1 Timɔte 4:4 - Fana Ngbangɔ 1987

⁴ Ye kwɛ mɛ Nzapa ali ko, adu nzɔ̃ni. Ale ta e kɛ̃ ye kɔi ma, kanda ale e mu ye kwɛ na hɛ̃ngɔ lo sia kɔli.

1 Timɔte 4:4 Iomraidhean Croise

Awa Pangɔ Kwa 10:15

Lo ti ma legɔ̃ Gbia apa hɛ̃ lo ya: “Ye mɛ mbi Gbia, mbi pa ya vuruni ko, ta mɔ mu ni ya, bi tɛrɛ ni ma.”

Awa Pangɔ Kwa 15:29

ta ĩ tɛ sa mɛ aho, alu na angbilondo ma, ta ĩ tɛ bere ĩ nyɔ mɛne tɛrɛ sa ma, ta ĩ tɛ sa mɛ andosa gɔ̃ ni sãngɔ, wa aho ma, ta ĩ li asiɔ ye ti kamɛnɛ ma. Wa se ĩ zia lingɔ asiɔ ye ni zu ko, ĩ li nzɔ̃ni. Wa ĩ ngba nzɔ̃ni o!”

Awa Pangɔ Kwa 21:25

Azi mɛ ta Ayuda ma, la ala ye lo tɛ Yezo ko, e to ndo mbɛti hɛ̃ la na lo ti aye mɛ e mangbi ndoni ya: ale ta ala tɛ sa mɛ aho, alu na angbilondo ma, ale ta ala tɛ, bere anyɔ mɛnɛ tɛrɛ sa ma, ale ta ala tɛ sa mɛ asã gɔ̃ ni la akpi ma, ko ale ta ala li nga siɔ ye ti kamɛnɛ ma.”

Roma 14:14

Nga ma la mbi e na Gbia Yezo e ti bo kɔi ko, mbi hĩnga nzɔ̃ni nvɛni ya, ta mbanga tɛ kɔi mɛ siɔni da ma. Kanda se zo ada bɛ lo ya, mbanga tɛ kɔi adu siɔni, wa se lo ti tɛ ni ko, afa ya, lo li siɔni.

Roma 14:20

Ta mɔ gbɛ̃ kwa tɛ Nzapa na lo ti tɛ mɛ mɔ ndotɛ ma. Biani, e lengbi ti tɛngɔ ye zu, kanda adu siɔni ya, e tɛ ye mɛ alengbi ti tongɔ ayata e awa Kristo ya, ala li siɔ ye.

Roma 14:6

Zo ko la ndoda bɛ lo ya, ambanga bi adu ngbondoni aɔ abi mɛ ndɛ̃ ko, zo ni ko ndoli so, so gondangɔ Gbia Nzapa. Zo ko la ndotɛ ye zu ko, zo ni ko ndoli so, so gondangɔ Gbia Nzapa, ta sanga ma, lo ndohɛ̃ sia kɔli hɛ̃ Nzapa na lo ti tɛ mɛ lo ndotɛ. Zo ko la akɛ̃ tɛngɔ ye zu ko, zo ni ko ndoli so, so gondangɔ Gbia Nzapa, ko lo ndohɛ̃ nga sia kɔli hɛ̃ Nzapa.

1 Kɔrinto 10:23

Ambanga azi na popo tɛ ĩ ndopa ya, ani lengbi ti lingɔ ye zu. Biani, kanda ta ye zu alengbi ti zangɔ zo ma. Ala ndopa ya, ani lengbi ti lingɔ ye zu. Biani, kanda ta lo yengɔ tɛ zo alengbi ti maingɔ na lo ti ye zu ma.

1 Kɔrinto 10:25

Sa zu mɛ andoka ka lɛ ngere ko, ĩ lengbi ti vɔ̃ngɔ, tɛngɔ nga ma se mɛ bɛ ĩ aye. Wa ta ĩ hũnda ya, bere ka alu sa ni na ngbilondo ma, so bɛ ĩ asɔ.

1 Kɔrinto 10:26

Ta sanga ma, asu ka ya Buku tɛ Nzapa ya: “Sese na ye zu mɛ na lɛ ni adu ye tɛ Gbia Nzapa.”

1 Kɔrinto 10:30

Se mbi hɛ̃ sia kɔli hɛ̃ Nzapa na lo ti tɛ mɛ mbi tɛ ko, nda mɛ alengbi ti dingɔ mbi na lo ti tɛ mɛ mbi hɛ̃ sia kɔli hɛ̃ Nzapa na lo ni nɛ?”

1 Timɔte 4:3

Ala ndoha azi na ye ya, dungɔ na wali, bere dungɔ na kɔli adu siɔni. Ala ndoha nga azi na ye ya, tɛngɔ ambanga tɛ adu nga siɔni. Kanda Nzapa ali atɛ ko ya, awa Kristo mɛ ahĩnga bɛta lo, ahɛ̃ ni sia kɔli uzu, wa ala tɛ ni.