2 Tɛsalɔnikɛ 1:4 - Fana Ngbangɔ 1987

⁴ Na lo ni la, ngoi mɛ e ndodu na popo tɛ azi ti Eklezia tɛ Nzapa ko, e ndotɛnɛ tɛnɛ tɛ ĩ na dengɔ bɛ. Ta sanga ma, na ya apɛnɔ zu mɛ azi ndohɛ̃ ĩ, nga na ya giangɔ bɛ zu mɛ azi ndogia na ĩ ko, ĩ ndogbe bo bɛ ĩ, ko ĩ ndongbã bo na yengɔ lo tɛ Yezo Kristo.

2 Tɛsalɔnikɛ 1:4 Iomraidhean Croise

Roma 12:12

Ale ĩ du na dengɔ bɛ, na lo mɛ ya, ĩ ndolɛndɛrɛ Nzapa. Ale ĩ gbe bɛ ĩ na ya apɛnɔ mɛ ĩ ndohũ, ĩ sambela Nzapa ngoi zu.

Roma 2:7

Azi ko la ndohɛ̃ tɛrɛ la so lingɔ nzɔ̃ ye, ndogi nga ya, Nzapa ahɛ̃ ani ndima, agonda ani, ahɛ̃ nga ani du mɛ ta ndowɛ ma ko, Nzapa ahɛ̃ gbanda la du ti kaka.

Roma 8:25

Kanda se e lɛndɛrɛ ye mɛ ta e dɛ e hũ ma ko, e ku ni na yɔngɔrɔ bɛ.

1 Kɔrinto 7:17

Ĩ ma ndia mɛ mbi ndolu hɛ̃ awa Eklezia zu lo mɛ: ale zo kɔi kɔi angbã bo na sé du mɛ ndo Gbia Nzapa ahɛ̃ lo, ko lo ngbã nga bo na se ko ndo lo da na ngoi mɛ Gbia Nzapa aili na lo.

2 Kɔrinto 12:10

Na lo ni la mbi ndosaba na ngoi mɛ mbi woni, na ngoi mɛ aguru mbi, na ngoi mɛ mbi hũ pɛnɔ, nga na ngoi mɛ ahɛ̃ mbi pɛnɔ. Pɛnɔ ni mɛ mbi ndohũ ko, adu na lo tɛ Kristo. Ta sanga ma, na ngoi ko la mbi du woni ko, ngoi mɛ mbi du kpengbani la.

2 Kɔrinto 7:14

Mbi gonda ndo tɛrɛ mbi hɛ̃ lo yakere na lo tɛ ĩ, ko ta ĩ sa ndo kamɛnɛ lɛ mbi ma. Kanda nga ma se ko ndo e ndopa bɛta tɛnɛ hɛ̃ ĩ ngoi zu ko, se mɛ nga gondangɔ mɛ e gonda na ĩ ka tɛ Tito adu nga biani la.

2 Kɔrinto 7:4

Mbi ndokpã bɛ mbi ndo ĩ sĩ nvɛni, mbi ndogonda nga tɛrɛ mbi na lo tɛ ĩ sĩ. Na ya apɛnɔ mɛ e ndohũ ko, ta mbi ndonzɛ̃ bɛ yakere ma, ko bɛ mbi ndode nga sĩ nvɛni.

2 Kɔrinto 9:2

Ta sanga ma, mbi hĩnga ya, ĩ ndoye zangɔ la sĩ. Ko mbi gonda ndo tɛrɛ mbi hɛ̃ azi ti sese ti Masedoanɛ na lo tɛ ĩ ya: “Buru mɛ biri aɔ ko, ayata e awa Kristo mɛ ka sese ti Grɛsɛ alɛkɛ tɛrɛ la ya, ani za awa Kristo mɛ ka Yudea.” Azi ti Masedoanɛ ĩ ma so ko, nguru asa tɛrɛ azi gba na popo tɛ la na lo ti tɛrɛ ĩ mɛ ĩ hɛ̃ so zangɔ awa Kristo mɛ ka Yudea.

2 Kɔrinto 9:4

Ta so ma, se mbi na azi ti Masedoanɛ e bombi e ga, wa se ta ala tã ĩ, ĩ lɛkɛ tɛrɛ ĩ, ĩ sɔrɔ faranga ma ko, kamɛnɛ na gbɔ̃ngɔ mbi sĩ, na lo mɛ ya, mbi hĩnga biani ya, ĩ sɔrɔ faranga ni wɛ. Ko kamɛnɛ nga na gbɔ̃ngɔ ĩ na gbɛlɛ e na la.

