1 Timɔte 5:10 - Fana Ngbangɔ 1987

¹⁰ Ale azi ahĩnga nga ya, lo ndoli ndo nzɔ̃ kwa, lo ndokã ndo aya lo nzɔ̃ni, lo ndoyamba ndo azi mɛ ndosi ka tɛ lo nzɔ̃ni. Ale lo du zo mɛ ndo ndokpo gɛrɛ azi tɛ Nzapa, zo mɛ ndo ndoza awa pɛnɔ, zo mɛ ndo ndoli nga anzɔ̃ ye ndɛ̃ ndɛ̃ ndɛ̃.

1 Timɔte 5:10 Iomraidhean Croise

Matie 25:17

Wa kwa mɛ alua wɔrɔ ngbangbo sɛ, ade nga buze nga ma se tɛ fɔ̃ lo. Lo lua wɔrɔ ngbangbo sɛ, lo kpã na ndo omɛ gbia tɛ lo ahɛ̃ lo.

Matie 5:16

Ĩ du nga ma mɔinda mɛ ndoza, na lo ni ko, ĩ lengbi ti vurungɔ na ndo, wa se azi ahũ nzɔ̃ ye mɛ ĩ ndoli ko, ala gonda To ĩ mɛ ka yayu.”

Luka 7:38

Wali ko ĩ si kai ko, adɔ alo so pɛko Yezo, na gu gɛrɛ lo. Lo to to, lo hĩni gɛrɛ Yezo na ngulɛ ti lɛ lo. So pɛni, lo mbo gɛrɛ Yezo na kwa li lo, lo bɔmbɔ gɛrɛ Yezo, lo kĩkĩ yɔmbɔ ndo ni.

Luka 7:44

So pɛni, Yezo asana tɛrɛ lo ka tɛ wali ko, apa hɛ̃ Simɔ ya: “Mɔ hũ wali olo mɛ? Mbi ga fɛrɛ ge ya da tɛ mɔ, ko ta mɔ hɛ̃ mbi ngu ya, mbi kpo na gɛrɛ mbi ma. Ko lo kpo gɛrɛ mbi na ngulɛ ti lɛ lo, lo mbo ni na kwa li lo.

Awa Pangɔ Kwa 10:22

Ala gbinya hɛ̃ lo ya: “Kɔrnɛyɛ mɛ gbia tɛ aturugu la ato e. Lo nzɔ̃ zo mɛ ndotɔndɔ Nzapa, ko Ayuda zu ndogonda lo. Angelo tɛ Nzapa atisa lo ya, lo ili mɔ, mɔ ga ka tɛ lo, wa tɛnɛ mɛ mɔ na ni ko, mɔ pa hɛ̃ lo, lo ma.”

Awa Pangɔ Kwa 22:12

“Mbanga kɔli kɔi ndodu ka Damasi, ili lo la Ananiasi, lo ndohɛ̃ tɛrɛ lo so vɔrɔngɔ Nzapa, lo ndotɔndɔ nga ndia tɛ e, ko Ayuda ti Damasi zu ndogonda lo.

Awa Pangɔ Kwa 6:3

Aya bua, na lo ni ko, ale ĩ sara azi mbara mbara so popo tɛ ĩ mɛ pa ili la nzɔ̃ni, é hɛ̃ la kwa olo mɛ. Ale ala du azi mɛ na nguru tɛ Tɔrɔ Santo sĩ, ala du nga awa ndara,

Awa Pangɔ Kwa 9:36

Ka kɔdɔrɔ ti Yope ndo ko, mbanga wali kɔi aye lo tɛ Yezo, ili lo la Tabita. (Bi ni na yanga tɛ azi ti Grɛsɛ la “Dɔrkasi”, Dɔrkasi adu sa mɛ ili ni la “ba”.) Ngoi zu, lo ndoli ndo nzɔ̃ li ye tɛrɛ afɔ̃ lo, ko lo ndoka ndo nga kaye hɛ̃ awa yɛlɛ.

