1 Timɔte 6:10 - Fana Ngbangɔ 1987

¹⁰ Ta sanga ma, yengɔ faranga ndoili lɛ asiɔ ye ndɛ̃ ndɛ̃ ndɛ̃ na tɛrɛ zo. Ambanga azi adɔ ndo lege tɛ Nzapa azia, na lo mɛ ya, ala ye ndo faranga sĩ, ko bɛ la ndosɔ ndo nga na lo ni sĩ.

1 Timɔte 6:10 Iomraidhean Croise

Matie 13:22

Ambanga azi mɛ ndɛ̃ adu nga ma ale tɛ mɛ asa na popo asa ti kĩ. Ala ndoma tɛnɛ tɛ Nzapa, wa se sɔngɔ bɛ ti alo ti sese olo, na dengɔ bɛ na lo ti nwa ti sese mɛ alengbi ti handangɔ zo, avĩ tɛnɛ tɛ Nzapa kpu ko, ta kɔdɛ mɛ ya, tɛnɛ ni ahɛ̃ le da ma.

Matie 23:13

Yezo apa ya: “Siɔ lo ati na ĩ awa hangɔ ndia, ati nga na ĩ Afarizeo! Ĩ du awa poroso! Ta sanga ma, ĩ ndovĩ nyɔ gbágbá ti Kɔdɔrɔ Gbia tɛ Nzapa ya, ta azi ali kai ma. Ta ĩ nvɛni ĩ ndoli nga kai ma, ko ĩ ndogbanzi azi mɛ asepara lingɔ kai. [

Matie 6:19

Yezo apa ya: “Ta ĩ bo nwa ge tise na lo tɛ ĩ nvɛni ma. Ta sanga ma, ge tise ko, kangi na sɔ alengbi ti tɛngɔ ni, awa nzĩ alengbi nga ti kongɔ nyɔ da, nzĩngɔ ni.

Marko 4:19

wa se sɔngɔ bɛ Ti alo ti sese olo, na dengɔ bɛ ti nwa mɛ alengbi ti handangɔ zo, nga na gwɛ̃ ti aye ndɛ̃ ndɛ̃ ndɛ̃ ako ndo bɛ la ko, avi tɛnɛ tɛ Nzapa kpu, ko ta se mɛ ya, tɛnɛ ni ale da ma.

Kɔlɔsɛ 3:5

Na lo ni ko, ĩ hã gwɛ̃ ti lingɔ asiɔ ye ti lɛ sese zu mɛ ka bɛ ĩ, ĩ zi. Asiɔ ye ni lo mɛ: siɔ ye ti kamɛnɛ, na pite, na gwɛ̃ ti tɛrɛ, na siɔ gwɛ̃ ye, nga na gwɛ̃ ye, (ta sanga ma, dungɔ na gwɛ̃ ye adu nga ma vɔrɔngɔ angbilondo).

1 Timɔte 3:3

Ale ta lo nyɔ kana agbɔ̃ lo ma, ale ta lo du wa gingɔ ló ma. Kanda ale lo du dede zo, zo mɛ ndomangbi na azi. Ale ta lo du zo mɛ bɛ lo kotani na ndo faranga ma.

1 Timɔte 6:21

Mbi pa so, ta sanga ma, ambanga azi amu ndo tɛrɛ la ya, ani hĩnga ndo, ko ala dɔ ndo lege ti lo yengɔ tɛ la azia. Nzapa ali be nzɔ̃ bɛ hɛ̃ ĩ ma ke!

1 Timɔte 6:9

Kanda azi ko la ndoye ya, ani ti awa nwa ko, Satana ndohanda la, ko ala ndoza sɔ̃ tɛ lo, na lo ti agɛgɛrɛ siɔ ye mɛ ala na gwe ni, asiɔ ye mɛ ndogbɛ̃ zo zu zu zu.

2 Timɔte 3:2

Na ngoi ko gbanda ko, azi adu gbanda awa kinya, awa gwɛ̃ faranga, awa gwalo, awa yakɛ. Ala guru gbanda Nzapa, ala kɛ̃ gbanda nyɔ awa dúngɔ la. Ta ala hĩnga gbanda nzɔ̃ lo mɛ Nzapa ali tɛrɛ la ma. Ta ala tɔndɔ nga gbanda ye mɛ santo ma.

2 Timɔte 4:10

ta sanga ma, Demasi adɔ mbi azia, agwe ka Tɛsalɔnikɛ, na lo mɛ ya, bɛ lo aye alo ti ngoi olo sĩ nvɛni. Krɛsana agwe ka Galatia, Tito agwe tɛ lo ka Dalmatia.

Tito 1:11

Ale mɔ gbanzi la, ta sanga ma, ala ndogbɛ̃ ambanga nda se wa zu, ko ala ndoha lo mɛ ta alengbi ma so luangɔ faranga na lege mɛ siɔni.

Zaki 5:19

Aya bua, se mbanga zo kɔi na popo tɛ ĩ, adɔ bɛta lege tɛ Nzapa azia, ko zo mɛ ndɛ̃ adiri na lo da ko,

Yudɛ 1:11

Siɔ lo ati ndo na la, na lo mɛ ya, ala mu ndo lege tɛ Kaina. Ala ndohɛ̃ ndo tɛrɛ la ya, ani lua na faranga, nga ma se mɛ ndo Balamɛ ndoli na ni. Ala saba ndo tɛrɛ Nzapa, ko ala ndo nga ma Kore mɛ ndo asaba nga tɛrɛ Nzapa.

Suma 18:13

Ala ndoka lulumba, sambia, ayɔmbɔ kɔndɛ kɔndɛ, vinɔ, kpɔ̃, farinɛ, na le tɛ mɛ ili ni la ble. Ala ndoka abagara, angasã ngbaga, ambarata, apusu pusu mɛ ambarata ndogiɔ. Ala ndoka nga ambɛ, ala kɛ̃ ndo nga kia ndoka azi.