1 Timɔte 4:8 - Fana Ngbangɔ 1987

⁸ Akpengba wele mɛ zo ndole ya, gbe tɛrɛ ni ati kpengbani na lo ni ko, andoza zo yakere. Kanda se du tɛ zo ade bɛ Nzapa ko, andoza zo sĩ nvɛni, na lo mɛ ya, zo ni ahĩnga ya, na olo ko, ni lua fana du wɛ, ko fana du ni nga na ngbãngɔ kaka.

1 Timɔte 4:8 Iomraidhean Croise

Matie 12:32

Zo ko gbanda la atɛnɛ tɛnɛ siɔni na ili mbi Nyi Zo ko, Nzapa aka gbanda lɛ lo ndo siɔ ye tɛ zo ni ko. Kanda zo ko gbanda la atɛnɛ tɛnɛ siɔni na ili Tɔrɔ Santo ko, ta Nzapa aka gbanda lɛ lo ndo siɔ ye tɛ zo ni ko na ngoi olo, bere na ngoi mɛ na gangɔ ma.”

Matie 19:29

Ko azi zu mɛ azia da tɛ la, na ayata la ti kɔli na ti wali, na to la, na ta la, na aya la, bere nga ayaka tɛ la na lo tɛ mbi ko, ala na luangɔ la aɔ fani ngbangbo kɔi, ko ala nga na luangɔ du ti kaka.

Matie 6:33

Kanda ale ĩ kpã bɛ ĩ uzu na ndo lo Lɛngɔ Gbia tɛ Nzapa, ĩ́ li nga ye na seni, nga ma se mɛ lo ye, wadila Nzapa ahɛ̃ nga ĩ atanga aye mɛ ndɛ̃ zu.

Marko 10:30

lo na luangɔ ada, na ayata lo ti kɔli na ti wali, na ata lo, na aya lo, na ayaka, fani ngbangbo kɔi aɔ ti ngoi olo e da. Ko azi nga na giangɔ bɛ lo, ko gbanda ngbĩi ko, lo lua du ti kaka.

Luka 5:38

Kanda ale asa fana kana na ya fana mbenda.

Roma 8:28

E hĩnga ya, Nzapa ndoli ya, ye zu ati nzɔ̃ni na lo tɛ azi mɛ lo ili la na se bɛ lo nvɛni, azi mɛ ndoye lo.

1 Kɔrinto 3:22

Mbi Polo, na Apolɔsɛ, nga na Petro, e zu e du azi tɛ ĩ. Sese olo, na dungɔ lɛ ngɛ̃, nga na kpingɔ kwa adu zu tɛ ĩ. Aye ti ngoi olo, na aye mɛ na gangɔ adu nga kwɛ zu tɛ ĩ.

1 Kɔrinto 8:8

Kanda ta e lengbi ti tingɔ abɛta azi ka lɛ Nzapa na lo ti tɛ mɛ e ndotɛ ma. Bɛ se e tɛ mbanga ye, bere ta e tɛ ni ma ko, adu ka lɛ Nzapa gɛgɛrɛ.

1 Timɔte 4:7

Wa abuba tɛnɛ ti mbaye mɛ ta ndode bɛ Nzapa ma ko, ta mɔ ye ni ma. Li kpengbani ya, du tɛ mɔ ade bɛ Nzapa.

1 Timɔte 6:3

Se zo aha lo mɛ ndɛ̃, se ta lo ye abɛta tɛnɛ tɛ Gbia tɛ e Yezo Kristo ma, se ta lo ye nga lo mɛ e ndoha na lo ti se li ye mɛ ndode bɛ Nzapa ma ko,

1 Timɔte 6:5

ndobimbi tɛnɛ mɛ ta nda ni ndokɔ ma. Azi ni ko ndodu na siɔ dangɔ bɛ, ta ala ndohĩnga nga bɛta lo ma. Ala ndoda bɛ la ya, na lo ti lo Nzapa ko, ani ti awa nwa.

1 Timɔte 6:6

Biani, se zo ali ye mɛ ndode bɛ Nzapa, adu nga na dengɔ bɛ na lo ti aye mɛ lo na ni ko, lo lua kota nwa tɛ Nzapa.

2 Timɔte 3:5

Ala ye tɛ la gbanda lo Nzapa ni bo na pɔrɔ nyɔ la, ala kɛ̃ nga gbanda bɛta nguru ti lo Nzapa. Azi ko nga so ko, ta mɔ li na popo tɛ la ma.

Tito 3:8

Tɛnɛ ko la mbi tɛnɛ ko, adu bɛta tɛnɛ. Ko mbi ye ya, atɛnɛ mɛ mbi tɛnɛ ko, ha ni kpengbani, wadila azi ko la aye lo tɛ Nzapa ahɛ̃ tɛrɛ la na lingɔ anzɔ̃ kwa. Ba ye mɛ nzɔ̃ni, ko andoza nga azi la.

Aebreo 13:9

Ambanga azi ndoha afana lo kɔndɛ kɔndɛ, wa ta ĩ ye ya, ala handa ĩ ma, so ĩ yu lege. Nzɔ̃ni ale nzɔ̃ bɛ mɛ Nzapa ndoli hɛ̃ e akpengba na bɛ e, kanda ta lo ti tɔndɔngɔ andia ti tɛ ti tɛngɔ alengbi ti kpengbangɔ na bɛ e ma. Ta azi ko la ndotɔndɔ andia ni ko alengbi ti luangɔ ye kɔi ti zangɔ la bɛ gbɔ ma.

1 Yoanɛ 2:25

Ĩ ba ye mɛ Yezo Kristo ako kapa ni hɛ̃ e ya, ni na hɛ̃ngɔ e la du ti kaka.

Suma 3:12

Azi ko la agbe bɛ la na ya apɛnɔ, anwɔ ni ko, ni kpã la gbanda nga ma ngbo da ka ya kota da Nzapa tɛ Nzapa tɛ ni, ko ala ngbã kai ti buai. Ni su gbanda ili Nzapa tɛ ni, nga na ili kɔdɔrɔ tɛ Nzapa tɛ ni na tɛrɛ la. Kɔdɔrɔ ni adu fana Yeruzalɛme mɛ gbanda alo ka tɛ Nzapa tɛ ni, wa azu ge tise. Ni su nga gbanda fana ili ni nvɛni na tɛrɛ azi ni ko.

Suma 3:21

Azi ko la agbe bɛ la na ya apɛnɔ, anwɔ ni ko, ni hɛ̃ gbanda lege hɛ̃ la ya, ala dunga na ndo ngɛnde tɛ ni ti gbia, nga ma se mɛ ndo ni gbe na bɛ ni na ya apɛnɔ, ni nwɔ ni, ko ni na To ni ani dunga na ndo ngɛndɛ ti gbia tɛ lo.