1 Timɔte 5:17 - Fana Ngbangɔ 1987

¹⁷ Akangba ko la ndobata azi ti Eklezia nzɔ̃ni, mai bo ala ko la ndohɛ̃ tɛrɛ la so lingɔ kwa ti pangɔ Nzɔ̃ Pa, nga ti hangɔ tɛnɛ tɛ Nzapa ko, ale ĩ tɔndɔ la sĩ, ko ĩ futa nga la na faranga mɛ kpendema.

1 Timɔte 5:17 Iomraidhean Croise

Matie 24:25

Ĩ ma la! Mbi pia mbi pa ló ni hɛ̃ ĩ uzu.

Luka 10:7

Ĩ ngbã so ya da ni ko, ĩ tɛ, ĩ nyɔ aye mɛ anvɛ̃ da ni na hɛ̃ngɔ ĩ. Ta sanga ma, ale wa kwa alua mbana gɛrɛ lo. Ta ĩ tongbi da ma.

Luka 12:42

Gbia Yezo agbinya ya: “Nzɔ̃ wa kwa mɛ lo nga wa kɔdɛ adu na? Adu wa kwa ko la gbia tɛ lo na ziangɔ lo ya, lo bata da, ko lo hɛ̃ nga tɛ hɛ̃ awa kwa mɛ ndɛ̃ na ngoi mɛ alengbi.

Yoanɛ 4:38

Mbi to ndo ĩ ya, ĩ kɔ tɛ ka le yaka mɛ ta ĩ la ĩ li kwa ni ma. Azi mɛ ndɛ̃ ndo la ali kwa ni, ko ĩ ndodu nzɔ̃ni na lo kwa mɛ ndo azi mɛ ndɛ̃ ali.”

Awa Pangɔ Kwa 11:30

Ala li nga bo ma se mɛ ala mangbi na ni. La ala faranga ni ato na Barnabasi na Saulo hɛ̃ akangba ti Eklezia niɛ ka Yudea.

Awa Pangɔ Kwa 20:35

Mbi fa ndo ĩ na se kɔdɛ zu ya, ale ĩ li kwa, wadila ĩ za awa yɛlɛ. Ko é da nga bɛ e na tɛnɛ mɛ ndo Gbia Yezo nvɛni atɛnɛ ya: ‘Bɛ wa hɛ̃ngɔ ye ndode aɔ tɛ wa luangɔ ye.’ ”

Awa Pangɔ Kwa 28:10

Azi ti ya zúa ko ahɛ̃ ndo e ye sĩ so gondangɔ na e. Ĩ ti ndo na ngoi mɛ e ga so kongɔ ya masua ɔngɔ ko, ala hɛ̃ e ye zu mɛ alengbi ti zangɔ e na ngoi ti fɔnɔ tɛ e.

Roma 12:8

Zo ko la na nguru kwa ti sangɔ nguru bɛ afɔ̃ lo ko, ale lo sa nguru bɛ la. Zo ko la na nguru kwa ti kangɔ aye tɛ lo na kaye hɛ̃ afɔ̃ lo ko, ale lo ka ni na bɛ lo kɔi. Zo ko la na nguru kwa ti lɛngɔ gbia ko, ale lo hɛ̃ tɛrɛ lo na ya kwa ni. Zo ko la na nguru kwa ti zangɔ awa pɛnɔ ko, ale lo za la na dengɔ bɛ.

Roma 15:27

Ala sɔrɔ ndo faranga ni na be la nvɛni, ko ti biani ko, ala lengbi ndo ti zangɔ awa Kristo ti Yeruzalɛmɛ na faranga ni. Ta sanga ma, awa Kristo ti Yeruzalɛmɛ mɛ awa Yuda aza ndo azi mɛ ta Ayuda ma, ya ala lua anzɔ̃ ye tɛ Nzapa. Ko ale azi mɛ ta Ayuda ma aza nga Ayuda na aye ti tise.

