1 Timɔte 5:23 - Fana Ngbangɔ 1987

²³ Timɔte, zia nyɔngɔ bo ngu kɔi, kanda nyɔ nga vinɔ yakere, ya aza kundu mɔ, na lo mɛ ya, kundu mɔ ndosɔ fani sĩni.

1 Timɔte 5:23 Iomraidhean Croise

Awa Pangɔ Kwa 18:5

Ngoi mɛ ndo Silasi na Timɔte ĩ lo ka Masedoanɛ ĩ ga, ĩ tã Polo ko, Polo amu ngoi tɛ lo zu so hangɔ azi na tɛnɛ tɛ Yezo, ko lo ndopa nga ndo hɛ̃ Ayuda ya, Yezo lo Mɛsia biani.

Efɛzɛ 5:18

Ta ĩ nyɔ kana agbɔ̃ ĩ ma, so agbɛ̃ du tɛ ĩ. Kanda ale ĩ ye ya, Tɔrɔ Santo asa nguru bɛ ĩ sĩ ngoi zu.

1 Timɔte 3:3

Ale ta lo nyɔ kana agbɔ̃ lo ma, ale ta lo du wa gingɔ ló ma. Kanda ale lo du dede zo, zo mɛ ndomangbi na azi. Ale ta lo du zo mɛ bɛ lo kotani na ndo faranga ma.

1 Timɔte 3:8

Ale adiakrɛ adu azi ti ndima, azi mɛ ta nyɔ la se se ma. Ale ala du azi mɛ ta ndonyɔ kana sĩ ma, azi mɛ ta ndolua faranga na se lege mɛ siɔni ma.

1 Timɔte 4:4

Ye kwɛ mɛ Nzapa ali ko, adu nzɔ̃ni. Ale ta e kɛ̃ ye kɔi ma, kanda ale e mu ye kwɛ na hɛ̃ngɔ lo sia kɔli.

Tito 1:7

Ta sanga ma, wa batangɔ Eklezia adu zo mɛ azia kwa tɛ Nzapa na yamba ti lo. Ko ale ta lo du zo mɛ ndoli ye mɛ alengbi ti belangɔ lo na lo ni ma. Ale ta lo du wa yakɛ ma, ta lo du wa ngɔnzɔ ma, ta lo du wa nyɔngɔ kana sĩ ma, ta lo du wa gingɔ ló ma, ta lo du nga zo mɛ ndolua faranga na lege mɛ siɔni ma.

Tito 2:3

Pa hɛ̃ atara bange ya, ale se li ye tɛ la adu nga ma se li ye tɛ azi tɛ Nzapa. Ta ala di zo ma, ta ala ti ambɛ ti nyɔngɔ kana ma. Ale ala ndohɛ̃ nzɔ̃ wangɔ