1 Timɔte 6:4 - Fana Ngbangɔ 1987

⁴ zo ni ko lo wa yakɛ sĩ, ko ta lo hĩnga nga ye kɔi ma. Lo nga zo mɛ lo ye bimbingɔ tɛnɛ sĩ, lo ye nga pangɔ pa ngbɔndɔ ngbɔndɔ na lo ti atɛnɛ. Na lo ni la azi ndoli sɔbɛrɛ, ndopa pa, ndoguru afɔ̃ la, ndodu na siɔ dangɔ bɛ ndo afɔ̃ la,

1 Timɔte 6:4 Iomraidhean Croise

Awa Pangɔ Kwa 15:2

Polo na Barnabasi ĩ ma so ko, ala kɛ̃ tɛnɛ ni ko, la ala na azi ko ato nda bimbingɔ tɛnɛ kpengbani na popo tɛ la. Azi ti Eklezia ti Antiɔsɛ ĩ hũ so ko, ala pa hɛ̃ Polo, na Barnabasi, nga na ambanga azi ti Eklezia ti Antiɔsɛ mɛ ndɛ̃ ya: “Ĩ nɔ ka Yeruzalɛmɛ, wa ĩ na awa pangɔ kwa tɛ Yezo, nga na akangba ti Eklezia ĩ tɛnɛ tɛnɛ na lo ni.”

Awa Pangɔ Kwa 18:15

Wa oko adu na lo tɛnɛ mɛ ĩ ndobimbi na lo ti ili zo, nga na lo ti ndia tɛ ĩ nvɛni ko, oko aba ĩ nvɛni. Ta mbi ye ya, mbi fa ngbanga ti gi tɛrɛ aye nga so ma!”

Awa Pangɔ Kwa 8:9

Mbanga kɔli kɔi ili lo Simɔ, lo ndodu ndo uzu so ya kɔdɔrɔ ni ko. Lo ndoha ndo biando, ko azi ti Samaria ndobema ndo na lo ni. Lo ndomu ndo tɛrɛ lo ya, ni kota zo,

Roma 12:16

Ĩ na afɔ̃ ĩ awa Kristo ĩ du na nzɔ̃ mangbingɔ. Ta ĩ yakɛ tɛrɛ ĩ ma, kanda ale ĩ ye lingɔ akwa mɛ mbumbusɛni. Ta ĩ mu tɛrɛ ĩ ya, ĩ awa ndara ma.

Roma 13:13

E du na se nzɔ̃ li ye, nga ma se tɛ azi mɛ ndodɔ nɔ na ya vuru ndo. Ta e tɛ ye aɔ nyɔ kpɔ̃ ni ma, ta e nyɔ kana agbɔ̃ e ma, ta e li siɔ ye ti kamɛnɛ ma, ta e li siɔ ye ma, ta e pa pa ma, ta e li nga sɔbɛrɛ hɛ̃ afɔ̃ e ma.

Roma 14:1

Zo ko la ta lo yengɔ lo tɛ Yezo ali bɛ lo kpa ma ko, ale ĩ yamba lo, ta ĩ di lo na ya dangɔ bɛ mɛ lo na ni ma.

Roma 2:8

Azi ko la ndosaba tɛrɛ lo, ndokɛ̃ tɔndɔngɔ beta lo tɛ lo, ndoye bo lingɔ ye mɛ siɔni ko, ngɔnzɔ agbɔ̃ gbanda Nzapa hɛ̃ la, lo fa nga gbanda ngbanga lo bi li la.

1 Kɔrinto 11:16

Wa se zo aye bimbingɔ tɛnɛ na ndo tɛnɛ olo ko, ale lo hĩnga ya, ta e hĩnga se li ye mɛ ndɛ̃ ma, ko ta azi ti Eklezia ahĩnga nga ma.

1 Kɔrinto 11:18

Ti kɔzoni, apa hɛ̃ mbi ya, na ngoi mɛ ĩ ndobombi tɛrɛ ĩ so vɔrɔngɔ Nzapa ko, ĩ ndokangbi popo tɛ ĩ, ko mbi da bɛ mbi ya, alengbi ti dungɔ biani.

1 Kɔrinto 3:18

Ale ta bɛ zo kɔi ahanda lo nvɛni ma. Se mbanga zo na popo tɛ ĩ ada bɛ lo ya, ni na ndara mɛ azi ti lɛ sese na ni ko, ale lo mu tɛrɛ lo nga ma lo zo mɛ gɛgɛrɛ na gbɛlɛ azi, wadila lo ti bɛta wa ndara.

