1 Timɔte 6:6 - Fana Ngbangɔ 1987

⁶ Biani, se zo ali ye mɛ ndode bɛ Nzapa, adu nga na dengɔ bɛ na lo ti aye mɛ lo na ni ko, lo lua kota nwa tɛ Nzapa.

1 Timɔte 6:6 Iomraidhean Croise

Luka 12:15

So pɛni, Yezo apa hɛ̃ azi zu ya: “Ĩ bata li ĩ nzɔ̃ni na lo ti dungɔ na gwɛ̃ ye zu, ta sanga ma, bɛ se zo adu na ye sĩ ko, ta du tɛ lo adu na lo ti aye tɛ lo ma.”

Luka 3:14

Aturugu ahũnda nga lo ya: “Wa tɛ e, ye mɛ ale e li nɛ?” Yoanɛ agbinya hɛ̃ la ya: “Ta ĩ mu faranga tɛ zo na nguru, bere ĩ kara lo na tɛrɛ lo wa ĩ mu ni ma. Kanda ale ĩ du na dengɔ bɛ na lo ti faranga ti nzɛ̃ tɛ ĩ.”

Roma 8:28

E hĩnga ya, Nzapa ndoli ya, ye zu ati nzɔ̃ni na lo tɛ azi mɛ lo ili la na se bɛ lo nvɛni, azi mɛ ndoye lo.

2 Kɔrinto 4:17

Pɛnɔ mɛ e ndohũ na olo ko, adu nyi pɛnɔ mɛ ta ndoninga ma. Ko pɛnɔ ni ndolɛkɛ hɛ̃ e kota ndima mɛ ndongbã kaka buai. Ko ndima ni na ɔngɔ maka.

Filipɛ 1:21

Ta sanga ma, ngoi mɛ mbi de lɛ mbi ngɛ̃ ko, Yezo Kristo la aɔ aye kwɛ zu ge Ĩɛ mbi. Ko se mbi kpi ko, ati du nzɔ̃ni buai.

1 Timɔte 4:8

Akpengba wele mɛ zo ndole ya, gbe tɛrɛ ni ati kpengbani na lo ni ko, andoza zo yakere. Kanda se du tɛ zo ade bɛ Nzapa ko, andoza zo sĩ nvɛni, na lo mɛ ya, zo ni ahĩnga ya, na olo ko, ni lua fana du wɛ, ko fana du ni nga na ngbãngɔ kaka.

1 Timɔte 6:8

Kanda se e du na tɛ nga na bɔngɔ ko, oko alengbi na e.

Aebreo 13:5

Na ya du tɛ ĩ ko, ta ĩ ye ya, gwɛ̃ ti faranga ako ndo bɛ ĩ ma. Ĩ du na dengɔ bɛ na lo ti aye mɛ ĩ na ni. Ta sanga ma, Nzapa nvɛni apa ya: “Ta mbi na ziangɔ mɔ bɛ gbɔ ma, ta bɛ mbi nga na lingɔ na mɔ bɛ gbɔ ma.”