Awa Pangɔ Kwa 9:39

Ala ĩ si kai, ĩ pa kwa ni hɛ̃ Petro ko, Petro na awa pangɔ kwa ko agwe bo na ngoi ni ko. Lo ĩ si kai ko, agwe na lo ka ya da mɛ ka ndozu. Awe muã ai tɛrɛ la ka tɔ̃nda lo, ala so ndoto to. Ala fa lo na andozu bɔngɔ, na akota bɔngɔ mɛ ndo Dɔrkasi alɛkɛ na ngoi mɛ ndo lo dɛ lɛ lo ngɛ̃.

Roma 12:13

Ale ĩ za ayata ĩ awa Kristo mɛ ta ala na ye ma, ko azi mɛ ndosi ka tɛ ĩ ko, ĩ yamba la nzɔ̃ni.

Efɛzɛ 2:10

Nzapa la ali ya, e ti afana azi, na lo mɛ ya, e na Yezo Kristo e ti bo kɔi. Lo li so ya, e li anzɔ̃ kwa. Lo pia ndo lo kpã anzɔ̃ kwa ni ko ya e li ni.

Kɔlɔsɛ 1:10

wa se mɛ ĩ du du mɛ Gbia Yezo aye, ko ĩ li nga ye zu mɛ ndode bɛ lo la. Ĩ na lingɔ anzɔ̃ ye ndɛ̃ ndɛ̃ ndɛ̃, ko ĩ nga na hĩngangɔ Nzapa ɔngɔ ti uzu.

1 Timɔte 2:10

Kanda ale ala li nzɔ̃ kwa, adu ye mɛ ale awe mɛ ndopa ya, ani ndotɔndɔ Nzapa andoli. I ba se mɛ ala lengbi ti fuangɔ na tɛrɛ la la.

1 Timɔte 3:2

Ale lo du zo mɛ ta ndoli ye mɛ alengbi ti belangɔ lo na lo ni ma, ale lo du na wali bo kɔi, lo li ye na nyɔ kpɔ̃ ni, lo du na nzɔ̃ kɔdɛ, lo li ye na seni. Ale lo yamba azi mɛ ndosi ka tɛ lo nzɔ̃ni, ale lo hĩnga nga hangɔ lo tɛ Nzapa.

1 Timɔte 3:7

Ale azi mɛ ta awa Kristo ma atɔndɔ nga zo ni ko, so ala samana na lo, ko lo za sɔ̃ mɛ Satana apeta.

1 Timɔte 5:16

Wa se wa Kristo ti wali adu na asongo lo mɛ awe muã ko, ale ta lo zia la ya, azi ti Eklezia aza la ma. Kanda ale lo nvɛni lo za la, wadila azi ti Eklezia aza tɛ la awe muã mɛ ta zo ti zangɔ la da ma.

1 Timɔte 5:25

Anzɔ̃ kwa ndofa nga tɛrɛ la yango. Ko abɛ nga ala mɛ ta ndofa tɛrɛ la yango hiɔ ma ko, ta ala ndongbã na gbe mbingo na pɛ yɔngɔrɔ ngoi ma.

1 Timɔte 6:18

Hɛ̃ nga la nyɔ ya, ala li nzɔ̃ kwa sĩ, ala du awa kangɔ kaye, ala hɛ̃ nga ye hɛ̃ afɔ̃ la.

2 Timɔte 1:5

Mbi ndoda bɛ mbi na mɔ na lo tɛ Yezo mɛ ndo mɔ ye bɛ mɔ kɔi. Lo tɛ Yezo mɛ ndo tara mɔ Loisi mɛ wa dúngɔ ta mɔ, nga na Enisɛ mɛ ta mɔ aye uzu tɛ mɔ. Ko mbi hĩnga biani ya, mɔ ye nga lo tɛ Yezo.

2 Timɔte 2:21

Ko se tɛ e nga la. Se zo akɛ̃ lingɔ siɔ ye zu mɛ mbi pa lo ni ko, lo ti nga ma nzɔ̃ ye ti tɛngɔ na tɛ mɛ andobata na lo ti lá ti kota yenga. To gbia lo na batangɔ lo na lo tɛ lo nvɛni ya, lo za ni, lo li nga anzɔ̃ kwa zu hɛ̃ ni.

2 Timɔte 3:15

Ato na ngoi ko ndo mɔ dɛ nyingambi, anɔ ngbĩi asi na lá olo ko, mɔ hĩnga atɛnɛ ti ya Buku tɛ Nzapa. Atɛnɛ ni ko alengbi ti sangɔ ndara bɛ mɔ ya, mɔ ye lo tɛ Yezo Kristo, wa Nzapa aso mɔ.