Roma 16:12

Ĩ bala hɛ̃ mbi Trifɛnɛ na Trifozɛ mɛ ndoli kwa hɛ̃ Gbia, ĩ bala hɛ̃ mbi Pɛrzidɛ, kwa mbi ti wali mɛ mbi ndoye lo sĩ, lo ndoli ndo kwa hɛ̃ Gbia sĩ.

1 Kɔrinto 15:10

Kanda na lo ti nzɔ̃ bɛ mɛ Nzapa ali hɛ̃ mbi, la mbi ti zo nga ma se mɛ ĩ ndohũ na mbi na olo, ko ta nzɔ̃ bɛ ni agwe gɛgɛrɛ ma. Ko mbi li ndo kwa mbi ɔ awa pangɔ kwa tɛ Yezo mɛ ndɛ̃ zu. Kanda ti biani ko, ta na lo nguru tɛ mbi nvɛni la mbi li ndo kwa ni ko ma, adu na lo nzɔ̃ bɛ mɛ Nzapa ali hɛ̃ mbi la mbi li ndo kwa ni ko.

1 Kɔrinto 16:16

ĩ ma nyɔ gi tɛrɛ azi ko, ĩ ma nga nyɔ azi zu mɛ ndoli kwa ndoni kɔi na la.

1 Kɔrinto 3:9

Ta sanga ma, e zu se e ndoli kwa hɛ̃ Nzapa, ko ĩ tɛ ĩ nga ma yaka tɛ Nzapa. Ĩ nga ma da mɛ Nzapa awa.

2 Kɔrinto 6:1

Ko e mɛ e ndoli kwa ndoni kɔi na Nzapa ko, e gbɔ̃ gɛrɛ ĩ ya, ta ĩ zia nzɔ̃ bɛ mɛ ndo Nzapa ali hɛ̃ ĩ ati gɛgɛrɛ ma.

Galatia 6:6

Zo ko la zo mɛ ndɛ̃ ndoha lo na Nzɔ̃ Pa tɛ Yezo Kristo ko, ale zo ni akangbi ya aye tɛ lo zu, ko lo mu mbanga, lo hɛ̃ wa hangɔ lo na Nzɔ̃ Pa.

Filipɛ 2:16

Ko ale du tɛ ĩ adu nga so, wa ĩ pa hɛ̃ la tɛnɛ mɛ ndohɛ̃ azi bɛta du. Se ĩ li nga so, wa ada gbanda na la ko Yezo Kristo adiri aga ko, mbi saba gbɛlɛ lo kela kela na lo tɛ ĩ. Ta sanga ma, ye ko ĩ li ko, afa ya, ta kpengba kwa mɛ ndo mbi li adu gɛgɛrɛ ma.

Filipɛ 2:29

Wa na ngoi mɛ gbanda lo si kai ko, í yamba lo na dengɔ bɛ, na lo mɛ ya, lo nga zo tɛ Gbia Yezo. Ale ĩ tɔndɔ gi tɛrɛ azi mɛ nga ma lo,

Filipɛ 4:3

Mbɛni nga la mɔ mɛ bɛta kwa mbi, mɔ mɛ ndo e na mɔ e ndoli kwa ndoni kɔi, mbi hũnda mɔ ya, mɔ za Evodia na Sɛntisɛ. Ta sanga ma, mbi na la, na Klema, nga na afɔ̃ mbi mɛ ndɛ̃ zu mɛ ndo e na la e ndoli kwa tɛ Nzapa ndoni kɔi, e ndoli ndo kpengbani, la e ndopa Nzɔ̃ Pa tɛ Yezo Kristo hɛ̃ azi. Ko Nzapa asuru ndo ili azi mɛ e na la e ndoli kwa tɛ lo, ka ya buku mɛ andosuru na ili azi mɛ alua du ti kaka.

1 Timɔte 3:5

Ta sanga ma, se ta zo ahĩnga batangɔ nda se wa tɛ lo nvɛni ma ko, ta lo lengbi nga ti batangɔ azi ti Eklezia tɛ Nzapa ma!

1 Timɔte 4:10

Ĩ ba nda mɛ e ndoli kwa kpengbani sĩ la. Ta sanga ma, e ndolɛndɛrɛ Nzapa mɛ lɛ lo ngɛ̃, lo mɛ Wa songɔ azi zu, lo mɛ lo ndoso mai bo awa yengɔ lo tɛ Yezo Kristo.

