1 Timɔte 6:13 - Fana Ngbangɔ 1987

¹³ Na ili Nzapa mɛ ndohɛ̃ dungɔ lɛ ngɛ̃ hɛ̃ aye zu, nga na ili Yezo Kristo mɛ ndo apa nzɔ̃ lo ni na gbɛlɛ Pɔnse Pilato ko, mbi hɛ̃ mɔ nyɔ ya,

1 Timɔte 6:13 Iomraidhean Croise

Matie 27:11

Asi na Yezo ka gbɛlɛ Pilato, la Pilato ahũnda lo ya: “Mɔ kota gbia tɛ Ayuda?” Yezo agbinya hɛ̃ lo ya: “Tɛnɛ ni la mɔ tɛnɛ.”

Matie 27:2

Ala hɛ̃ nyɔ, agbe lo, anɔ na lo ka tɛ Pilato mɛ gbia tɛ leta.

Yoanɛ 14:6

Yezo agbinya hɛ̃ lo ya: “Mbi nga ma lege mɛ agwe ka tɛ To mbi, mbi beta lo tɛ Nzapa, mbi ndohɛ̃ nga beta du. Zo ko la aye singɔ ka tɛ To mbi ko, ale lo ɔ uzu ti ndo mbi.

Yoanɛ 19:11

Yezo agbinya hɛ̃ lo ya: “Ta mɔ na nguru kɔi ndo mbi ma. Kɔtɛ nguru mɛ mɔ na ni bo la nguru mɛ Nzapa ahɛ̃ mɔ. Nda mɛ siɔ ye tɛ zo mɛ ahɛ̃ mbi hɛ̃ mɔ, aɔ ndo siɔ ye tɛ mɔ la.”

Yoanɛ 5:21

Ta sanga ma, nga ma se ko To mbi ndoso awa kwáni, ko lo hɛ̃ la bɛta du ko, se mɛ nga mbi Nyi lo, mbi ndoso azi mɛ bɛ mbi aye songɔ la la.

Yoanɛ 5:26

Ta sanga ma, se ko To mbi na nguru ti hɛ̃ngɔ azi bɛta du ko, se mɛ nga lo hɛ̃ mbi nguru ti hɛ̃ngɔ azi bɛta du la.

Awa Pangɔ Kwa 17:25

Ta lo ndodu na gwɛ̃ ti ye tɛ azi be fani kɔi ya, ala hɛ̃ ni ma. Ta sanga ma, na lo tɛ lo la azi ndodu le la ngɛ̃, ndowɔ mbo, ndolua aye zu.

2 Kɔrinto 9:13

Faranga ni na fangɔ ya, ĩ na nzɔ̃ bɛ. Na lo ni ko, azi ma ya ma na gondangɔ Nzapa, na lo mɛ ya, ĩ ye lo Nzɔ̃ Pa tɛ Kristo, ĩ ma nga nyɔ lo. Ala nga na gondangɔ lo, na lo mɛ ya, ĩ mu faranga tɛ ĩ na nzɔ̃ bɛ, ĩ hɛ̃ la, ĩ hɛ̃ nga hɛ̃ awa Kristo mɛ ndɛ̃ zu.

Galatia 3:26

Ĩ zu ĩ du aya Nzapa, na lo mɛ ya, ĩ ye lo tɛ Yezo Kristo, ĩ na Yezo Kristo ĩ ti bo kɔi.

1 Timɔte 1:12

Mbi hɛ̃ sia kɔli hɛ̃ Gbia tɛ e Yezo Kristo mɛ asa nguru tɛrɛ mbi ya, mbi li na kwa tɛ ni. Mbi hɛ̃ lo sia kɔli na lo ko la lo mu mbi ka le lo ya, mbi du zo mɛ lo lengbi ti kpãngɔ bɛ lo ndo mbi, lo kpã nga mbi wa kwa tɛ lo.

1 Timɔte 1:15

Wa ĩ ba tɛnɛ ti biani mɛ azi zu alengbi ti yengɔ ni na be la kɔi lo mɛ: Yezo Kristo aga ndo ge le sese so songɔ awa lingɔ siɔ ye. Ko siɔ ye tɛ mbi la aɔ tɛ la zu.

1 Timɔte 2:5

Ta sanga ma, Nzapa bo kɔi, ko zo mɛ ndolɛkɛ popo tɛ lo na azi nga bo kɔi la Yezo Kristo

1 Timɔte 5:21

Na ili Nzapa, na ili Yezo Kristo, nga na ili aangelo mɛ ndo Nzapa asara la akpã ko, mbi gbɔ̃ gɛrɛ mɔ sĩ nvɛni ya, mɔ tɔndɔ tɛnɛ ko la mbi tɛnɛ hɛ̃ mɔ. Ta mɔ pia mɔ kɛ̃ tɛnɛ tɛ zo mɛ avɔ̃ to tɛrɛ lo ka tɛ mɔ, bere mɔ pia mɔ ye tɛnɛ tɛ lo ma. Ta mɔ ye zo kɔi, ko mɔ dɔ zo mɛ ndɛ̃ mɔ zia ma.

1 Timɔte 6:12

Tiri nzɔ̃ to na lo kwa tɛ Nzapa tɛ e, gbɔ̃ du ti kaka, ko mɔ̃ bata ni, ta sanga ma, Nzapa aili ndo mɔ na lo ni, na ngoi mɛ ndo mɔ pa lo ni nzɔ̃ni na gbɛlɛ azi ma wo ma.

Suma 1:5

Yezo Kristo lo bɛta temwɛ tɛ Nzapa, lo kɔzo zo mɛ ndo lo so na pɛ kwa, lo nga Gbia tɛ agbia ti le sese. Lo li bɛ nga nzɔ̃ bɛ hɛ̃ ĩ, lo li bɛ nga ya, bɛ ĩ adu pii ma ke! Bɛ lo aye e, lo kpi ndo so hãngɔ siɔ ye tɛ e zingɔ.

Suma 21:6

Lo ti pa nga ya: “Awe! Mbi wa li ni, mbi nga wa nda ni, mbi wa tongɔ nda aye zu, mbi nga wa kɔngɔ nda aye zu. Zo ko gwɛ̃ ngu agbɔ̃ lo ko, mbi hɛ̃ lo ngu gɛgɛrɛ, lo nyɔ. Ngu ti li ngu mɛ ndohɛ̃ zo bɛta du.

Suma 22:1

Angelo ko afa nga mbi na ngu mɛ ndohɛ̃ zo bɛta du. Le ngu ni ndosũ bai bai nga ma lɛ tala tala. Ngu ni ndosi na ya ngɛndɛ gbia tɛ Nzapa na tɛ Nyi Ngasã Ngbaga.

Suma 3:14

“Su tɛnɛ olo mɔ to hɛ̃ angelo mɛ ndobata awa Eklezia ti Laodisea. Tɛnɛ ni alo ka nyɔ zo mɛ ili lo la ‘Seni la’. Lo bɛta temwɛ tɛ Nzapa, lo nga bɛta wa pangɔ tɛnɛ. Nzapa ali ndo ye zu ti ndo lo. Zo ni ko apa ya,