2 Tɛsalɔnikɛ 1:3 - Fana Ngbangɔ 1987

³ Aya bua, ale e ndohɛ̃ sia kɔli hɛ̃ Nzapa ngoi zu na lo tɛ ĩ. Adu nzɔ̃ni ya, e li so, ta sanga ma, ĩ ndoye lo tɛ Yezo Kristo aɔ ndo ti uzu, ko yengbingɔ tɛ ĩ andomai bo maingɔ.

2 Tɛsalɔnikɛ 1:3 Iomraidhean Croise

Luka 15:32

Ko ale e li yenga, é saba, ta sanga ma, nyita mɔ olo ndo nga ma zo mɛ akpi, la lo so, lo gɛrɛ ndo, la mbi lua lo!’ ”

Luka 17:5

Awa pangɔ kwa tɛ Gbia Yezo apa hɛ̃ lo ya: “Gbia, za e, ko e ti e ye lo tɛ Nzapa aɔ ti uzu.”

Yoanɛ 15:2

Akati vinɔ kɔi kɔi mɛ ta ndole ma ko, lo fara ni, lo sa tise. Lo lɛkɛ akati mɛ ndole, ko lo fara li ni yɛɛ ya ati ale gba.

Roma 1:8

Uzu ti tongɔ nda tɛnɛ tɛ mbi ko, mbi hɛ̃ sia kɔli ti ndo Yezo Kristo hɛ̃ To mbi Nzapa na lo tɛ ĩ zu. Ta sanga ma, na lɛ sese zu ko, azi ndopa lo ti lo yengɔ tɛ ĩ.

1 Kɔrinto 1:4

Mbi ndohɛ̃ sia kɔli hɛ̃ Nzapa ngoi zu na lo tɛ ĩ, na lo ko la lo li ndo nzɔ̃ bɛ hɛ̃ ĩ ti ndo Yezo Kristo.

2 Kɔrinto 10:15

La e ngbã na ndo maka ti kwa tɛ e. Ta e gonda tɛrɛ e na lo ti kwa mɛ azi mɛ ndɛ̃ ali ma. Kanda e ndolɛndɛrɛ ya, lo yengɔ tɛ ĩ amai, wadila e li kwa mɛ ngbondoni ka popo tɛ ĩ aɔ ti uzu. Ko ale e li bo kwa ni, e ngbã na ndo maka ti kwa tɛ e.

Efɛzɛ 5:20

Ngoi zu ko, ale ĩ ndohɛ̃ sia kɔli hɛ̃ To e Nzapa, na ili Gbia tɛ e Yezo Kristo na lo ye zu.

Filipɛ 1:7

Adu na seni ya, mbi da bɛ mbi na ĩ zu nga so, na lo mɛ ya, mbi ndoye ĩ sĩ nvɛni. Ta sanga ma, Nzapa ali nga hɛ̃ ĩ zu nzɔ̃ bɛ mɛ ndo lo li hɛ̃ mbi. Lo li ndo ni na ngoi mɛ ndo mbi tɔndɔ na nda lo ti Nzɔ̃ Pa ka gbɛlɛ awa fangɔ ngbanga. Na ngoi ni ndo ko, mbi wa ndo nga la ya, ala ye lo ti Nzɔ̃ Pa ni na bɛ la kɔi. Ko lo li nga nzɔ̃ bɛ ni na ngoi olo mɛ mbi ge ya bɔlɔkɔ.

Filipɛ 1:9

Ĩ ma sambela mɛ mbi ndosambela na lo tɛ ĩ lo mɛ: mbi ndohũnda Nzapa ya, ale ĩ ti ndoyengbi aɔ ndo ti uzu. Se ĩ li nga so ko, ĩ hĩnga bɛta lo tɛ lo. Ko se ĩ hũ anzɔ̃ ye na asiɔ ye ko, ĩ hĩnga ni,

1 Tɛsalɔnikɛ 3:12

Gbia tɛ e Yezo Kristo ali bɛ ya, ĩ ti ĩ yengbi aɔ ti uzu, ko ĩ ye nga azi mɛ ndɛ̃ zu aɔ ndo ti uzu ma ke! Lo li bɛ nga ya, ĩ ye la, nga ma se mɛ e ndoye na ĩ ma ke!

