1 Timɔte 5:21 - Fana Ngbangɔ 1987

²¹ Na ili Nzapa, na ili Yezo Kristo, nga na ili aangelo mɛ ndo Nzapa asara la akpã ko, mbi gbɔ̃ gɛrɛ mɔ sĩ nvɛni ya, mɔ tɔndɔ tɛnɛ ko la mbi tɛnɛ hɛ̃ mɔ. Ta mɔ pia mɔ kɛ̃ tɛnɛ tɛ zo mɛ avɔ̃ to tɛrɛ lo ka tɛ mɔ, bere mɔ pia mɔ ye tɛnɛ tɛ lo ma. Ta mɔ ye zo kɔi, ko mɔ dɔ zo mɛ ndɛ̃ mɔ zia ma.

1 Timɔte 5:21 Iomraidhean Croise

Matie 16:27

Mbi Nyi Zo mbi na aangelo tɛ To mbi e ga gbanda na ya ndima tɛ lo, ko mbi futa gbanda zo kɔi kɔi na se kwa mɛ lo li.

Matie 25:41

“So pɛni, mbi Gbia, mbi pa nga gbanda hɛ̃ azi mɛ na ndo ti mbi ti ga ya: ‘Ĩ ɔ lɛ mbi, ĩ du azi mɛ Nzapa azónga ĩ! Ĩ nɔ ka ya wá ti kaka mɛ ndo alɛkɛ na lo tɛ Satana na aangelo tɛ lo!

Matie 28:20

Ĩ pa hɛ̃ la ya, ala tɔndɔ aye zu mɛ ndo mbi pa hɛ̃ ĩ. Wa ĩ hĩnga ya, mbi na dungɔ ndoni kɔi na ĩ ngoi zu, nga ka sese awɛ na ni.”

Luka 20:21

Awa ginɔ ahũnda lo ya: “Wa hangɔ lo tɛ Nzapa, e hĩnga ya, tɛnɛ mɛ mɔ ndotɛnɛ, nga na ye mɛ mɔ ndoha adu bɛtani. Ta mɔ ndokpɛ lɛ zo ma. Kanda mɔ ndoha azi na bɛta lo mɛ aba sé du mɛ Nzapa ndoye.

Luka 9:26

Se kamɛnɛ agbɔ̃ zo na lo tɛ mbi Nyi Zo, nga na lo ti tɛnɛ tɛ mbi ko, kamɛnɛ agbɔ̃ nga gbanda mbi na lo tɛ zo ni ko, na ngoi mɛ gbanda mbi ga na ya ndima tɛ mbi, na tɛ To mbi nga na tɛ aangelo mɛ santo.

2 Kɔrinto 5:16

Na lo ni, ato na olo ko, ta e ti ndohĩnga zo na lege ti sé du tɛ lo mɛ e ndohũ na lɛ e ma. Ndo uzu ko, se mɛ ndo e ndohũ na Kristo la, kanda na olo ko, ta se mɛ e ndohũ na lo la ma.

1 Tɛsalɔnikɛ 5:27

Mbi gbɔ̃ gɛrɛ ĩ na ili Gbia ya, ĩ di mbɛti olo hɛ̃ azi tɛ Nzapa zu mɛ ndodu ka kɔdɔrɔ tɛ ĩ.

1 Timɔte 6:13

Na ili Nzapa mɛ ndohɛ̃ dungɔ lɛ ngɛ̃ hɛ̃ aye zu, nga na ili Yezo Kristo mɛ ndo apa nzɔ̃ lo ni na gbɛlɛ Pɔnse Pilato ko, mbi hɛ̃ mɔ nyɔ ya,

2 Timɔte 2:14

Ale mɔ ndoda bɛ awa Kristo na atɛnɛ mɛ mbi tɛnɛ hɛ̃ mɔ. Gbɔ̃ gɛrɛ la na ili Nzapa ya, ta ala pa pa na lo ti abuba tɛnɛ ma. Ta pangɔ pa ndoza zo bɛ yakere ma, pangɔ pa ndogbɛ̃ tɛ lo bɛ azi mɛ ndoma ni.

2 Timɔte 4:1

Mbi gbɔ̃ gɛrɛ mɔ na ili Nzapa, nga na ili Yezo Kristo mɛ gbanda afa ngbanga tɛ azi mɛ lɛ la ngɛ̃, nga na tɛ awa kwáni. Na ili Yezo mɛ gbanda aga so lɛngɔ gbia ko, mbi gbɔ̃ gɛrɛ mɔ ya,

Zaki 3:17

Ndara mɛ ndolo ka tɛ Nzapa ko, ta ndodu na siɔ ye kɔi ma. Zo ko la na gi tɛrɛ ndara ni ko, lo dede zo, lo nga na nzɔ̃ bɛ. Lo ndoma vundu tɛ azi sĩ, lo ndoli nga anzɔ̃ ye. Ta lo ndoye zo kɔi, ko lo dɔ atanga ni lo zia ma. Ta nyɔ lo sɛ sɛ ma.

2 Petro 2:4

Ta sanga ma, aangelo mɛ ndo ali siɔ ye ko, ta Nzapa azia ndo la ma. Lo gbɛlɛ ndo la, lo sa la ka lifɛlo, lo bata la ka ya mbingo ya, ala du kai ngbĩi nga ka lá ti fangɔ ngbanga alengbi.

Yudɛ 1:6

Ale ĩ da bɛ ĩ na aangelo mɛ ndo ta bɛ la ade na lo nguru mɛ Nzapa ahɛ̃ la ma. Nzapa ahɛ̃ ndo la ndo tɛ la nvɛni, ko ala dɔ ndo ni azia. Na lo ni ndo la Nzapa agbɔ̃nɔ la, agbele la na nzingiri mɛ ndongbã kaka, asa la ka ya mbingo ya, ala du kai ngbĩi nga ka lá ti fangɔ ngbanga alengbi, wa ni fa ngbanga ni bi li la.

Suma 14:10

zo ni ko nvɛni na nyɔngɔ vinɔ ti siɔ ngɔnzɔ tɛ Nzapa mɛ Nzapa asa na ya kangu! Ta ye mɛ ndɛ̃ kɔi ti nzɔ̃ni na ya vinɔ ti ngɔnzɔ ni ma. Azi zu ko la ali aye ni ko, ala hũ gbanda pɛnɔ ka ya wá, nga ka ya nwa tɛnɛ, na gbɛlɛ aangelo nga na gbɛlɛ Nyi Ngasã Ngbaga.