɛ̃, kanda na olo mɛ ko, ta lo ti dɛ lɛ lo ngɛ̃ ma, lo na singɔ fani mɛ ndɛ̃.