1 Timɔte 5:22 - Fana Ngbangɔ 1987

²² Se mɔ ye hɛ̃ngɔ zo kwa ti Eklezia ko, ta mɔ kpã ti mɔ ndo lo hiɔ ya, Nzapa asunu lo ma. Ale mɔ hĩnga lo uzu nzɔ̃ni wadila. Se mɔ hũ azi na lingɔ siɔ ye ko, ta mɔ li tɛ mɔ ni ma, kanda ale mɔ bata bɛ mɔ vuruni.

1 Timɔte 5:22 Iomraidhean Croise

Awa Pangɔ Kwa 13:3

Ala kɛ̃ tɛngɔ ye, ala sambela sambela, so pɛni, ala kpã ti la ndo Barnabasi na Saulo ya, Nzapa asunu la. La ala zi lege hɛ̃ Barnabasi na Saulo, ala gwe.

Awa Pangɔ Kwa 18:6

Ko ngoi mɛ Ayuda ĩ kɛ̃ tɛnɛ tɛ lo, ĩ guru nga lo ko, lo dara mbuba ti tɛrɛ bɔngɔ tɛ lo hɛ̃ la. La lo pa hɛ̃ la ya: “Se ĩ yu lege tɛ Nzapa ko, ta nda ni tɛrɛ mbi ma, nda ni tɛrɛ ĩ nvɛni. Bo na olo ko, mbi zia ĩ, mbi nɔ ka tɛ azi mɛ ta Ayuda ma, ya mbi pa tɛnɛ tɛ Nzapa hɛ̃ la.”

Awa Pangɔ Kwa 20:26

Nda mɛ mbi pa hɛ̃ ĩ na lá olo ya, se zo kɔi na popo tɛ ĩ ti yu lege tɛ Nzapa ko, ta nda ni tɛrɛ mbi ma,

Awa Pangɔ Kwa 6:6

So pɛni, asi na la ka gbɛlɛ awa pangɔ kwa tɛ Yezo. La awa pangɔ kwa tɛ Yezo asambela Nzapa, akpã ti la ndo la ya, Nzapa sunu la.

Efɛzɛ 5:11

Ta ĩ li na li nɔ tɛ awa lingɔ gɛgɛrɛ ye ti ya mbingo ma, kanda ale ĩ si na siɔ ye tɛ la yango.

1 Timɔte 3:10

Uzu ti la tingɔ adiakrɛ ko, ale atara bɛ la, wa so pɛni, se ta ala du na siɔ lo ma, wadila ala li kwa tɛ la ti diakrɛ.

1 Timɔte 3:2

Ale lo du zo mɛ ta ndoli ye mɛ alengbi ti belangɔ lo na lo ni ma, ale lo du na wali bo kɔi, lo li ye na nyɔ kpɔ̃ ni, lo du na nzɔ̃ kɔdɛ, lo li ye na seni. Ale lo yamba azi mɛ ndosi ka tɛ lo nzɔ̃ni, ale lo hĩnga nga hangɔ lo tɛ Nzapa.

1 Timɔte 3:6

Ale ta lo du zo mɛ agbinya bɛ lo fanani ma, so lo yakɛ tɛrɛ lo, ko Nzapa afa ngbanga abi li lo, nga ma se mɛ ndo Satana ayakɛ na tɛrɛ lo, ko na lo ni ndo la Nzapa afa ngbanga abi li lo.

1 Timɔte 4:12

Ta mɔ ye ya, zo asamana na mɔ, na lo mɛ ya, mɔ dɛ nyi kɔli ma. Kanda ale mɔ du wa fangɔ nzɔ̃ le lo na awa Kristo. Ale mɔ fa la na ni na se tɛnɛ tɛ mɔ, na se du tɛ mɔ, na se mɛ mɔ ndoye na lo tɛ Nzapa, nga na se mɛ mɔ ndodu na vuru bɛ.

1 Timɔte 4:14

Ta mɔ zia nguru kwa mɛ mɔ na ni ma, nguru kwa mɛ Nzapa ahɛ̃ mɔ na ngoi mɛ ndo awa pangɔ nyɔ lo apa na lo tɛ mɔ, akangba ti Eklezia akpa nga na ti la ndo mɔ ya, Nzapa asunu mɔ.

2 Timɔte 1:6

Na lo ni la mbi da bɛ mɔ na nguru kwa mɛ ndo Nzapa ahɛ̃ mɔ, na ngoi mɛ ndo mbi kpa na ti mbi ndo mɔ, ko ale ta mɔ zia nguru ni agɔgɔtɔ ma.

2 Timɔte 2:2

Tɛnɛ mɛ ndo mbi tɛnɛ hɛ̃ azi ma wo ma, ala aye lo ni ko, mu bo tɛnɛ ni ko, mɔ ha na abɛta azi mɛ ala lengbi ti hangɔ na azi mɛ ndɛ̃.

Aebreo 6:2

na lo ti batisimɔ ndɛ̃ ndɛ̃ ndɛ̃ mɛ azi ndomu, na lo ti kpãngɔ ti ndo zo ya, Nzapa asunu lo na ya kwa tɛ lo, na lo ti songɔ na pɛ kwá, nga na lo ti ngbanga tɛ azi mɛ gbanda Nzapa afa. Lo fa gbanda ngbanga, ko ngbanga ni angbã kaka.

2 Yoanɛ 1:11

Ta sanga ma, zo ko la abala lo ko, afa ya, zo ni ko aye lo siɔ ye mɛ lo Ĩi.

Suma 18:4

Lo ĩ tɛnɛ so wɛ ko, mbi ma nga legɔ̃ zo mɛ ndɛ̃ adu ka ndozu so ndopa ya: “Azi tɛ mbi, ĩ lo ka popo tɛ la ĩ si, so ĩ li asiɔ tɛ la, so ĩ hũ nga apɛnɔ mɛ Nzapa na hɛ̃ngɔ la.