1 Tɛsalɔnikɛ 1:3

Ngoi mɛ e ndosambela To e Nzapa ko, e ndoda bɛ e ngoi zu na se mɛ ĩ ndoli na kwa, na lo mɛ ya, ĩ ye lo tɛ lo. E ndoda bɛ e na se mɛ ĩ ndoli na kpengba kwa hɛ̃ lo, ta sanga ma, bɛ ĩ aye lo. E ndoda nga bɛ e na se mɛ ĩ ndolɛndɛrɛ na Gbia tɛ e Yezo Kristo kpengbani.

1 Tɛsalɔnikɛ 2:14

Aya bua, awa Eklezia tɛ Nzapa mɛ ka sese ti Yudea, ala mɛ ndo aye lo tɛ Yezo Kristo ko, azi ahɛ̃ ndo la pɛnɔ, ko ngi lɛ pɛnɔ ni la azi ahɛ̃ nga ĩ. Azi ti kɔdɔrɔ tɛ ĩ ahɛ̃ ndo ĩ pɛnɔ, nga ma se mɛ ndo Ayuda ahɛ̃ na pɛnɔ hɛ̃ awa Eklezia ti Yudea.

1 Tɛsalɔnikɛ 2:19

E ye diringɔ bangɔ ĩ, na lo mɛ ya, na lo tɛ ĩ la e ndokpã bɛ e na ndo mbana gɛrɛ mɛ gbanda Nzapa ahɛ̃ e. Ĩ la ĩ ndohɛ̃ e dengɔ bɛ. Ĩ la ĩ du azi mɛ ĩ ndofa ya, kwa tɛ e nzɔ̃ni. Ko na lo tɛ ĩ ko, e na sabangɔ na ngoi mɛ gbanda Gbia tɛ e Yezo adiri aga.

2 Tɛsalɔnikɛ 3:5

Gbia Nzapa aza bɛ ĩ ya, ĩ hĩnga ya, lo ndoye e sĩ ma ke! Lo za bɛ nga ĩ ya, ĩ gbe be ĩ na ya apɛnɔ mɛ ĩ ndohũ, nga ma se mɛ ndo Yezo Kristo agbe na bɛ lo ma ke!

Aebreo 10:36

Ko ale ĩ du na yɔngɔrɔ bɛ ya, ĩ li ye mɛ bɛ Nzapa aye, wadila ĩ lua ye mɛ lo ko kapa ni hɛ̃ ĩ.

Aebreo 6:12

Ta e ye ya ĩ ti awa ndɛkɔ ma. E ye ya, ĩ mu se li ye tɛ azi mɛ aye lo tɛ Nzapa. Ala ndogbe bɛ la, ko Nzapa ndohɛ̃ la ye mɛ lo ko kapa ni.

Aebreo 6:15

Abrahama adu ndo na yɔngɔrɔ bɛ so kungɔ ya, kapa ni ati na seni, ko lo lua ndo ye mɛ Nzapa ako kapa ni hɛ̃ lo.

Zaki 5:11

E ndopa ya, ala awa dengɔ bɛ, na lo mɛ ya, ala gbe ndo bɛ la sĩ. Ĩ ma ndo pa ti gbengɔ bɛ tɛ Yɔbɔ, ko ĩ hĩnga nga ye mɛ ndo Gbia Nzapa ahɛ̃ lo na pɛni. Ta sanga ma, vundu bɛ Nzapa sĩ, ko bɛ lo nga nzɔ̃ni ma wo ma.

2 Petro 1:6

na ndo ndara tɛ ĩ ko, í du awa fɔ̃ngɔ bɛ, na ndo fɔ̃ngɔ bɛ tɛ ĩ ko, ĩ gbe bɛ ĩ, na ndo gbengɔ bɛ tɛ ĩ ko, í du du mɛ ndode bɛ Nzapa.

Suma 14:12

Ĩ ba nda mɛ ale azi tɛ Nzapa mɛ ndotɔndɔ ndia tɛ lo, ndoye nga lo tɛ Yezo na bɛ la kɔi, alengbi ti gbengɔ bɛ la na ya pɛnɔ mɛ ala ndohũ la.