1 Timɔte 5:3 - Fana Ngbangɔ 1987

³ Tɔndɔ awe muã mɛ ta zo ti la kɔi ma.

1 Timɔte 5:3 Iomraidhean Croise

Matie 15:6

Ĩ ba se mɛ ĩ ndogbɛ̃ na ngbondo tɛnɛ tɛ Nzapa, so lingɔ ye na sé du tɛ ĩ la!

Matie 23:13

Yezo apa ya: “Siɔ lo ati na ĩ awa hangɔ ndia, ati nga na ĩ Afarizeo! Ĩ du awa poroso! Ta sanga ma, ĩ ndovĩ nyɔ gbágbá ti Kɔdɔrɔ Gbia tɛ Nzapa ya, ta azi ali kai ma. Ta ĩ nvɛni ĩ ndoli nga kai ma, ko ĩ ndogbanzi azi mɛ asepara lingɔ kai. [

Luka 2:37

Kɔ lo akpi ti lo, ko lo la so pɛ kwá tɛ kɔ lo ngbĩi lo ti na buru sui miambe ndoni siɔ. Lo ndonɔ ndo lá kwɛ lá kwɛ ka ya kota da Nzapa. Ko lo ndovɔrɔ ndo Nzapa bi na lá, lo ndokɛ̃ ndo tɛ so vɔrɔngɔ Nzapa.

Luka 7:12

Ngoi mɛ Yezo ĩ doli na nyɔ gbágbá mɛ aka kɔdɔrɔ kɛrɛrɛ ko, lo hũ azi so ndogwe na kinda ka ndo sende. Adu ndo kinda tɛ ngbongi nyi we muã, ko ngbongi nyi ni ndo kɔli. Awa kɔdɔrɔ ma wo ma ndo so tɔ̃nda we muã ko.

Yoanɛ 1:47

Ngoi mɛ Yezo ĩ hũ Natanaɛlɛ so ndoga ka tɛ lo ko, lo pa ya: “Ĩ ba beta wa Izrayɛlɛ la ndoga, ta lo ndopa nvɛnɛ bɛ yakere ma.”

Awa Pangɔ Kwa 6:1

Na ngoi ko ndo ko, awa yengɔ lo tɛ Yezo ndobu gi bungɔ, la Ayuda mɛ ndotɛnɛ yanga tɛ azi ti Grɛsɛ, adema tɛrɛ la hɛ̃ Ayuda mɛ anvɛ̃ kɔdɔrɔ. Ala pa ya, lá kwɛ lá kwɛ, na ngoi ti kangbingɔ tɛ ko, ta andohɛ̃ tɛ hɛ̃ awe muã tɛ ani na seni ma.

Awa Pangɔ Kwa 9:39

Ala ĩ si kai, ĩ pa kwa ni hɛ̃ Petro ko, Petro na awa pangɔ kwa ko agwe bo na ngoi ni ko. Lo ĩ si kai ko, agwe na lo ka ya da mɛ ka ndozu. Awe muã ai tɛrɛ la ka tɔ̃nda lo, ala so ndoto to. Ala fa lo na andozu bɔngɔ, na akota bɔngɔ mɛ ndo Dɔrkasi alɛkɛ na ngoi mɛ ndo lo dɛ lɛ lo ngɛ̃.

Awa Pangɔ Kwa 9:41

Petro agbɔ̃ ti lo, aza lo, la lo lo ndozu. Petro aili awa yengɔ lo tɛ Yezo, na awe muã, lo fa la na Tabita mɛ aso na pɛ kwá.

1 Tɛsalɔnikɛ 2:6

Ta e tɛnɛ ndo tɛnɛ ya, ĩ gonda e, bere azi mɛ ndɛ̃ agonda e na lo ni ma.

1 Timɔte 5:2

Mu atara bange nga ma atara mɔ, mu nga aya awe nga ma ayata mɔ, du na vuru bɛ na gbɛlɛ la.

Zaki 1:27

Ĩ ba se vɔrɔngɔ To e Nzapa mɛ lo ndoye ya, adu bɛtani lo mɛ: zangɔ aya ndũ, na awe muã na ya pɛnɔ mɛ ala ndohũ, batangɔ tɛrɛ na ya asiɔ lo ti lɛ sese zu mɛ ndohanda zo ya, lo li siɔ ye.

1 Petro 2:17

Ale ĩ tɔndɔ azi zu, ĩ́ ye ayata ĩ awa Kristo, ĩ kpɛ Nzapa, ĩ tɔndɔ kota gbia ti Roma.

1 Petro 3:7

Ĩ akɔli mɛ ĩ du na wali, ale ĩ du na awe ĩ nzɔ̃ni, na lo mɛ ya, ĩ hĩnga ya, ala du azi mɛ woni. Ĩ tɔndɔ la, ta sanga ma, bɛta du mɛ gbanda Nzapa ahɛ̃ ĩ ko, lo hɛ̃ nga gbanda hɛ̃ la. Ale ĩ li nga so, wadila ta ye kɔi agbanzi sambela tɛ ĩ ma.