1 Timɔte 4:7 - Fana Ngbangɔ 1987

⁷ Wa abuba tɛnɛ ti mbaye mɛ ta ndode bɛ Nzapa ma ko, ta mɔ ye ni ma. Li kpengbani ya, du tɛ mɔ ade bɛ Nzapa.

1 Timɔte 4:7 Iomraidhean Croise

Awa Pangɔ Kwa 24:16

Nda mɛ mbi ndoli kpengbani ya, ale mbi du na vuru bɛ ngoi zu ka gbɛlɛ Nzapa, nga ka gbɛlɛ azi la.

1 Timɔte 1:4

Pa nga hɛ̃ la ya, ala zia kpãngɔ bɛ la na ndo agɛgɛrɛ tɛnɛ ti mbaye, ala zia nga dikɔngɔ ili akotara la gbara gbara, na lo mɛ ya, andohɛ̃ azi lege ya, ala bimbi tɛnɛ na popo tɛ la. Ko ta gi tɛrɛ ye ni ko ndoza la ya, ala li ye mɛ Nzapa aye ma. E hĩnga ye mɛ ndode bɛ Nzapa, na lo mɛ ya, e ye lo tɛ lo.

1 Timɔte 1:9

E hĩnga nga ya, ta Nzapa alu ndia na lo tɛ abɛta azi ma, kanda lo lu ni na lo tɛ asiɔ azi, azi mɛ ndosaba tɛrɛ lo, azi mɛ ndokɛ̃ nyɔ lo, azi mɛ ta ndokpe lo, ndokpe nga aye mɛ Santo ma, azi mɛ na siɔ bɛ, azi mɛ ndoho to la bere ta la, azi mɛ ndokpɔ azi,

1 Timɔte 2:10

Kanda ale ala li nzɔ̃ kwa, adu ye mɛ ale awe mɛ ndopa ya, ani ndotɔndɔ Nzapa andoli. I ba se mɛ ala lengbi ti fuangɔ na tɛrɛ la la.

1 Timɔte 3:16

Biani, bɛta lo ti lo Nzapa tɛ e mɛ Nzapa afa ko, adu kotani. Bɛta lo ni adu lo tɛ zo mɛ ndo amu tɛrɛ zo. Tɔrɔ Santo afa ndo ya, zo ni ko adu bɛta zo, Aangelo ahũ ndo zo ni ko. Apa ndo lo tɛ zo ni ko hɛ̃ apaganɔ, Azi ti lɛ sese aye ndo lo tɛ lo, Ko Nzapa aya ndo lo ka yayu, ka ndo ti ndima.

1 Timɔte 4:8

Akpengba wele mɛ zo ndole ya, gbe tɛrɛ ni ati kpengbani na lo ni ko, andoza zo yakere. Kanda se du tɛ zo ade bɛ Nzapa ko, andoza zo sĩ nvɛni, na lo mɛ ya, zo ni ahĩnga ya, na olo ko, ni lua fana du wɛ, ko fana du ni nga na ngbãngɔ kaka.

1 Timɔte 6:11

Wa mɔ mɛ mɔ tɛ mɔ zo tɛ Nzapa ko, ale mɔ kpɛ asiɔ ye ko zu. Li kpengbani ya, mɔ li ye mɛ mbiri mbiri, ye mɛ ndode be Nzapa. Ngbã bo na yengɔ lo tɛ Nzapa, ye afɔ̃ mɔ, gbe bɛ mɔ, du na dede bɛ.

1 Timɔte 6:20

Ee Timɔte, ló mɛ Nzapa azia na yamba ti mɔ ko, bata ni nzɔ̃ni. Gɛgɛrɛ tɛnɛ, na tɛnɛ mɛ ta ndode bɛ Nzapa ma ko, ta mɔ dɔ nyɔ mɔ ya ni ma. Ta mɔ dɔ nga nyɔ mɔ na ya lo ti nvɛnɛ mɛ azi ndoha ma. Ala ndoili lo ni ko ya, adu hĩngangɔ ndo. Kanda ta adu bɛta hĩngangɔ ndo ma.

1 Timɔte 6:3

Se zo aha lo mɛ ndɛ̃, se ta lo ye abɛta tɛnɛ tɛ Gbia tɛ e Yezo Kristo ma, se ta lo ye nga lo mɛ e ndoha na lo ti se li ye mɛ ndode bɛ Nzapa ma ko,

1 Timɔte 6:5

ndobimbi tɛnɛ mɛ ta nda ni ndokɔ ma. Azi ni ko ndodu na siɔ dangɔ bɛ, ta ala ndohĩnga nga bɛta lo ma. Ala ndoda bɛ la ya, na lo ti lo Nzapa ko, ani ti awa nwa.

2 Timɔte 2:16

Gɛgɛrɛ tɛnɛ, na tɛnɛ mɛ ta ndode nga bɛ Nzapa ma ko, ta mɔ yɔrɔ nyɔ mɔ da ma. Ta sanga ma, azi ko la ndotɛnɛ gi tɛrɛ atɛnɛ ni ko, ala ndoyu lege tɛ Nzapa, agwe yɔngɔrɔni.

2 Timɔte 2:23

Zia bimbingɔ agɛgɛrɛ tɛnɛ nga na atɛnɛ ti buba, na lo mɛ ya, azi mɛ ndobimbi gi tɛrɛ atɛnɛ ni ko, ala ndokɔ nda bimbingɔ tɛnɛ tɛ la na pangɔ pa.

2 Timɔte 3:12

Ti biani, azi zu ko la ndoye lingɔ ye mɛ ndode bɛ Nzapa, na lo mɛ ya, ala na Yezo ati bo kɔi ko, azi na giangɔ la.

2 Timɔte 3:5

Ala ye tɛ la gbanda lo Nzapa ni bo na pɔrɔ nyɔ la, ala kɛ̃ nga gbanda bɛta nguru ti lo Nzapa. Azi ko nga so ko, ta mɔ li na popo tɛ la ma.

2 Timɔte 4:4

Ala kɛ̃ gbanda mangɔ bɛta lo tɛ Nzapa. Ala dɔ gbanda bɛta lo azia, ko ala zi ma la zu so mangɔ agɛgɛrɛ tɛnɛ ti mbaye.

Tito 1:14

Kɛ̃ hɛ̃ la kpengbani ya, ta ala ti kpã be la na ndo ndia tɛ azi mɛ akɛ̃ bɛta lo tɛ Nzapa ma.

Tito 2:12

Nzɔ̃ bɛ ni ndoha e na kɛ̃ngɔ siɔ du, nga na kɛ̃ngɔ gwɛ̃ ti aye ti lɛ sese ya, so lɛ sese olo ko, e li ye na nyɔ kpɔ̃ ni, e li bɛta ye, e li nga ye mɛ ndode bɛ Nzapa.

Tito 3:9

Ta mɔ bimbi tɛnɛ ti buba ma, ta mɔ dikɔ ili akotara mɔ gbara gbara ma, ta mɔ pa azi na pa ma, ta mɔ bimbi nga tɛnɛ na lo ti ndia tɛ Mɔizɛ ma. Aye ko zu adu gɛgɛrɛ, ta nda ni nga da ma.

Aebreo 5:14

Kanda kpengba tɛ alengbi na akangba. Ala ndobinga bɛ la, wa ala hĩnga ye mɛ nzɔ̃ni na ye mɛ siɔni.