2 Tɛsalɔnikɛ 2:1 - Fana Ngbangɔ 1987

^1-2 Aya bua, na olo ko, mbi na pangɔ hɛ̃ ĩ tɛnɛ na lo ti lá mɛ gbanda Gbia tɛ e Yezo Kristo adiri aga na ni, ko e bombi gbanda tɛrɛ e ya e na lo e tengbi. Ambanga azi ndopa ya, lá ti gangɔ tɛ Gbia Yezo alengbi we, ko e gbɔ̃ gɛrɛ ĩ ya, ta li ĩ akpɛ hiɔ, bere mbɛtɔ agbɔ̃ nga ĩ na lo ti tɛnɛ ni ko ma. Bɛ se adu ya, azi mɛ ndopa nyɔ Nzapa apa hɛ̃ ĩ nga so, bɛ se ĩ ma ni na nyɔ azi mɛ ndopa tɛnɛ tɛ Nzapa, bere se apa hɛ̃ ĩ ya, mbi su ndo ni ka ya mbɛti ko, ta ĩ ye lo ni ma.

2 Tɛsalɔnikɛ 2:1 Iomraidhean Croise

Marko 13:27

Mbi to gbanda aangelo na ndo kɔi kɔi na lɛ sese zu ya, ala bombi azi tɛ mbi mɛ mbi sara la mbi kpã.”

Matie 24:31

Kota mbana avũ gbanda, ko mbi to gbanda aangelo tɛ mbi na lɛ sese zu ya, ato ka li sese asi ka nda ni gbɔ ko, ala bombi azi tɛ mbi mɛ mbi sara la mbi kpã.”

2 Timɔte 4:1

Mbi gbɔ̃ gɛrɛ mɔ na ili Nzapa, nga na ili Yezo Kristo mɛ gbanda afa ngbanga tɛ azi mɛ lɛ la ngɛ̃, nga na tɛ awa kwáni. Na ili Yezo mɛ gbanda aga so lɛngɔ gbia ko, mbi gbɔ̃ gɛrɛ mɔ ya,

1 Tɛsalɔnikɛ 3:13

Lo na lingɔ so ya, ni kpengba na lo yengɔ tɛ ĩ, wa na ngoi mɛ gbanda Gbia tɛ e Yezo na azi tɛ lo zu adiri aga ko, bɛ ĩ ati vuruni, ko ta Nzapa abela nga ĩ na lo ye kɔi ma.

1 Tɛsalɔnikɛ 2:19

E ye diringɔ bangɔ ĩ, na lo mɛ ya, na lo tɛ ĩ la e ndokpã bɛ e na ndo mbana gɛrɛ mɛ gbanda Nzapa ahɛ̃ e. Ĩ la ĩ ndohɛ̃ e dengɔ bɛ. Ĩ la ĩ du azi mɛ ĩ ndofa ya, kwa tɛ e nzɔ̃ni. Ko na lo tɛ ĩ ko, e na sabangɔ na ngoi mɛ gbanda Gbia tɛ e Yezo adiri aga.

Matie 25:32

Abombi gbanda azi zu so gbɛlɛ mbi, ko mbi kangbi ya la, nga ma se mɛ wa batangɔ angasã ngbaga ndokangbi na ya angasã ngbaga na abɛta angasã.

Efɛzɛ 1:10

Se ngoi alengbi gbanda ko, ló mɛ gbanda lo li lo mɛ: lo bombi gbanda aye mɛ ka yayu zu na omɛ ge tise zu ya, Yezo Kristo adu Gbia na ndo ni.

Roma 12:1

Aya bua, nga ma la Nzapa ama vundu tɛ e sĩ ko, mbi gbɔ̃ gɛrɛ ĩ ya, ĩ du bo azi tɛ Nzapa, ĩ ka tɛrɛ ĩ zu hɛ̃ lo, nga ma sa mɛ ahɛ̃ ya, aho alu na lo, kanda tɛ ĩ ko, ĩ ngbã le ĩ ngɛ̃. Se ĩ ka tɛrɛ ĩ hɛ̃ lo nga so, wa bɛ lo ade na lo ni. Ĩ ba se beta vɔrɔngɔ Nzapa mɛ ale ĩ ndovɔrɔ na lo la.

Matie 16:27

Mbi Nyi Zo mbi na aangelo tɛ To mbi e ga gbanda na ya ndima tɛ lo, ko mbi futa gbanda zo kɔi kɔi na se kwa mɛ lo li.

Matie 16:28

Mbi pa hɛ̃ ĩ ti bɛta tɛnɛ ya, mbi Nyi Zo mbi ga gbanda nga ma gbia. Ko ambanga azi mɛ so ndo mɛ ahũ gbanda mbi uzu, wa ala kpili.”

1 Tɛsalɔnikɛ 4:1

Aya bua, e na kɔngɔ nda mbɛti tɛ e so mɛ: ndo uzu ko, e ha ĩ na se li ye mɛ ndode bɛ Nzapa, ko e hĩnga ya, ĩ ndodu nga so biani. Ko na olo ko, e gbɔ̃ gɛrɛ ĩ ka ka ka na ili Gbia Yezo ya, ĩ ti du nzɔ̃ni aɔ ndo ti uzu.

2 Tɛsalɔnikɛ 1:3

Aya bua, ale e ndohɛ̃ sia kɔli hɛ̃ Nzapa ngoi zu na lo tɛ ĩ. Adu nzɔ̃ni ya, e li so, ta sanga ma, ĩ ndoye lo tɛ Yezo Kristo aɔ ndo ti uzu, ko yengbingɔ tɛ ĩ andomai bo maingɔ.