1 Timɔte 6:5 - Fana Ngbangɔ 1987

⁵ ndobimbi tɛnɛ mɛ ta nda ni ndokɔ ma. Azi ni ko ndodu na siɔ dangɔ bɛ, ta ala ndohĩnga nga bɛta lo ma. Ala ndoda bɛ la ya, na lo ti lo Nzapa ko, ani ti awa nwa.

1 Timɔte 6:5 Iomraidhean Croise

Matie 12:33

“Se ĩ separa luangɔ nzɔ̃ le kɛkɛ ko, ale kɛkɛ ni adu nzɔ̃ni. Se kɛkɛ adu siɔni ko, ĩ na luangɔ nga siɔ le kɛkɛ. Andohĩnga kɛkɛ na lo ti le ni.

Matie 21:13

Ko lo pa hɛ̃ la ya: “Buku tɛ Nzapa apa ya: ‘Azi na pangɔ ya, da tɛ mbi Nzapa, adu da mɛ azi na sambelangɔ mbi da.’ Kanda tɛ ĩ ko, ĩ gbinya ni ati nga ma do tɛ́nɛ mɛ awa nzĩ ndobere da!”

Matie 23:13

Yezo apa ya: “Siɔ lo ati na ĩ awa hangɔ ndia, ati nga na ĩ Afarizeo! Ĩ du awa poroso! Ta sanga ma, ĩ ndovĩ nyɔ gbágbá ti Kɔdɔrɔ Gbia tɛ Nzapa ya, ta azi ali kai ma. Ta ĩ nvɛni ĩ ndoli nga kai ma, ko ĩ ndogbanzi azi mɛ asepara lingɔ kai. [

1 Kɔrinto 11:16

Wa se zo aye bimbingɔ tɛnɛ na ndo tɛnɛ olo ko, ale lo hĩnga ya, ta e hĩnga se li ye mɛ ndɛ̃ ma, ko ta azi ti Eklezia ahĩnga nga ma.

2 Tɛsalɔnikɛ 3:6

Aya bua, awa Kristo zu ko la ndokɛ̃ lingɔ kwa, ndokɛ̃ nga lo mɛ ndo e ha na la ko, e gbɔ̃ gɛrɛ ĩ na ili Gbia Yezo Kristo ya, ta ĩ na la ĩ du ndoni kɔi ma.

1 Timɔte 1:6

Ambanga azi azia anzɔ̃nzɔ̃ aye ni ko, ayu lege, ko ala ndobimbi bo tɛnɛ mɛ ta nda ni da ma.

1 Timɔte 3:3

Ale ta lo nyɔ kana agbɔ̃ lo ma, ale ta lo du wa gingɔ ló ma. Kanda ale lo du dede zo, zo mɛ ndomangbi na azi. Ale ta lo du zo mɛ bɛ lo kotani na ndo faranga ma.

1 Timɔte 3:8

Ale adiakrɛ adu azi ti ndima, azi mɛ ta nyɔ la se se ma. Ale ala du azi mɛ ta ndonyɔ kana sĩ ma, azi mɛ ta ndolua faranga na se lege mɛ siɔni ma.

1 Timɔte 4:7

Wa abuba tɛnɛ ti mbaye mɛ ta ndode bɛ Nzapa ma ko, ta mɔ ye ni ma. Li kpengbani ya, du tɛ mɔ ade bɛ Nzapa.

1 Timɔte 4:8

Akpengba wele mɛ zo ndole ya, gbe tɛrɛ ni ati kpengbani na lo ni ko, andoza zo yakere. Kanda se du tɛ zo ade bɛ Nzapa ko, andoza zo sĩ nvɛni, na lo mɛ ya, zo ni ahĩnga ya, na olo ko, ni lua fana du wɛ, ko fana du ni nga na ngbãngɔ kaka.

1 Timɔte 6:6

Biani, se zo ali ye mɛ ndode bɛ Nzapa, adu nga na dengɔ bɛ na lo ti aye mɛ lo na ni ko, lo lua kota nwa tɛ Nzapa.

2 Timɔte 3:5

Ala ye tɛ la gbanda lo Nzapa ni bo na pɔrɔ nyɔ la, ala kɛ̃ nga gbanda bɛta nguru ti lo Nzapa. Azi ko nga so ko, ta mɔ li na popo tɛ la ma.

2 Timɔte 3:8

Se ko ndo la Yanɛsi na Yambrɛsi akɛ̃ na nyɔ Mɔizɛ ko, se mɛ nga azi ni ko ndokɛ̃ na bɛta lo tɛ Nzapa la. Azi ni ko adu azi mɛ kɔdɛ tɛ la agbɛ̃, lo yengɔ tɛ la adu nga gɛgɛrɛ.

Tito 1:11

Ale mɔ gbanzi la, ta sanga ma, ala ndogbɛ̃ ambanga nda se wa zu, ko ala ndoha lo mɛ ta alengbi ma so luangɔ faranga na lege mɛ siɔni.

2 Petro 2:15

Ala ĩ dɔ bɛta lege ĩ zia ko, ala yu ndo, ko ala mu lege tɛ Balamɛ mɛ ndo aye lingɔ siɔ ye ya, ni lua na faranga. Balamɛ ni ndo nyi Bɔzɔrɔ.

2 Petro 2:3

Awa hangɔ lo ti nvɛnɛ ni ko ndodu na gwɛ̃ ti luangɔ faranga, ko na lo ni ko, ala na karangɔ ló ya, ani tɛ faranga tɛ ĩ. Ko ato ndo gã, Nzapa mɛ wa fangɔ ngbanga tɛ la, wa kpɔngɔ la ko, ta lo ndola langɔ ma, lo ndoku bo kungɔ ya, ni sa la ka lifɛlo.

Yudɛ 1:11

Siɔ lo ati ndo na la, na lo mɛ ya, ala mu ndo lege tɛ Kaina. Ala ndohɛ̃ ndo tɛrɛ la ya, ani lua na faranga, nga ma se mɛ ndo Balamɛ ndoli na ni. Ala saba ndo tɛrɛ Nzapa, ko ala ndo nga ma Kore mɛ ndo asaba nga tɛrɛ Nzapa.

Suma 18:13

Ala ndoka lulumba, sambia, ayɔmbɔ kɔndɛ kɔndɛ, vinɔ, kpɔ̃, farinɛ, na le tɛ mɛ ili ni la ble. Ala ndoka abagara, angasã ngbaga, ambarata, apusu pusu mɛ ambarata ndogiɔ. Ala ndoka nga ambɛ, ala kɛ̃ ndo nga kia ndoka azi.

Suma 18:3

Asiɔ ye ti kamɛnɛ tɛ lo mɛ ndo lo ndoli, ko andogbɔ̃ lo nga ma kana ko, lo ha ndo na azi mɛ ndɛ̃, ala ali ni! Agbia ti lɛ sese ahɛ̃ ndo tɛrɛ la na lingɔ asiɔ ye ti kamɛnɛ ndoni kɔi na awa Babilɔnɛ! Ko azi ti lɛ sese mɛ awa dɛngɔ buze ati ndo awa nwa na lo ti anzɔ̃nzɔ̃ ye ti Babilɔnɛ mɛ se zo ahũ ko, ta lo gbe bɛ lo ma.”