1 Timɔte 5:19 - Fana Ngbangɔ 1987

¹⁹ Se zo kɔi avɔ̃ to tɛrɛ kangba ti Eklezia ka gbɛlɛ mɔ ko, ta mɔ ye lo ni ma. Kanda se azi mɛ ndɛ̃ osɛ, bere ota apa ya, adu biani, wadila mɔ ye lo ni.

1 Timɔte 5:19 Iomraidhean Croise

Matie 18:16

Se lo kɛ̃ mangɔ mɔ ko, mu zo kɔi, bere azi mɛ ndɛ̃ osɛ, nga ma se mɛ Buku tɛ Nzapa apa na ni ya: ‘Tɛnɛ tɛ azi osɛ bere ota la alengbi ti fangɔ ngbanga ti alo zu.’

Yoanɛ 18:29

Nda mɛ Pilato alo ka ya da asi, anɔ ka gbɛlɛ la la. Lo hũnda la ya: “Ĩ vɔ̃ to tɛrɛ kɔli olo na lo nɛ?”

Yoanɛ 8:17

Asu ka ya ndia tɛ ĩ ya, tɛnɛ kɔi ko la azi se atɛnɛ ko, tɛnɛ ni adu biani.

Awa Pangɔ Kwa 11:30

Ala li nga bo ma se mɛ ala mangbi na ni. La ala faranga ni ato na Barnabasi na Saulo hɛ̃ akangba ti Eklezia niɛ ka Yudea.

Awa Pangɔ Kwa 25:16

La mbi gbinya hɛ̃ la ya, na se li ye tɛ awa Roma, uzu ti ala fangɔ ngbanga bingɔ li zo ko, ale zo ko asi so gbɛlɛ awa vɔ̃ngɔ to tɛrɛ lo, abɛre nga nyɔ lo, wa ala fa ngbanga abi li lo.

2 Kɔrinto 13:1

Mbi na gangɔ ka tɛ ĩ ti fani ota. Ko e na fangɔ ngbanga tɛ azi na se mɛ asu na ni ka ya Buku tɛ Nzapa ya: “Se zo avɔ̃ to tɛrɛ fɔ̃ lo ko, ale atemwɛ adu osɛ bere ota, ko ala tɛnɛ bo tɛnɛ kɔi, wadila afa ngbanga ti tɛnɛ ni.”

1 Timɔte 4:14

Ta mɔ zia nguru kwa mɛ mɔ na ni ma, nguru kwa mɛ Nzapa ahɛ̃ mɔ na ngoi mɛ ndo awa pangɔ nyɔ lo apa na lo tɛ mɔ, akangba ti Eklezia akpa nga na ti la ndo mɔ ya, Nzapa asunu mɔ.

1 Timɔte 5:17

Akangba ko la ndobata azi ti Eklezia nzɔ̃ni, mai bo ala ko la ndohɛ̃ tɛrɛ la so lingɔ kwa ti pangɔ Nzɔ̃ Pa, nga ti hangɔ tɛnɛ tɛ Nzapa ko, ale ĩ tɔndɔ la sĩ, ko ĩ futa nga la na faranga mɛ kpendema.

Tito 1:6

Ale kangba ti Eklezia adu zo mɛ ta ndoli ye mɛ alengbi ti belangɔ lo na lo ni ma. Ale lo du na wali bo kɔi, ale aya lo adu awa Kristo, ale se li ye tɛ la adu nzɔ̃ni, ko ala du nga awa mangɔ nyɔ.

Aebreo 10:28

Ĩ hĩnga ya, zo ko la akɛ̃ tɔndɔngɔ ndia tɛ Mɔizɛ, ko se azi sɛ bere ta aye ya, lo li siɔni ko, ale aho lo, ta ama vundu tɛ lo ma.