1 Timɔte 4:14

Ta mɔ zia nguru kwa mɛ mɔ na ni ma, nguru kwa mɛ Nzapa ahɛ̃ mɔ na ngoi mɛ ndo awa pangɔ nyɔ lo apa na lo tɛ mɔ, akangba ti Eklezia akpa nga na ti la ndo mɔ ya, Nzapa asunu mɔ.

1 Timɔte 4:16

Bata li mɔ nzɔni na lo ti du tɛ mɔ nvɛni, nga na lo ti aye mɛ mɔ ndoha na azi. Ngbã bo na lingɔ aye ko zu na kpengba bɛ. Ta sanga ma, se mɔ li so ko, mɔ na songɔ tɛrɛ mɔ nvɛni, mɔ nga na songɔ awa mangɔ mɔ.

1 Timɔte 4:6

Se mɔ ha alo ko hɛ̃ ayata mɔ awa Kristo, wadila mɔ ti nzɔ̃ wa kwa tɛ Yezo Kristo, ko mɔ na fangɔ ya, mɔ kpengba na lo ti tɛnɛ tɛ Nzapa mɛ e ye lo ni, nga na lo ti bɛta lo tɛ lo mɛ mɔ ndotɔndɔ na Seni.

1 Timɔte 5:19

Se zo kɔi avɔ̃ to tɛrɛ kangba ti Eklezia ka gbɛlɛ mɔ ko, ta mɔ ye lo ni ma. Kanda se azi mɛ ndɛ̃ osɛ, bere ota apa ya, adu biani, wadila mɔ ye lo ni.

1 Timɔte 5:3

Tɔndɔ awe muã mɛ ta zo ti la kɔi ma.

2 Timɔte 2:6

Wa sɛ̃ngɔ yaka ko la ndoli kwa kpengbani ko, lo la lo ndolua ye ti yaka uzu.

2 Timɔte 4:2

abɛ na nzɔ̃ ngoi, bere na siɔ ngoi ko, pa bo tɛnɛ tɛ Nzapa, ko mɔ pa ni mɔ diri ndo ni. Azi ko la ali siɔ ye ko, fa la na siɔ ye tɛ la, bela la na lo siɔ ye mɛ ala li, ko mɔ sa nguru bɛ la ya, ala li nzɔ̃ ye. Du na yɔngɔrɔ bɛ sĩ nvɛni na ngoi mɛ mɔ ndoha azi na tɛnɛ tɛ Nzapa.

Aebreo 13:17

Ale ĩ ma nyɔ azi tɛ ĩ mɛ awa batangɔ azi ti Eklezia, ĩ bi nga tɛrɛ ĩ hɛ̃ la. Ta sanga ma, ala ndobata ĩ, ko ala kambisa nga gbanda hɛ̃ Nzapa se mɛ ndo ala bata na ĩ. Se ĩ ma nyɔ la, wadila ala li kwa tɛ la na dengɔ bɛ. Ta so ma ko, ala li kwa ni na sɔngɔ bɛ, ko se ala li kwa na sɔngɔ bɛ ko, ta alengbi ti zangɔ ĩ bɛ yakere ma.

Aebreo 13:24

Ĩ pa hɛ̃ azi tɛ ĩ zu mɛ awa batangɔ azi ti Eklezia ya, mbi bala la. Ĩ bala nga hɛ̃ mbi azi tɛ Nzapa zu. Ayata e awa Kristo ti Italia abala ĩ.

Aebreo 13:7

Angbina azi tɛ ĩ mɛ ndo awa batangɔ azi ti Eklezia ko, ta bɛ ĩ ali na la ma, ala ndo la apa hɛ̃ ĩ tɛnɛ tɛ Nzapa. Ale ĩ da bɛ ĩ na sé du tɛ la, nga na se kwa mɛ ndo ala kpili. Ale ĩ ye lo tɛ Nzapa na bɛ ĩ kɔi nga ma se tɛ la.