1 Timɔte 5:14 - Fana Ngbangɔ 1987

¹⁴ Na lo ni la mbi separa ya, awe muã mɛ ade amɔsia ati du na kɔli, adú ayangambi, abata nga da tɛ la, so awe muã ni azi lege hɛ̃ awa kɛ̃ngɔ e ya, ala tɛnɛ siɔ tɛnɛ na ili e.

1 Timɔte 5:14 Iomraidhean Croise

Roma 14:13

Wa e zia fangɔ ngbanga tɛ afɔ̃ e awa Kristo. Kanda ale ĩ pa ka ya bɛ ĩ ya, ta ĩ li ye ya, na lo ni ko, nyita ĩ wa Kristo ata li gɛrɛ lo, ko lo li siɔ ye ma.

2 Kɔrinto 11:12

Awa pangɔ kwa tɛ Yezo Kristo na nvɛnɛ ndoyɔ faranga ti ĩ. Ta mbi ndoyɔ tɛ mbi faranga ti ĩ ma. Ko mbi ye bo ya, ta mbi yɔ faranga ti ĩ ma, so ala lua lege, agonda tɛrɛ la ya, ani ndoli kwa nga ma se tɛ mbi.

1 Timɔte 2:8

Na lo ni la mbi ye ya, na ndo kwɛ ko, akɔli asambela Nzapa, aya ti la ndozu so vɔrɔngɔ lo na bɛ mɛ vuruni, ta ala du na ngɔnzɔ ma, ta ala pa nga pa ma.

1 Timɔte 4:3

Ala ndoha azi na ye ya, dungɔ na wali, bere dungɔ na kɔli adu siɔni. Ala ndoha nga azi na ye ya, tɛngɔ ambanga tɛ adu nga siɔni. Kanda Nzapa ali atɛ ko ya, awa Kristo mɛ ahĩnga bɛta lo, ahɛ̃ ni sia kɔli uzu, wa ala tɛ ni.

1 Timɔte 5:11

Kanda ta mɔ su ili awe muã mɛ ade amɔsia na ya buku ni ko ma. Ta sanga ma, ngoi mɛ gwɛ̃ ti dungɔ na kɔli ti gbɔ̃ la ko, ala dɔ lege tɛ Yezo Kristo azia.

1 Timɔte 6:1

Ale ambɛ zu amu ato gbia la nga ma azi mɛ alengbi ti tɔndɔngɔ la sĩ. Ale ala li so, so zo atɛnɛ tɛnɛ siɔni na ili Nzapa, atɛnɛ nga tɛnɛ siɔni na lo ti lo mɛ e ndoha.

Tito 2:5

Ale atara bange aha na aya awe ya, ala du na nzɔ̃ kɔdɛ, ala du na vuru bɛ, ala li kwa ti ya da tɛ la nzɔ̃ni, ala du anzɔ̃ azi, ala ma nyɔ akɔ la. Ta so ma ko, azi na tɛnɛngɔ ya, tɛnɛ tɛ Nzapa adu siɔni.

Tito 2:8

Tɛnɛ tɛnɛ tɛ Nzapa na seni, so zo adi mɔ. Li so wadila kamɛnɛ agbɔ̃ awa kɛ̃ngɔ mɔ, na lo mɛ ya, ta ala lua e na siɔ ye kɔi ma.

Aebreo 13:4

Ale azi zu ndotɔndɔ tɛnɛ mɛ Nzapa atɛnɛ na lo ti dungbingɔ tɛ kɔli na wali. Ale ta kɔli mɛ ya lo da, bere wali mɛ kɔ lo da, ati kɔmbɛ ma. Nzapa afa gbanda ngbanga tɛ azi mɛ ndoli siɔ ye ti kamɛnɛ. Lo fa nga gbanda ngbanga tɛ awa tingɔ kɔmbɛ.