1 Timɔte 6:18 - Fana Ngbangɔ 1987

¹⁸ Hɛ̃ nga la nyɔ ya, ala li nzɔ̃ kwa sĩ, ala du awa kangɔ kaye, ala hɛ̃ nga ye hɛ̃ afɔ̃ la.

1 Timɔte 6:18 Iomraidhean Croise

Matie 5:42

Zo zu ko la ayɔ ye ti mɔ ko, hɛ̃ ni hɛ̃ lo. Se zo asepara zɛ̃ngɔ ye ka ti mɔ ko, ta mɔ kɛ̃ ma.”

Luka 12:21

Yezo apa nga ya: “Se tɛ zo mɛ ndobo nwa na lo tɛ lo nvɛni, kanda ka lɛ Nzapa ko, ta zo ni ko adu wa nwa ma la.”

Luka 3:11

Yoanɛ agbinya hɛ̃ la ya: “Ale zo mɛ na ndozu bɔngɔ sɛ ahɛ̃ kɔi hɛ̃ zo mɛ ta na ni ma, ko ale zo ko na tɛ ti tɛngɔ akangbi ni na afɔ̃ lo.”

Awa Pangɔ Kwa 10:38

Ĩ hĩnga se mɛ Nzapa asa na nguru tɛ Tɔrɔ Santo na tɛrɛ Yezo wa Nazarɛtɛ. Ĩ hĩnga nga se mɛ ndo Yezo afɔnɔ na ni na ndo kɔi kɔi. Lo li ndo anzɔ̃ lo, lo sara nga ndo azi zu mɛ na gbɛ ti Satana, ta sanga ma, Nzapa ndo ndoni kɔi na lo.

Awa Pangɔ Kwa 11:29

Awa Kristo akangbi ndo ya, zo kɔi kɔi na popo tɛ ani ahɛ̃ faranga na se mɛ lo lengbi ti hɛ̃ngɔ ni, wa ani to hɛ̃ afɔ̃ ani mɛ ndodu ka sese ti Yudea.

Awa Pangɔ Kwa 9:36

Ka kɔdɔrɔ ti Yope ndo ko, mbanga wali kɔi aye lo tɛ Yezo, ili lo la Tabita. (Bi ni na yanga tɛ azi ti Grɛsɛ la “Dɔrkasi”, Dɔrkasi adu sa mɛ ili ni la “ba”.) Ngoi zu, lo ndoli ndo nzɔ̃ li ye tɛrɛ afɔ̃ lo, ko lo ndoka ndo nga kaye hɛ̃ awa yɛlɛ.

Roma 12:13

Ale ĩ za ayata ĩ awa Kristo mɛ ta ala na ye ma, ko azi mɛ ndosi ka tɛ ĩ ko, ĩ yamba la nzɔ̃ni.

Roma 12:8

Zo ko la na nguru kwa ti sangɔ nguru bɛ afɔ̃ lo ko, ale lo sa nguru bɛ la. Zo ko la na nguru kwa ti kangɔ aye tɛ lo na kaye hɛ̃ afɔ̃ lo ko, ale lo ka ni na bɛ lo kɔi. Zo ko la na nguru kwa ti lɛngɔ gbia ko, ale lo hɛ̃ tɛrɛ lo na ya kwa ni. Zo ko la na nguru kwa ti zangɔ awa pɛnɔ ko, ale lo za la na dengɔ bɛ.

1 Kɔrinto 16:2

Lá yenga kɔi kɔi ko, ale zo kɔi kɔi na popo tɛ ĩ ahã nyɔ faranga tɛ lo na se mɛ lo ndolua na ni, akpa katɛ, ko ta ĩ to nda sɔrɔngɔ faranga ni bo na ngoi mɛ gbanda mbi si kai ma.

2 Kɔrinto 8:12

Ta sanga ma, se zo aha nyɔ ye tɛ lo, alengbi na se ye mɛ lo na ni, ahɛ̃ Nzapa na nzɔ̃ bɛ ko, Nzapa aye ye ni ko. Wa se ta zo adu nga na ye na ti lo ma ko, ta Nzapa ahũnda nga lo ya, lo hɛ̃ ni ye ma.