2 Timɔte 3:17

wadila zo tɛ Nzapa ati zo mɛ alua aye zu mɛ lo lengbi ti lingɔ na nzɔ̃ kwa.

Tito 2:14

Lo nvɛni lo ka ndo tɛrɛ lo na lo tɛ e, so tɔ̃ngɔ e na ya siɔ ye zu. Lo li ndo so ya, e du na vuru bɛ, e ti azi tɛ ni, wa e li anzɔ̃ kwa na gonvɛnɛ.

Tito 2:7

Na ya lo zu ko, ale mɔ nvɛni mɔ fa nzɔ̃ lɛ lo ti lingɔ nzɔ̃ ye. Na ngoi ko la mɔ ndoha azi na lo tɛ Nzapa ko, ta nyɔ mɔ adu sɛ sɛ ma, ko mɔ ha nga ni na se mɛ alengbi.

Tito 3:1

Pa hɛ̃ azi tɛ Nzapa zu ya, ala bi tɛrɛ la hɛ̃ agbia kɔdɔrɔ, ala bi nga tɛrɛ la hɛ̃ agbia tɛ leta. Ale ala ma nyɔ la, aye nga lingɔ anzɔ̃ ye zu.

Tito 3:14

Ale awa Kristo ti tɛ e ahĩnga hɛ̃ngɔ tɛrɛ la na lingɔ anzɔ̃ kwa, wadila ala za azi mɛ ta na ye ti la ma. Se ala li so ko, ta du tɛ la na dungɔ gɛgɛrɛ ma.

Tito 3:8

Tɛnɛ ko la mbi tɛnɛ ko, adu bɛta tɛnɛ. Ko mbi ye ya, atɛnɛ mɛ mbi tɛnɛ ko, ha ni kpengbani, wadila azi ko la aye lo tɛ Nzapa ahɛ̃ tɛrɛ la na lingɔ anzɔ̃ kwa. Ba ye mɛ nzɔ̃ni, ko andoza nga azi la.

Aebreo 10:24

Ale e ndodu na kpengba lɛ na popo tɛ e ya, e tinga wá na gbe afɔ̃ e ya, e na la e yengbi aɔ ti uzu, ko e li nga anzɔ̃ kwa.

Aebreo 13:2

Ta bɛ ĩ ali na yambangɔ azi mɛ ndoga ka tɛ ĩ ma. Ti biani ko, ambanga azi ayamba ndo awa fɔnɔ, kanda awa fɔnɔ ni adu aangelo. Ko ta azi ni ko ahĩnga ndo ya, adu aangelo ma.

Aebreo 13:21

Nzapa mɛ ndoli ya, bɛ zo adu pii ko, lo hɛ̃ bɛ ĩ nguru ti lingɔ anzɔ̃ lo zu ma ke! Lo li bɛ so ya, ĩ li aye mɛ bɛ lo ndoye ma ke! Lo li bɛ nga ya, na nguru tɛ Yezo Kristo ko, e li aye mɛ ndode bɛ lo ma ke! E gonda bɛ Yezo Kristo buru na buru ma ke! Seni la.

1 Petro 2:12

Ale sé du tɛ ĩ adu nzɔ̃ni na popo tɛ apaganɔ. Se ĩ li so, bɛ se ala vɔ̃ to tɛrɛ ĩ ya, ĩ asiɔ azi ko, ala na hũngɔ ya, ĩ ndoli anzɔ̃ ye, ko gbanda ko, ala gonda Nzapa na lá ti gangɔ tɛ lo.

1 Petro 4:9

Ale ĩ ndoyamba azi mɛ ndosi ka tɛ ĩ nzɔ̃ni, kanda ta ĩ yamba la na gbelengɔ lɛ ĩ ma.

3 Yoanɛ 1:12

Azi zu ndogonda Demetriusi na lo nzɔ̃ ye mɛ lo ndoli, ko dɔngɔ nɔ tɛ lo na bɛta lege tɛ Nzapa ndofa nga ni. E nvɛni e pa nga ya, lo ndoli nzɔ̃ni, ko mɔ hĩnga ya, tɛnɛ ko e tɛnɛ ko adu biani.