1 Kɔrinto 3:3

na lo mɛ ya, du tɛ ĩ ade nga ma du tɛ azi mɛ andokpã bɛ la na ndo alo ti lɛ sese. Nga ma la ĩ ndoli sɔbɛrɛ hɛ̃ afɔ̃ ĩ, ĩ ndopa nga pa na popo tɛ ĩ ko, afa ya, ĩ ndokpã bɛ ĩ na ndo alo ti lɛ sese, ko ĩ ndodu kwɛ kɔi nga ma azi ti lɛ sese!

2 Kɔrinto 11:20

Ĩ ndogbe bɛ ĩ ya, abi ĩ ambɛ, bere amu aye tɛ ĩ ti ĩ na poroso, ahanda ĩ, asamana na ĩ, agia nga bɛ ĩ.

Galatia 5:15

Ko se ĩ li ye tɛrɛ afɔ̃ ĩ, nga ma se tɛ asa ti ya ndo mɛ ndotɛtɛrɛkɛ terɛ la, ndodɛrɛngbi tɛrɛ la na kã ko, ale ĩ du na kpengba lɛ, ta so ma ko, ĩ hongbi.

Galatia 5:26

E zia lingɔ baba. Ta e li ya, ngɔnzɔ agbɔ̃ afɔ̃ e ma. E zia nga dungɔ na gwɛ̃ ti ye tɛ afɔ̃ e.

Galatia 6:3

Se zo ada bɛ lo ya, ni kota zo, kanda ti biani lo bo gɛgɛrɛ zo ko, afa ya, lo ndohanda tɛrɛ lo nvɛni.

Filipɛ 1:15

Adu biani ya, ambanga azi na popo tɛ la ndopa tɛnɛ tɛ Yezo Kristo, na lo mɛ ya, ala ndoli sɔbɛrɛ hɛ̃ mbi, ko ala ndosepara hɛ̃ngɔ mbi pɛnɔ, kanda ambanga mɛ ndɛ̃ ndopa ni na nzɔ̃ bɛ.

Filipɛ 2:14

Na ya kwa tɛ ĩ zu ko, ta ĩ dema tɛrɛ ĩ, bere ĩ pa pa na lo ni ma.

Filipɛ 2:3

Na ya kwa mɛ ĩ ndoli ko, ale ta ĩ kpã bɛ ĩ ya, ĩ ɔ afɔ̃ ĩ awa Kristo, bere ĩ du na yakɛ ma. Kanda ale ĩ bi tɛrɛ ĩ hɛ̃ afɔ̃ ĩ, ko ale zo kɔi kɔi amu afɔ̃ lo nga ma azi mɛ aɔ lo nvɛni.

Kɔlɔsɛ 2:18

Ambanga azi ndohɛ̃ pɛnɔ hɛ̃ tɛrɛ la nvɛni, ndovɔrɔ aangelo, ndokpã bo bɛ la ndo aye mɛ ala ndohũ na Suma. Ko ta ĩ ye ya, gi tɛrɛ azi ko agia bɛ ĩ ma, na lo mɛ ya, ta ĩ ndoli ye nga ma se tɛ la ma. Ala ndoyakɛ tɛrɛ la sĩ, ala ndoyakɛ tɛrɛ la ni sanga sanga, ko se dangɔ bɛ tɛ la adu nga ma se dangɔ be tɛ azi ti lɛ sese.

2 Tɛsalɔnikɛ 2:4

Siɔ Zo ni akɛ̃ gbanda lo ti aye zu mɛ azi ndomu ni nga ma anzapa, lo kɛ̃ nga gbanda lo ti aye zu mɛ azi ndovɔrɔ. Lo pa gbanda ya, ni ɔ aye ko zu. Lo kɛ̃ gbanda kia, lo li ya kota da Nzapa, lo ko lo du, lo pa ya, ni Nzapa.

1 Timɔte 1:4

Pa nga hɛ̃ la ya, ala zia kpãngɔ bɛ la na ndo agɛgɛrɛ tɛnɛ ti mbaye, ala zia nga dikɔngɔ ili akotara la gbara gbara, na lo mɛ ya, andohɛ̃ azi lege ya, ala bimbi tɛnɛ na popo tɛ la. Ko ta gi tɛrɛ ye ni ko ndoza la ya, ala li ye mɛ Nzapa aye ma. E hĩnga ye mɛ ndode bɛ Nzapa, na lo mɛ ya, e ye lo tɛ lo.

