1 Timɔte 6:12 - Fana Ngbangɔ 1987

¹² Tiri nzɔ̃ to na lo kwa tɛ Nzapa tɛ e, gbɔ̃ du ti kaka, ko mɔ̃ bata ni, ta sanga ma, Nzapa aili ndo mɔ na lo ni, na ngoi mɛ ndo mɔ pa lo ni nzɔ̃ni na gbɛlɛ azi ma wo ma.

1 Timɔte 6:12 Iomraidhean Croise

2 Kɔrinto 6:7

e ndopa bɛta tɛnɛ tɛ Nzapa, e na nguru tɛ Nzapa. E ndoli ye na seni, ko ye mɛ e ndoli na seni adu nga ma e na ye ti tiringɔ na to, adu nga ma ye ti batangɔ na tɛrɛ e.

2 Kɔrinto 9:13

Faranga ni na fangɔ ya, ĩ na nzɔ̃ bɛ. Na lo ni ko, azi ma ya ma na gondangɔ Nzapa, na lo mɛ ya, ĩ ye lo Nzɔ̃ Pa tɛ Kristo, ĩ ma nga nyɔ lo. Ala nga na gondangɔ lo, na lo mɛ ya, ĩ mu faranga tɛ ĩ na nzɔ̃ bɛ, ĩ hɛ̃ la, ĩ hɛ̃ nga hɛ̃ awa Kristo mɛ ndɛ̃ zu.

Filipɛ 1:30

Ĩ hũ ndo to mɛ mbi tiri, ko na olo ko, ĩ ma ya, mbi dɛ na tiringɔ to ni kpɔ, ko ĩ ndotiri nga bo to ni ko.

Kɔlɔsɛ 3:15

Mangbingɔ mɛ Yezo Kristo ndoli ya, adu na popo tɛ ĩ ko, abata bɛ ĩ ma ke! Ta sanga ma, Nzapa aili ĩ ya, ĩ du nga ma apɛnzɛ ngbonga tɛrɛ zo kɔi, ko ĩ du nga na mangbingɔ. Ale ĩ ndohɛ̃ nga lo sia kɔli.

1 Tɛsalɔnikɛ 2:12

E ndosa ndo nguru bɛ ĩ, e ndopa ndo nga hɛ̃ ĩ kpengbani ya, sé du tɛ ĩ adu nga ma se mɛ Nzapa ndoye. Lo la lo ndoili ĩ ya, ĩ si ka Kɔdɔrɔ Gbia tɛ ni, ko ĩ lua nga ndima kai.

2 Tɛsalɔnikɛ 2:14

Adu na lo ti songɔ ĩ ndo la lo ili ĩ, na lege ti Nzɔ̃ Pa mɛ ndo e pa hɛ̃ ĩ. Lo ili ĩ ya, ĩ lua nga ndima ka tɛ Gbia tɛ e Yezo Kristo.

1 Timɔte 1:18

Timɔte nyi mbi, mbi zia atɛnɛ ko mbi tɛnɛ na yamba ti mɔ, ya mɔ pa ni hɛ̃ azi nga ma se ko ndo awa pangɔ nyɔ Nzapa apa na ni uzu na lo tɛ mɔ. Da bɛ mɔ na atɛnɛ ni, wa mɔ tiri nzɔ̃ to.

1 Timɔte 1:19

Ngbã bo na yengɔ lo tɛ Yezo Kristo, ngbã nga na vuru bɛ. Ambanga azi akɛ̃ ndo batangɔ bɛ la vuruni, ko na lo ni ko, lo yengɔ tɛ la akpi kpɔɔ.

1 Timɔte 4:14

Ta mɔ zia nguru kwa mɛ mɔ na ni ma, nguru kwa mɛ Nzapa ahɛ̃ mɔ na ngoi mɛ ndo awa pangɔ nyɔ lo apa na lo tɛ mɔ, akangba ti Eklezia akpa nga na ti la ndo mɔ ya, Nzapa asunu mɔ.

1 Timɔte 6:13

Na ili Nzapa mɛ ndohɛ̃ dungɔ lɛ ngɛ̃ hɛ̃ aye zu, nga na ili Yezo Kristo mɛ ndo apa nzɔ̃ lo ni na gbɛlɛ Pɔnse Pilato ko, mbi hɛ̃ mɔ nyɔ ya,

1 Timɔte 6:19

Se ala li so ko, afa ya ala bo bɛta nwa mɛ ndoninga na lo ti bi mɛ ka gbɛlɛ la, wadiía ala lua bɛta du.

