1 Timɔte 5:16 - Fana Ngbangɔ 1987

¹⁶ Wa se wa Kristo ti wali adu na asongo lo mɛ awe muã ko, ale ta lo zia la ya, azi ti Eklezia aza la ma. Kanda ale lo nvɛni lo za la, wadila azi ti Eklezia aza tɛ la awe muã mɛ ta zo ti zangɔ la da ma.

1 Timɔte 5:16 Iomraidhean Croise

1 Timɔte 5:10

Ale azi ahĩnga nga ya, lo ndoli ndo nzɔ̃ kwa, lo ndokã ndo aya lo nzɔ̃ni, lo ndoyamba ndo azi mɛ ndosi ka tɛ lo nzɔ̃ni. Ale lo du zo mɛ ndo ndokpo gɛrɛ azi tɛ Nzapa, zo mɛ ndo ndoza awa pɛnɔ, zo mɛ ndo ndoli nga anzɔ̃ ye ndɛ̃ ndɛ̃ ndɛ̃.

1 Timɔte 5:8

Se ta zo akã asongo lo ma, se ta lo kã mai bo azi ti nda se wa tɛ lo nvɛni ma ko, afa ya, lo kɛ̃ lege tɛ Nzapa, ko siɔ ye tɛ lo aɔ nga ndo siɔ ye tɛ zo mɛ ta aye lo tɛ Nzapa ma.

1 Timɔte 5:9

We muã mɛ mɔ lengbi ti sungɔ ili lo na ya buku tɛ awe muã la, we muã mɛ buru tɛ lo aɔ buru sui mana, ko ale we muã ni adu ndo bo na kɔli kɔi.