1 Timɔte 1:7

Ala ndoye ya, ani du awa hangɔ ndia tɛ Nzapa, kanda ta ala ndohĩnga nda tɛnɛ tɛ la nvɛni mɛ ala ndotɛnɛ, nga na ló mɛ ala ndoha na kpengba bɛ ma.

1 Timɔte 3:6

Ale ta lo du zo mɛ agbinya bɛ lo fanani ma, so lo yakɛ tɛrɛ lo, ko Nzapa afa ngbanga abi li lo, nga ma se mɛ ndo Satana ayakɛ na tɛrɛ lo, ko na lo ni ndo la Nzapa afa ngbanga abi li lo.

2 Timɔte 2:14

Ale mɔ ndoda bɛ awa Kristo na atɛnɛ mɛ mbi tɛnɛ hɛ̃ mɔ. Gbɔ̃ gɛrɛ la na ili Nzapa ya, ta ala pa pa na lo ti abuba tɛnɛ ma. Ta pangɔ pa ndoza zo bɛ yakere ma, pangɔ pa ndogbɛ̃ tɛ lo bɛ azi mɛ ndoma ni.

2 Timɔte 2:23

Zia bimbingɔ agɛgɛrɛ tɛnɛ nga na atɛnɛ ti buba, na lo mɛ ya, azi mɛ ndobimbi gi tɛrɛ atɛnɛ ni ko, ala ndokɔ nda bimbingɔ tɛnɛ tɛ la na pangɔ pa.

2 Timɔte 3:4

Ala du gbanda awa tɛngɔ gbe kuni afɔ̃ la, azi mɛ ndoli ye na ndo li la, azi mɛ ndoyakɛ tɛrɛ la sĩ. Ala kɛ̃ gbanda Nzapa, ko ala ye tɛ la alo mɛ ndode bɛ zo.

Tito 3:9

Ta mɔ bimbi tɛnɛ ti buba ma, ta mɔ dikɔ ili akotara mɔ gbara gbara ma, ta mɔ pa azi na pa ma, ta mɔ bimbi nga tɛnɛ na lo ti ndia tɛ Mɔizɛ ma. Aye ko zu adu gɛgɛrɛ, ta nda ni nga da ma.

Zaki 1:19

Ayata mbi ti kpɔ̃ bɛ mbi, ĩ da bɛ ĩ na tɛnɛ olo nzɔ̃ni: ale zo kɔi kɔi ama tɛnɛ tɛ afɔ̃ lo hiɔ, kanda ta lo tɛnɛ tɛnɛ hiɔ hiɔ ma. Ta ngɔnzɔ agbɔ̃ nga lo hiɔ hiɔ ma.

2 Petro 2:12

Awa nvɛnɛ ni ko adu nga ma asa ti ya ndo mɛ ta ndoli ye na kɔdɛ ma, ko azi ndogbɔ̃nɔ la, akpɔ la. Awa nvɛnɛ ni ko ndoguru aye mɛ ta ala hĩnga nda ni ma, ko ala na kpilingɔ nga ma se tɛ asa ti ya ndo.

2 Petro 2:18

Ala ndoyakɛ tɛrɛ la na tɛnɛngɔ abuba tɛnɛ. Ala ndohanda azi mɛ alo ka popo tɛ apaganɔ asi bo lo mɛ, ko azi ni ko ndoli ye na se gwɛ̃ ti tɛrɛ la.

Yudɛ 1:10

Ko azi ni ko mɛ awa hangɔ lo tɛ Nzapa na nvɛnɛ ndoguru aye mɛ ta ala hĩnga nda ni ma. Ala nga ma asa ti ya ndo, ta ala nga na kɔdɛ ma. Ko yungɔ ndo mɛ ala ayu agbɛ̃ la ti buai.

Yudɛ 1:16

Ngoi zu ko, ta bɛ azi ni ko mɛ awa hangɔ lo tɛ Nzapa na nvɛnɛ ndode ma, ala ndoli ye na se gwɛ̃ ti tɛrɛ la, ala ndotɛnɛ tɛnɛ na baba, ala ndokara azi na tɛnɛ lɛkpɛ lɛkpɛ ya, ani lua ye na ti la.

Suma 3:17

Ĩ ndopa ya, ĩ awa nwa, ĩ lua ye zu, ta ye kɔi azanga nga ĩ ma. Kanda ta ĩ ndohĩnga ya, ĩ awa kota pɛnɔ, ĩ awa yɛlɛ, ĩ ndumbu, ĩ nga awa ziba ma.