2 Timɔte 1:9

Lo la lo so e, lo nga la lo ili e ya, e du azi tɛ ni. Ko ta lo so e, lo ili nga e na lo ti anzɔ̃ kwa mɛ e li ma, kanda lo li ndo so na se bɛ lo nvɛni, nga na nzɔ̃ bɛ tɛ lo. Uzu ti lo lingɔ sese ko, lo hɛ̃ ndo nyɔ lo ya, ni na lingɔ nzɔ̃ bɛ hɛ̃ e ti ndo Yezo Kristo.

2 Timɔte 2:2

Tɛnɛ mɛ ndo mbi tɛnɛ hɛ̃ azi ma wo ma, ala aye lo ni ko, mu bo tɛnɛ ni ko, mɔ ha na abɛta azi mɛ ala lengbi ti hangɔ na azi mɛ ndɛ̃.

2 Timɔte 4:7

Mbi tiri nzɔ̃ to na lo kwa tɛ Nzapa we. Ko adu nga ma kpɛ la mbi kpɛ ngbĩi mbi si ka nda ni gbɔ. Ta mbi dɔ lo yengɔ lo tɛ Yezo Kristo mbi zia ma.

Aebreo 13:23

Wa ale ĩ hĩnga ya, nyita e Timɔte mɛ ndo abi lo bɔlɔkɔ ko, azi lo we. Se lo ga hiɔ lo tã mbi ko, e na lo e bombi e ga so bangɔ ĩ.

Aebreo 3:14

E ndokpã ndo bɛ e uzu na ndo Yezo, wa se e ngbã bo na kpãngɔ bɛ e na ndo lo nga ma se ti uzu, ngbĩi e si ka nda ni gbɔ, wadila e ti azi mɛ e na Yezo Kristo e ndoli kwa ndoni kɔi.

Aebreo 6:18

Na lo ti ngɛ mɛ ndo Nzapa anyɔ, nga na lo ti kapa mɛ ndo lo ko ko, ta lo lengbi ti diringɔ na nyɔ lo ma, ta lo lengbi nga ti pangɔ nvɛnɛ ma. Na lo ni la e mɛ e kpɛ, e nɔ ka tɛ Nzapa ya, lo bata e ko, lo sa nguru ma wo ma na bɛ e ya, e kpã bɛ e kpengbani na ndo ye mɛ lo ko kapa ni hɛ̃ e.

1 Petro 3:9

Se zo ali ĩ siɔni ko, ta ĩ́ li nga lo siɔni ma. Se zo aguru ĩ ko, ta ĩ́ guru nga lo ma. Kanda ale ĩ́ vɔrɔ Nzapa, ya Nzapa asunu zo ni ko. Ta sanga ma, ngoi mɛ ndo Nzapa aili ĩ ko, lo ko ndo kapa ya, ni na sunungɔ ĩ nvɛni.

1 Petro 5:10

Ĩ ndohũ pɛnɔ, kanda na pɛ ngoi yakere ko, Nzapa mɛ ndoli kota nzɔ̃ bɛ hɛ̃ e, lo nvɛni na lɛkɛngɔ ĩ, kpengbangɔ na bɛ ĩ, hɛ̃ngɔ ĩ nguru. Lo la lo ili ĩ ya, ĩ lua ndima ti kaka ka tɛ ni, na lo mɛ ya, ĩ na Kristo ĩ ti bo kɔi.

1 Yoanɛ 2:25

Ĩ ba ye mɛ Yezo Kristo ako kapa ni hɛ̃ e ya, ni na hɛ̃ngɔ e la du ti kaka.

Yudɛ 1:3

Aya bua, mbi ndoli ndo kpengbani ya, mbi su hɛ̃ ĩ mbɛti, na lo ti songɔ mɛ Nzapa aso na mbi, aso nga na ĩ. Ko ngoi mɛ mbi ndoda bɛ mbi nga so ko, mbi hũ ya, nzɔ̃ni ale mbi su hɛ̃ ĩ mbɛti, mbi sa nguru bɛ ĩ, wa ĩ li kpengbani, ĩ bata tɛnɛ tɛ Nzapa mɛ ndo ĩ ye lo ni. Adu tɛnɛ mɛ ndo lo hɛ̃ azi tɛ lo fani kɔi ti buai.

Suma 3:3

Wa ĩ da bɛ ĩ na ló mɛ ndo aha na ĩ, nga na tɛnɛ tɛ Nzapa mɛ ndo ĩ ma. Ale ĩ tɔndɔ ni, ko ĩ gbinya bɛ ĩ. Se ta ĩ du na kpengba lɛ ma ko, ni ga ni buta ĩ nga ma se tɛ wa nzĩ, ko ta ĩ na hĩngangɔ ngoi ti gangɔ tɛ ni ma.