1 Tɛsalɔnikɛ 3:6

Kanda na olo ko, Timɔte alo ka tɛ ĩ adiri ge tɛ e, ko lo pa anzɔ̃ pa tɛ ĩ hɛ̃ e ya, ĩ dɛ bo na yengɔ lo tɛ Yezo Kristo kpɔ, ko ĩ ndoyengbi nga. Lo pa nga ya, ĩ ndoda bɛ ĩ na e ngoi zu, ko bɛ ĩ ndode na lo tɛ e. Lo pa nga ya, ĩ ndosepara bangɔ e fani mɛ ndɛ̃, nga ma se mɛ e ndosepara nga bangɔ ĩ.

1 Tɛsalɔnikɛ 3:9

Ta e hĩnga se mɛ e lengbi ti hɛ̃ngɔ na sia kɔli hɛ̃ Nzapa, na lo kota dengɔ bɛ mɛ ĩ hɛ̃ e ka gbɛlɛ lo ma!

1 Tɛsalɔnikɛ 4:1

Aya bua, e na kɔngɔ nda mbɛti tɛ e so mɛ: ndo uzu ko, e ha ĩ na se li ye mɛ ndode bɛ Nzapa, ko e hĩnga ya, ĩ ndodu nga so biani. Ko na olo ko, e gbɔ̃ gɛrɛ ĩ ka ka ka na ili Gbia Yezo ya, ĩ ti du nzɔ̃ni aɔ ndo ti uzu.

2 Tɛsalɔnikɛ 2:1

Aya bua, na olo ko, mbi na pangɔ hɛ̃ ĩ tɛnɛ na lo ti lá mɛ gbanda Gbia tɛ e Yezo Kristo adiri aga na ni, ko e bombi gbanda tɛrɛ e ya e na lo e tengbi. Ambanga azi ndopa ya, lá ti gangɔ tɛ Gbia Yezo alengbi we, ko e gbɔ̃ gɛrɛ ĩ ya, ta li ĩ akpɛ hiɔ, bere mbɛtɔ agbɔ̃ nga ĩ na lo ti tɛnɛ ni ko ma. Bɛ se adu ya, azi mɛ ndopa nyɔ Nzapa apa hɛ̃ ĩ nga so, bɛ se ĩ ma ni na nyɔ azi mɛ ndopa tɛnɛ tɛ Nzapa, bere se apa hɛ̃ ĩ ya, mbi su ndo ni ka ya mbɛti ko, ta ĩ ye lo ni ma.

2 Tɛsalɔnikɛ 2:13

Aya bua, ĩ mɛ Gbia Nzapa ndoye ĩ ko, ale e ndohɛ̃ sia kɔli hɛ̃ lo ngoi zu na lo tɛ ĩ. Ta sanga ma, ngoi mɛ ndo ta lo de lo li sese ma ko, lo sara ndo ĩ lo kpã ya, ni so ĩ na nguru tɛ Tɔrɔ Santo. Tɔrɔ Santo ni ali ya, ĩ ti azi tɛ ni Nzapa, ko ni so nga ĩ, na lo mɛ ya, ĩ ye lo bɛta lo tɛ ni.

1 Petro 1:22

Ĩ ndotɔndɔ bɛta lo tɛ Nzapa, la bɛ ĩ ati vuruni ya, ĩ ye ayata ĩ awa Kristo na bɛ ĩ kɔi. Wa ale ĩ yengbi sĩ nvɛni na bɛ ĩ kɔi.

2 Petro 1:13

Oko mbi de na olo lɛ mbi ngɛ̃ ko, nzɔ̃ni ale mbi ti da bɛ ĩ na atɛnɛ ni ko, wa se mɛ lɛ ĩ akpengba la.

2 Petro 3:18

Kanda ale ĩ ngbã bo na maingɔ na ya lo yengɔ tɛ ĩ, wadila Gbia tɛ e Yezo Kristo mɛ Wa songɔ e andoli nzɔ̃ bɛ hɛ̃ ĩ, ko ĩ hĩnga nga lo nzɔ̃ni. É gonda Gbia tɛ e na olo, é gonda nga lo buru na buru zu! Seni la.