1 Timɔte 5:12 - Fana Ngbangɔ 1987

¹² Na lo ni ko, ngbanga na tingɔ na la, na lo mɛ ya, ala weza kapa mɛ ndo ala ko hɛ̃ Yezo Kristo uzu.

1 Timɔte 5:12 Iomraidhean Croise

1 Kɔrinto 11:34

Se gwɛ̃ agbɔ̃ zo, uzu ti lo gangɔ ka ndo ti bombingɔ na tɛrɛ ĩ ko, ale lo tɛ ye ka ndo tɛ lo, so Nzapa afa ngbanga, abi li ĩ na ngoi mɛ ĩ bombi na tɛrɛ ĩ. Ngoi mɛ se mbi si ka tɛ ĩ, wa mbi lɛkɛ alo mɛ ndɛ̃.

Galatia 1:6

Nzapa aili ndo ĩ na lo ti nzɔ̃ bɛ mɛ Yezo Kristo ali hɛ̃ ĩ, ko mbi bema sĩ na lo ko la, ĩ dɔ lege tɛ lo bo so hiɔ ĩ zia, ko ĩ ti ĩ ye lo ti Nzɔ̃ Pa mɛ ndɛ̃.

1 Timɔte 5:11

Kanda ta mɔ su ili awe muã mɛ ade amɔsia na ya buku ni ko ma. Ta sanga ma, ngoi mɛ gwɛ̃ ti dungɔ na kɔli ti gbɔ̃ la ko, ala dɔ lege tɛ Yezo Kristo azia.

1 Timɔte 5:13

Mbanga ló mɛ ale ta mɔ su ili awe muã mɛ ade amɔsia na ya buku ni ko ma lo mɛ: ala ti awa ndɛkɔ, ko kwa tɛ la bo fɔnɔngɔ na nda se wa tɛ azi. Ala ti nga awa fɔnɔngɔ na ili azi, awa yɔrɔngɔ nyɔ la na ya tɛnɛ tɛ azi, awa tɛnɛngɔ tɛnɛ mɛ ta alengbi ma.

Zaki 3:1

Aya bua, na popo tɛ ĩ ko, ale ta azi mɛ aye hangɔ lo tɛ Nzapa adu sĩ ma. Ta sanga ma, ĩ hĩnga ya, e mɛ awa hangɔ lo tɛ Nzapa ko, ngbanga tɛ e adu gbanda kpengbani aɔ tɛ azi mɛ ndɛ̃ zu.

1 Petro 4:17

Ngoi tɛ Nzapa ti fangɔ ngbanga tɛ azi alengbi we. Lo na fangɔ ngbanga tɛ e azi tɛ lo uzu. Wa oko lo na fangɔ ngbanga tɛ e uzu ko, ngbanga mɛ lo na fangɔ bingɔ li azi mɛ akɛ̃ Nzɔ̃ Pa tɛ lo na dungɔ siɔni nvɛni.