1 Timɔte 6:16 - Fana Ngbangɔ 1987

¹⁶ Bo lo kɔi la lo ndongbã kaka, lo ndodu na ya vuru ndo mɛ ta zo kɔi alengbi ti ingɔ tɛrɛ lo ka tɔ̃ ni ma. Ta zo kɔi ade ahũ lo bɛ gbɔ ma, ta zo kɔi alengbi nga ti hũngɔ lo ma. É gonda bɛ lo, ko lo lɛ bɛ nga gbia buru na buru ma ke! Seni la.

1 Timɔte 6:16 Iomraidhean Croise

Yoanɛ 1:18

Ta zo kɔi ahũ Nzapa ma. Kanda ngbongi Nyi lo mɛ lo nvɛni nga Nzapa, lo ndodu ka tɛ To lo Nzapa, la afa e na To lo Nzapa.

Yoanɛ 14:9

Yezo agbinya hɛ̃ lo ya: “Filipo, mbi e na ĩ na ndo mɛ ndogã, ta mɔ hĩnga mbi ma? Zo ko la ahũ mbi ko, ahũ nga To mbi. Ko nda mɛ mɔ pa ya, mbi fa mɔ na To mbi nɛ?

Yoanɛ 6:46

Ko ta oko afa ya, zo kɔi ahũ To mbi wɛ la ma. Bo mbi mɛ mbi lo ka tɛ To mbi Nzapa mbi ga, la mbi hũ lo.

Yoanɛ 8:58

La Yezo agbinya hɛ̃ la ya: “Mbi pa hɛ̃ ĩ ti beta tɛnɛ ya, uzu ti dúngɔ Abrahama ko, mbi ndo da.”

Efɛzɛ 3:21

E azi ti Eklezia mɛ e na Yezo Kristo e ti bo kɔi ko, ale e gonda Nzapa ngoi zu, buru na buru! Seni la.

Filipɛ 4:20

E gonda bɛ To e Nzapa buru na buru ma ke!

Kɔlɔsɛ 1:15

Ta zo kɔi ahũ Nzapa ma, kanda Yezo Kristo mɛ azi ahũ lo ko, lo limɔ tɛ Nzapa. Lo kɔzo Nyi Nzapa, lo ɔ azi zu, lo ɔ nga aye zu mɛ Nzapa ali.

1 Timɔte 1:17

Nzapa mɛ ndole gbia buru na buru zu, lo mɛ kaka, lo mɛ ta andohũ lo ma, lo mɛ bo lo kɔi la Nzapa ko, azi atɔndɔ bɛ lo, agonda bɛ nga lo buru na buru ma ke! Seni la.

Aebreo 13:8

Se ko ndo la Yezo da uzu ko, se mɛ lo da na olo la, ko se mɛ nga gbanda lo ngbã na ni ngoi zu la.

Zaki 1:17

anzɔ̃ ye zu ndolo ka yayu, ka tɛ Nzapa, wa azu ge tise. Lo la lo li lá, na nzɛ̃, nga na atongolo. Nzapa ndongbã ngoi zu na se tɛrɛ lo, ta lo ndosana tɛrɛ lo ya, ni zia ĩ na ya mbingo ma.

1 Yoanɛ 1:5

Ĩ ma tɛnɛ mɛ ndo e ma na nyɔ Yezo Kristo, la e separa pangɔ hɛ̃ ĩ lo mɛ: Nzapa lo wa vurungɔ na ndo, ko ta mbingo yakere ndodu na ndo mɛ lo da ma.

1 Yoanɛ 1:7

Kanda se e dɔ nɔ na ya vuru ndo, nga ma se mɛ Nzapa nvɛni ndodu na ya vuru ndo, wadila dangɔ bɛ tɛ e na tɛ afɔ̃ e awa Kristo ati bo kɔi, ko mɛnɛ tɛrɛ Nyi lo Yezo akpo siɔ ye tɛ e zu.

1 Yoanɛ 4:12

Ta zo kɔi ade ahũ Nzapa ma. Se e yengbi ko, Nzapa adu ndoni kɔi na e, ko afa ya, e ye lo na bɛ e kɔi.

Yudɛ 1:25

Lo ngengereni kɔi, lo Wa songɔ e na lo ye ko la Gbia tɛ e Yezo Kristo ali tɛrɛ e. Ndima, na nguru, nga na lo gbia adu na lo tɛ lo. Se tɛ lo ndo la, se tɛ lo na olo la, se mɛ nga lo na dungɔ na ni buru buru la! Seni la.

Suma 1:6

Lo li nga ya, e ti awa lungɔ To ni Nzapa na ye, ko ni du Gbia tɛ e. Yezo Kristo adu bɛ na ndima nga na nguru buru na buru ma ke! Seni la.

Suma 1:8

Gbia Nzapa mɛ Lombe, lo ndo da, lo da na olo, lo nga na gangɔ, lo pa ya, ni wa tongɔ nda aye zu, ni nga wa kɔngɔ nda aye zu.

Suma 21:3

Mbi ma legɔ̃ zo ka tɛrɛ ngɛndɛ gbia atɛnɛ tɛnɛ na kɔngɔ ya: “Na olo ko, Nzapa adu kɔdɔrɔ na popo tɛ azi! Lo na dungɔ ndoni kɔi na la, ala nga na dungɔ azi tɛ lo. Nzapa nvɛni na dungɔ ndoni kɔi na la, lo na dungɔ Nzapa tɛ la.

Suma 22:5

Ta bi ti vu gbanda ma. Ta ala ti du gbanda na gwɛ̃ ti mɔinda, bere na gwɛ̃ ti lá ma, na lo mɛ ya, lá tɛ la gbanda la ndima tɛ Gbia Nzapa, ko ala lɛ gbanda gbia buru na buru.

Suma 4:11

“Oo Gbia Nzapa tɛ e, Azi alengbi ti gondangɔ mɔ, tɔndɔngɔ mɔ. Ala lengbi nga ti yengɔ ya, mɔ lombe. Ta sanga ma, mɔ li ye kwɛ zu. Mɔ ndo la mɔ ye ya, aye ni ko adu dazu, Nda mɛ mɔ li ni la.”

Suma 7:12

“Seni la! E ye ya Nzapa tɛ e lo wa ndara, lo wa nguru, lo lombe. E gonda lo, é hɛ̃ lo sia kɔli, é tɔndɔ lo, é yakɛ lo buru na buru. Seni la!”