1 Timɔte 5:6 - Fana Ngbangɔ 1987

⁶ Kanda we muã ko la ndoye dungɔ na ya dengɔ bɛ ti lɛ sese ko, abɛ se lo dɛ lɛ lo ngɛ̃ ko, tɔrɔ tɛrɛ lo akpi wɛ.

1 Timɔte 5:6 Iomraidhean Croise

Matie 8:22

Yezo agbinya hɛ̃ lo ya: “Zia awa kwáni ahɔ kinda tɛ la, ko mɔ̃ ga, e na mɔ e ɔ ndoni kɔi.”

Luka 12:19

So pɛni, mbi na tɛnɛngɔ ka ya bɛ mbi ya, nyi bua, mɔ na ye ma wo ma, ko aye ni alengbi ti lingɔ buru gba. Wɔ tɛrɛ mɔ, mɔ tɛ, mɔ nyɔ, mɔ saba.’

Luka 15:13

Ĩ la so pɛni yakere ko, wa ngambi aka tɛ lo aye ni, amu faranga ni, agwe na ni ka kɔdɔrɔ mɛ yɔngɔrɔni. Lo ĩ si kai ko, lo da wa lingɔ ye yenge yenge, lo gbɛ̃ faranga tɛ lo hororo.

Luka 15:24

Ta sanga ma, nyi mbi olo ndo nga ma zo mɛ akpi, la lo so, lo gɛrɛ ndo, ko mbi lua lo.’ La ala to nda kota yenga.

Luka 15:32

Ko ale e li yenga, é saba, ta sanga ma, nyita mɔ olo ndo nga ma zo mɛ akpi, la lo so, lo gɛrɛ ndo, la mbi lua lo!’ ”

Luka 16:19

Yezo ato matɔ hɛ̃ la ya: “Mbanga kɔli kɔi ndo wa nwa, lo ndoyu ndo akpɔ̃ bɔngɔ ti kota ngere. Lá kɔi kɔi, lo ndodu ndo nzɔ̃ni, lo ndotɛ ndo anzɔ̃nzɔ̃ tɛ.

Luka 7:25

Wa zo mɛ ĩ nɔ kai ĩ hũ lo na? Ĩ nɔ, ĩ hũ kɔli mɛ ayu abɔngɔ ti kota ngere? Ipɔ! Awa yungɔ abɔngɔ ti kota ngere, na azi ko la nwa ako ndo la ndodu tɛ la ka ya ngbo tɛ agbia.

Efɛzɛ 2:1

Ndo uzu ko, ĩ ndo azi mɛ tɔrɔ tɛrɛ ĩ akpi, na lo mɛ ya, ĩ ndoli ndo asiɔ ye.

Efɛzɛ 2:5

ko ngoi mɛ ndo e du azi mɛ tɔrɔ tɛrɛ e akpi na lo ti asiɔ ye tɛ e ko, lo bombi e na Yezo Kristo, lo so e na ya kwá kɔi. Na lo ti nzɔ̃ bɛ tɛ Nzapa ndo la Nzapa aso ĩ.

Efɛzɛ 5:14

Ta sanga ma, lo mɛ afa tɛrɛ lo yango ndoti vuru ndo. Na lo ni la andopa ya: “Mɔ zo ko la mɔ la langɔ ko, zingɔ, Lo ndozu na popo tɛ azi mɛ akpili, Wa Yezo Kristo avuru na ndo hɛ̃ mɔ.”

Kɔlɔsɛ 2:13

Ndo uzu ko, ĩ ndo azi mɛ tɔrɔ tɛrɛ ĩ akpi, na lo mɛ ya, ĩ ndoli ndo asiɔ ye, ĩ ndo awa popo, alengbi ya, ĩ ndo apaganɔ. Kanda na olo ko, Nzapa aso ĩ na Yezo Kristo na pɛ kwá. Lo ka lɛ lo ndo asiɔ ye zu mɛ e na ĩ na ni.

2 Timɔte 3:6

Ambanga azi na popo tɛ la ndoli ya da tɛ azi, ahanda awe mɛ bɛ la woni, ko awe ni aye lo tɛ la. Awe ni ko adu awe mɛ asiɔ ye ako ndo la, awe mɛ ndodu na gwɛ̃ ti asiɔ ye ndɛ̃ ndɛ̃ ndɛ̃,

Zaki 5:5

Ge lɛ sese ko, ĩ ndodu na ya anzɔ̃nzɔ̃ ye, ko ĩ ndoli nga ye na se gwɛ̃ ti tɛrɛ ĩ. Ĩ ndotɛ ye sĩ, ĩ kokɛnɛ nga ma abagara mɛ agwe na la ti kpɔngɔ la tɛngɔ.

Suma 18:7

Ahɛ̃ bɛ la pɛnɔ, na vundu alengbi na ndima, nga na anzɔ̃nzɔ̃ ye mɛ ndo ala na ni ma ke! Ala ndopa ka ya bɛ la ya, ani du so kɔdɔrɔ ni ko nga ma awe gbia, ta ani awe muã ma, ta ani lɛ nga gbanda muã ma.

Suma 3:1

“Su tɛnɛ olo mɔ to hɛ̃ angelo mɛ ndobata awa Eklezia ti Sardɛ. Tɛnɛ ni alo ka nyɔ zo mɛ na atɔrɔ tɛ Nzapa mbara mbara, lo nga na atongolo mbara mbara. Zo ni ko apa ya, ni hĩnga ye zu mɛ ĩ ndoli. Ni hĩnga ya, pa ili ĩ afɔnɔ ya, ĩ dɛ lɛ ĩ ngɛ̃, kanda ĩ du azi mɛ ĩ kpili wɛ.