1 Timɔte 6:1 - Fana Ngbangɔ 1987

¹ Ale ambɛ zu amu ato gbia la nga ma azi mɛ alengbi ti tɔndɔngɔ la sĩ. Ale ala li so, so zo atɛnɛ tɛnɛ siɔni na ili Nzapa, atɛnɛ nga tɛnɛ siɔni na lo ti lo mɛ e ndoha.

1 Timɔte 6:1 Iomraidhean Croise

Matie 11:30

Kwa mɛ mbi e na ĩ na lingɔ na dungɔ woni, ko kumba mɛ mbi na hɛ̃ngɔ ĩ na dungɔ yapuni.”

Matie 11:9

Zo mɛ ĩ nɔ kai ĩ hũ lo na? Ĩ hũ wa pangɔ nyɔ Nzapa? Biani, mbi pa hɛ̃ ĩ ya, zo ko la ĩ nɔ ĩ hũ lo ko, abɛ nga awa pangɔ nyɔ Nzapa ko, lo ɔ la.

Luka 17:1

Yezo apa hɛ̃ ava lo ya: “Alo mɛ ndoto zo ya, lo li siɔ ye ndosi ngoi zu. Kanda siɔ lo ati na zo ko la afa fɔ̃ lo na lege ti lingɔ siɔ ye.

Awa Pangɔ Kwa 10:22

Ala gbinya hɛ̃ lo ya: “Kɔrnɛyɛ mɛ gbia tɛ aturugu la ato e. Lo nzɔ̃ zo mɛ ndotɔndɔ Nzapa, ko Ayuda zu ndogonda lo. Angelo tɛ Nzapa atisa lo ya, lo ili mɔ, mɔ ga ka tɛ lo, wa tɛnɛ mɛ mɔ na ni ko, mɔ pa hɛ̃ lo, lo ma.”

Awa Pangɔ Kwa 10:7

Angelo mɛ fɛrɛ apa tɛnɛ hɛ̃ Kɔrnɛyɛ ĩ diri ko, Kɔrnɛyɛ aili ambanga awa kwa tɛ lo sɛ, na mbanga turugu kɔi mɛ wa batangɔ lo. Turugu ko ndohɛ̃ ndo nga tɛrɛ lo so vɔrɔngɔ Nzapa.

Awa Pangɔ Kwa 15:10

Na olo ko, ĩ ndotara be Nzapa, ta sanga ma, ĩ separa hɛ̃ngɔ awa yengɔ lo tɛ lo kota kumba mɛ ta e na akotara e zu, e lengbi ti yɔngɔ ni ma.

Roma 2:24

Adu nga ma se mɛ asu na ni ka ya Buku tɛ Nzapa ya: “Bu tɛ ĩ Ayuda ma ko, ale ta apaganɔ ndoguru Nzapa ma.”

1 Kɔrinto 10:32

Ta ĩ́ li ya, Ayuda bere azi mɛ ta Ayuda ma, bere azi ti Eklezia ali siɔ ye na lo ti sé du tɛ ĩ ma.

Galatia 5:1

Yezo Kristo abi bɔrɔ tɛrɛ e ya, e ti abɔrɔ biani. Wa ĩ ngba bo abɔrɔ, ko ĩ bata li ĩ ya, ta ĩ diri ĩ ti ambɛ ti tɔndɔngɔ ndia tɛ Mɔizɛ ma.

1 Timɔte 5:14

Na lo ni la mbi separa ya, awe muã mɛ ade amɔsia ati du na kɔli, adú ayangambi, abata nga da tɛ la, so awe muã ni azi lege hɛ̃ awa kɛ̃ngɔ e ya, ala tɛnɛ siɔ tɛnɛ na ili e.

Tito 2:5

Ale atara bange aha na aya awe ya, ala du na nzɔ̃ kɔdɛ, ala du na vuru bɛ, ala li kwa ti ya da tɛ la nzɔ̃ni, ala du anzɔ̃ azi, ala ma nyɔ akɔ la. Ta so ma ko, azi na tɛnɛngɔ ya, tɛnɛ tɛ Nzapa adu siɔni.

1 Petro 2:12

Ale sé du tɛ ĩ adu nzɔ̃ni na popo tɛ apaganɔ. Se ĩ li so, bɛ se ala vɔ̃ to tɛrɛ ĩ ya, ĩ asiɔ azi ko, ala na hũngɔ ya, ĩ ndoli anzɔ̃ ye, ko gbanda ko, ala gonda Nzapa na lá ti gangɔ tɛ lo.

1 Petro 3:16

Ale ĩ kambisa nda ni hɛ̃ la na dede bɛ, ĩ tɔndɔ nga la. Ale ĩ du na vuru bɛ ya, se azi avɔ̃ to tɛrɛ ĩ ko, kamɛnɛ agbɔ̃ la nvɛni na ndo tɛnɛ tɛ la. Ta sanga ma, ala ndodi ĩ siɔni na lo ti nzɔ̃ se li ye tɛ ĩ mɛ ĩ na ni, na lo mɛ ya, ĩ na Yezo Kristo ĩ ti bo kɔi.