1 Timɔte 6:3 - Fana Ngbangɔ 1987

³ Se zo aha lo mɛ ndɛ̃, se ta lo ye abɛta tɛnɛ tɛ Gbia tɛ e Yezo Kristo ma, se ta lo ye nga lo mɛ e ndoha na lo ti se li ye mɛ ndode bɛ Nzapa ma ko,

1 Timɔte 6:3 Iomraidhean Croise

Matie 22:21

Ala gbinya hɛ̃ lo ya: “Adu lɛ kota gbia ti Roma nga na ili lo la.” La Yezo apa hɛ̃ la ya: “Wa ĩ futa lapo tɛ kota gbia ti Roma hɛ̃ lo, ko ĩ futa nga ye tɛ Nzapa hɛ̃ Nzapa.”

Matie 28:20

Ĩ pa hɛ̃ la ya, ala tɔndɔ aye zu mɛ ndo mbi pa hɛ̃ ĩ. Wa ĩ hĩnga ya, mbi na dungɔ ndoni kɔi na ĩ ngoi zu, nga ka sese awɛ na ni.”

Roma 16:17

Aya bua, mbi gbɔ̃ gɛrɛ ĩ ya, ĩ du na kpengba le na ndo azi ko la ndokɛ̃ alo mɛ ndo aha na ĩ. Na lo ni ko, ala ndokangbi popo tɛ azi, ala ndoto nga awa Kristo na siɔ lege. Ko ale ĩ du yɔngɔrɔni na la,

1 Tɛsalɔnikɛ 4:8

Ndani la zo ko la akɛ̃ mangɔ tɛnɛ olo ko, ta adu ya, lo kɛ̃ zo ma, kanda lo kɛ̃ Nzapa mɛ ahɛ̃ ĩ Tɔrɔ Santo.

1 Timɔte 1:10

azi mɛ ndoli siɔ ye ti kamɛnɛ, akɔli mɛ ndofɔnɔ na afɔ̃ la akɔli ma bere afɔ̃ la ni ati awe la, azi mɛ ndoka afɔ̃ la na ngere ya, ala ti ambɛ, azi mɛ ndopa nvɛnɛ, azi mɛ ndonyɔ ngɛ na nvɛnɛ, nga na azi mɛ ndoli aye mɛ ndɛ̃ zu mɛ ta alengbi na bɛta lo tɛ Nzapa mɛ andoha ma.

1 Timɔte 1:3

Mbi ye ya, mɔ ngbã ka kɔdɔrɔ ti Efɛzɛ nga ma se ko ndo mbi pa na ni hɛ̃ mɔ, na ngoi ti gwengɔ mbi ka sese ti Masedoanɛ. Ka Efɛzɛ ko, awa hangɔ lo tɛ Nzapa na nvɛnɛ da, ko ale mɔ gbanzi la na hangɔ lo ni.

1 Timɔte 1:6

Ambanga azi azia anzɔ̃nzɔ̃ aye ni ko, ayu lege, ko ala ndobimbi bo tɛnɛ mɛ ta nda ni da ma.

2 Timɔte 1:13

Abɛta tɛnɛ mɛ ndo mbi pa hɛ̃ mɔ ko, mu bo ni, mɔ pa hɛ̃ azi. Ye lo tɛ Yezo bɛ mɔ kɔi, ko mɔ ye nga azi na nguru mɛ e na ni, na lo mɛ ya, e na Yezo Kristo e ti bo kɔi.

2 Timɔte 4:3

Ta sanga ma, na mbanga ngoi gbanda ko, ta azi ti ye gbanda mangɔ bɛta, lo tɛ Nzapa mɛ andoha ma. Ala li tɛ la gbanda ye mɛ bɛ la nvɛni asepara. Na lo ni ko, ala bombi gbanda awa hangɔ ye so gunda la gba ya, ala ha ani na ye mɛ ani ye mangɔ.

Tito 1:1

Mbi Polo mɛ wa kwa tɛ Nzapa, mbi mɛ nga wa pangɔ kwa tɛ Yezo Kristo la mbi to mbɛti olo hɛ̃ mɔ Tito. Mbi bala mɔ. Nzapa ahɛ̃ mbi kwa ya, mbi za azi tɛ ni mɛ ni sara la ni kpa. Mbi ndoza la ya, ala ye lo tɛ lo, ala hĩnga nga bɛta lo mɛ ndofa sé du mɛ ndode bɛ lo.

Tito 1:9

Ale lo kpã bɛ lo ngĩi na ndo bɛta lo tɛ Nzapa mɛ aha na lo. Se lo li so, wadila lo lengbi ti sangɔ nguru bɛ azi mɛ ndɛ̃ na lege ti hangɔ la na bɛta lo ni ko, ko lo lengbi nga ti fangɔ na awa kɛ̃ngɔ bɛta lo ni ya, ala yu ndo.

Tito 3:8

Tɛnɛ ko la mbi tɛnɛ ko, adu bɛta tɛnɛ. Ko mbi ye ya, atɛnɛ mɛ mbi tɛnɛ ko, ha ni kpengbani, wadila azi ko la aye lo tɛ Nzapa ahɛ̃ tɛrɛ la na lingɔ anzɔ̃ kwa. Ba ye mɛ nzɔ̃ni, ko andoza nga azi la.