2 Kɔrinto 8:9

Ti biani, ĩ hĩnga nzɔ̃ bɛ mɛ Gbia tɛ e Yezo Kristo ndoli hɛ̃ e. Lo mɛ ndo na nwa ka yayu sĩ ko, lo ti ndo wa yɛlɛ so zangɔ ĩ. Lo li ndo so ya, na lege ti yɛlɛ tɛ ni ko, ĩ ti awa nwa ka lɛ Nzapa.

Galatia 6:10

Na lo ni ko, oko la e dɛ na ngoi ti lingɔ nzɔ̃ ye ko, ale e li nzɔ̃ ye na tɛrɛ azi zu, mai bo na tɛrɛ ayata e awa Kristo.

Efɛzɛ 4:28

Ale zo mɛ ndo wa nzĩ azia nzĩngɔ ye, ale lo li kwa na ti lo nvɛni na se kɔdɛ mɛ alengbi, wa lo za na awa yɛlɛ.

1 Timɔte 5:10

Ale azi ahĩnga nga ya, lo ndoli ndo nzɔ̃ kwa, lo ndokã ndo aya lo nzɔ̃ni, lo ndoyamba ndo azi mɛ ndosi ka tɛ lo nzɔ̃ni. Ale lo du zo mɛ ndo ndokpo gɛrɛ azi tɛ Nzapa, zo mɛ ndo ndoza awa pɛnɔ, zo mɛ ndo ndoli nga anzɔ̃ ye ndɛ̃ ndɛ̃ ndɛ̃.

Tito 2:14

Lo nvɛni lo ka ndo tɛrɛ lo na lo tɛ e, so tɔ̃ngɔ e na ya siɔ ye zu. Lo li ndo so ya, e du na vuru bɛ, e ti azi tɛ ni, wa e li anzɔ̃ kwa na gonvɛnɛ.

Tito 3:8

Tɛnɛ ko la mbi tɛnɛ ko, adu bɛta tɛnɛ. Ko mbi ye ya, atɛnɛ mɛ mbi tɛnɛ ko, ha ni kpengbani, wadila azi ko la aye lo tɛ Nzapa ahɛ̃ tɛrɛ la na lingɔ anzɔ̃ kwa. Ba ye mɛ nzɔ̃ni, ko andoza nga azi la.

Aebreo 13:16

Ale ĩ ndoli anzɔ̃ lo na tɛrɛ afɔ̃ ĩ, ale ĩ ndoza nga afɔ̃ ĩ na aye mɛ ĩ na ni. Ta bɛ ĩ ali na lingɔ aye ni ko ma. Ta sanga ma, aye ni ko adu nga ma aye mɛ ĩ mu, ĩ lu na Nzapa. Ko aye ni ko la ndode bɛ Nzapa.

Zaki 2:5

Ayata mbi ti kpɔ̃ bɛ mbi, ĩ ma la: Nzapa asara ndo awa yɛlɛ ge lɛ sese olo akpã ya, ala ye lo tɛ Yezo Kristo sĩ, wa ala si ka Kɔdɔrɔ Gbia tɛ lo mɛ lo ko kapa ni hɛ̃ awa yengɔ lo.

1 Petro 3:11

Ale lo zia lingɔ siɔ ye, Ko lo li ye mɛ nzɔ̃ni. Ale lo kpã mangbingɔ na popo tɛ afɔ̃ lo, Ko ta lo zia ni ma.

1 Yoanɛ 3:17

Se wa nwa ahũ nyita lo wa Kristo na gwɛ̃ ti ye, ko lo kɛ̃ zangɔ lo ko, afa ya, ta lo ye Nzapa ma.

3 Yoanɛ 1:11

Kwa mbi ti kpɔ̃ bɛ mbi, ta mɔ mu se li ye tɛ zo ko ndoli siɔ lo ma, mu se li ye tɛ wa lingɔ nzɔ̃ lo. Zo ko ndoli nzɔ̃ lo ko, zo tɛ Nzapa la, kanda zo ko ndoli siɔ lo ko, ta lo hĩnga Nzapa ma.