1 Timɔte 6:9 - Fana Ngbangɔ 1987

⁹ Kanda azi ko la ndoye ya, ani ti awa nwa ko, Satana ndohanda la, ko ala ndoza sɔ̃ tɛ lo, na lo ti agɛgɛrɛ siɔ ye mɛ ala na gwe ni, asiɔ ye mɛ ndogbɛ̃ zo zu zu zu.

1 Timɔte 6:9 Iomraidhean Croise

Matie 13:22

Ambanga azi mɛ ndɛ̃ adu nga ma ale tɛ mɛ asa na popo asa ti kĩ. Ala ndoma tɛnɛ tɛ Nzapa, wa se sɔngɔ bɛ ti alo ti sese olo, na dengɔ bɛ na lo ti nwa ti sese mɛ alengbi ti handangɔ zo, avĩ tɛnɛ tɛ Nzapa kpu ko, ta kɔdɛ mɛ ya, tɛnɛ ni ahɛ̃ le da ma.

Matie 19:22

Ko ngoi mɛ pandara ko ĩ ma so ko, lo hã nɔ, lo gwe na kota vundu, na lo mɛ ya, lo ndo na nwa sĩ.

Matie 26:15

ahũnda la ya: “Se mbi ka Yezo hɛ̃ ĩ ko, ye mɛ ĩ na hɛngɔ mbi nɛ?” Ala ĩ ma so ko, ala dikɔ faranga sui ta, ahɛ̃ lo.

Matie 6:19

Yezo apa ya: “Ta ĩ bo nwa ge tise na lo tɛ ĩ nvɛni ma. Ta sanga ma, ge tise ko, kangi na sɔ alengbi ti tɛngɔ ni, awa nzĩ alengbi nga ti kongɔ nyɔ da, nzĩngɔ ni.

Marko 4:19

wa se sɔngɔ bɛ Ti alo ti sese olo, na dengɔ bɛ ti nwa mɛ alengbi ti handangɔ zo, nga na gwɛ̃ ti aye ndɛ̃ ndɛ̃ ndɛ̃ ako ndo bɛ la ko, avi tɛnɛ tɛ Nzapa kpu, ko ta se mɛ ya, tɛnɛ ni ale da ma.

Luka 12:21

Yezo apa nga ya: “Se tɛ zo mɛ ndobo nwa na lo tɛ lo nvɛni, kanda ka lɛ Nzapa ko, ta zo ni ko adu wa nwa ma la.”

Luka 21:35

Ta sanga ma, lá ni ko abuta gbanda azi zu mɛ ge lɛ sese zu, nga ma se mɛ andosa na gbándà ndo asusu ka gbe ngu.

Awa Pangɔ Kwa 8:20

La Petro agbinya hɛ̃ lo ya: “Mɔ, na faranga tɛ mɔ zu, ĩ kpili bɛ ma ke! Ta sanga ma, mɔ ndoda bɛ mɔ ya, ye mɛ Nzapa ndohɛ̃ azi ko, alengbi ti vɔ̃ngɔ ni na faranga!

Efɛzɛ 4:22

Ale ĩ dɔ ngbina du tɛ ĩ, ĩ zia. Du ni ko andogbẽ ndo ĩ, na lo ti asiɔ gwɛ̃ ti tɛrɛ ĩ mɛ ndo ndohanda ĩ.

1 Timɔte 1:9

E hĩnga nga ya, ta Nzapa alu ndia na lo tɛ abɛta azi ma, kanda lo lu ni na lo tɛ asiɔ azi, azi mɛ ndosaba tɛrɛ lo, azi mɛ ndokɛ̃ nyɔ lo, azi mɛ ta ndokpe lo, ndokpe nga aye mɛ Santo ma, azi mɛ na siɔ bɛ, azi mɛ ndoho to la bere ta la, azi mɛ ndokpɔ azi,

1 Timɔte 3:7

Ale azi mɛ ta awa Kristo ma atɔndɔ nga zo ni ko, so ala samana na lo, ko lo za sɔ̃ mɛ Satana apeta.

1 Timɔte 6:10

Ta sanga ma, yengɔ faranga ndoili lɛ asiɔ ye ndɛ̃ ndɛ̃ ndɛ̃ na tɛrɛ zo. Ambanga azi adɔ ndo lege tɛ Nzapa azia, na lo mɛ ya, ala ye ndo faranga sĩ, ko bɛ la ndosɔ ndo nga na lo ni sĩ.

1 Timɔte 6:17

Hɛ̃ nyɔ hɛ̃ azi ko la na nwa ti lɛ sese na ti la ya, ta ala du awa yakɛ ma. Hɛ̃ la nyɔ ya, ta ala kpa nga bɛ la na ndo nwa ni ko ma, na lo mɛ ya, ta nwa ni ko ndoninga ma. Kanda ale ala kpã bɛ la na ndo Nzapa mɛ ndohɛ̃ e ye kwɛ ma wo ma. Lo ndohɛ̃ e aye ni ko ya, e saba na lo ni.

2 Timɔte 2:26

Na lo ni, bɛ se ala za ndo sɔ̃ mɛ Satana apeta ya, ala ndoli ye mɛ bɛ ni Satana aye ko, ala na luangɔ kɔdɛ, wa ala lo ka ya sɔ̃ ni asi.

Tito 2:12

Nzɔ̃ bɛ ni ndoha e na kɛ̃ngɔ siɔ du, nga na kɛ̃ngɔ gwɛ̃ ti aye ti lɛ sese ya, so lɛ sese olo ko, e li ye na nyɔ kpɔ̃ ni, e li bɛta ye, e li nga ye mɛ ndode bɛ Nzapa.

2 Petro 2:3

Awa hangɔ lo ti nvɛnɛ ni ko ndodu na gwɛ̃ ti luangɔ faranga, ko na lo ni ko, ala na karangɔ ló ya, ani tɛ faranga tɛ ĩ. Ko ato ndo gã, Nzapa mɛ wa fangɔ ngbanga tɛ la, wa kpɔngɔ la ko, ta lo ndola langɔ ma, lo ndoku bo kungɔ ya, ni sa la ka lifɛlo.

Yudɛ 1:11

Siɔ lo ati ndo na la, na lo mɛ ya, ala mu ndo lege tɛ Kaina. Ala ndohɛ̃ ndo tɛrɛ la ya, ani lua na faranga, nga ma se mɛ ndo Balamɛ ndoli na ni. Ala saba ndo tɛrɛ Nzapa, ko ala ndo nga ma Kore mɛ ndo asaba nga tɛrɛ Nzapa.