1 Timɔte 4:3 - Fana Ngbangɔ 1987

³ Ala ndoha azi na ye ya, dungɔ na wali, bere dungɔ na kɔli adu siɔni. Ala ndoha nga azi na ye ya, tɛngɔ ambanga tɛ adu nga siɔni. Kanda Nzapa ali atɛ ko ya, awa Kristo mɛ ahĩnga bɛta lo, ahɛ̃ ni sia kɔli uzu, wa ala tɛ ni.

1 Timɔte 4:3 Iomraidhean Croise

Matie 14:19

So pɛni, lo hɛ̃ nyɔ hɛ̃ azi ko butu butu ya, ala dunga tise na ndo ndiri. La lo mu mapa ko okɔ̃, na susu ko osɛ, lo ya lɛ lo ndozu, lo hɛ̃ sia kɔli hɛ̃ Nzapa na lo ni. So pɛni, lo kara ya ni, lo hɛ̃ ava lo ya, ala kangbi na azi mɛ aga butu butu.

Matie 15:11

tɛ mɛ zo ndotɛ, la ndozu ka ya lo ko, ta alengbi ti gbɛ̃ngɔ lo ma. Kanda tɛnɛ mɛ ndolo ka nyɔ zo ndosi, la ndogbɛ̃ zo.”

Matie 15:36

Ala ĩ dunga tise wɛ ko, lo lɔ mapa ko mbara mbara, nga nɛ asusu ni, lo hɛ̃ sia kɔli hɛ̃ Nzapa, lo kara ya ni, lo hɛ̃ ava lo ya ala mu akangbi na azi ko butu butu.

Luka 24:30

Ala dunga so tɛngɔ ye, ko lo mu mapa, lo hɛ̃ sia kɔli hɛ̃ Nzapa. So pɛni, lo kongbi ya mapa ni, lo kangbi na la.

Yoanɛ 6:23

Ngoi mɛ ala so ndotɛnɛ so ko, ala hũ ambanga azi na ya ambanga ngɔ mɛ ndɛ̃ alo ka kɔdɔrɔ ti Tiberiadɛ so ndoga. Azi ni ko aga asi na tɔ̃nda ndo mɛ biri Gbia Yezo ahɛ̃ na sia kɔli hɛ̃ Nzapa, la lo kangbi nga azi na tɛ.

Awa Pangɔ Kwa 27:35

Polo ĩ kɔ nda tɛnɛ tɛ lo ko, lo mu mapa, lo hɛ̃ sia kɔli hɛ̃ Nzapa so gbɛlɛ la zu. So pɛni, lo ko ya mapa ni, lo tɛ.

Roma 14:17

Ta sanga ma, ta lo Lɛngɔ Gbia tɛ Nzapa aba tɛngɔ ye, bere nyɔngɔ ye ma, kanda aba aye mɛ Tɔrɔ Santo ndohɛ̃ e. Aye ni lo mɛ: lingɔ ye na seni, dungɔ na mangbingɔ, nga na dungɔ na dengɔ bɛ.

Roma 14:3

Zo ko la ndotɛ ye zu ko, ale ta lo samana na zo ko la akɛ̃ tɛngɔ ambanga tɛ ma. Ko zo ko la ta ndotɛ ye zu ma ko, ale ta lo fa ngbanga tɛ zo ko la ndotɛ ye zu ma, na lo mɛ ya, Nzapa ayamba nga wa tɛngɔ ye zu.

Roma 14:6

Zo ko la ndoda bɛ lo ya, ambanga bi adu ngbondoni aɔ abi mɛ ndɛ̃ ko, zo ni ko ndoli so, so gondangɔ Gbia Nzapa. Zo ko la ndotɛ ye zu ko, zo ni ko ndoli so, so gondangɔ Gbia Nzapa, ta sanga ma, lo ndohɛ̃ sia kɔli hɛ̃ Nzapa na lo ti tɛ mɛ lo ndotɛ. Zo ko la akɛ̃ tɛngɔ ye zu ko, zo ni ko ndoli so, so gondangɔ Gbia Nzapa, ko lo ndohɛ̃ nga sia kɔli hɛ̃ Nzapa.

1 Kɔrinto 6:13

Ĩ ndoda nga bɛ ĩ ya, ali tɛ na lo ti ya zo, ko ali nga ya zo na lo ti tɛ. Seni la. Kanda Nzapa agbɛ̃ gbanda tɛ na ya. Ko ĩ hĩnga nga ya, ta Nzapa ali ndo tɛrɛ zo ya, zo amu ali na siɔ ye ti kamɛnɛ ma. Kanda lo li ndo ni ya, adu ye tɛ Gbia Yezo Kristo, ko Gbia Yezo Kristo la nvɛ̃ tɛrɛ zo.

1 Kɔrinto 7:28

Kanda se pandara adu na wali ko, ta adu siɔ ye la lo li ma. Wa se mɔsia adu nga na kɔli ko, ta adu nga siɔ ye la lo li ma. Ko ĩ hĩnga ya, azi ko la adu na wali, bere adu na kɔli ko, ala na hũngɔ pɛnɔ sĩ so lɛ sese olo. Ko mbi pa ya, í ngbã mɔdo, so ĩ hũ nga pɛnɔ ni ko.

1 Kɔrinto 8:8

Kanda ta e lengbi ti tingɔ abɛta azi ka lɛ Nzapa na lo ti tɛ mɛ e ndotɛ ma. Bɛ se e tɛ mbanga ye, bere ta e tɛ ni ma ko, adu ka lɛ Nzapa gɛgɛrɛ.

Kɔlɔsɛ 2:16

Na lo ni ko, ta ĩ ye ya, zo agia bɛ ĩ na lo ye mɛ ĩ ndotɛ, nga na lo ye mɛ ĩ ndonyɔ ma. Ta ĩ ye nga ya, zo agia bɛ ĩ na lo ti aye mɛ ĩ ndoli na lá ti yenga, na fana nzɛ̃, nga na lá ti wɔngɔ tɛrɛ ma.

Kɔlɔsɛ 3:17

Aye zu mɛ ĩ ndoli, na atɛnɛ zu mɛ ĩ ndotɛnɛ ko, ale ĩ li ni na ili Gbia Yezo. Ale ĩ li nga ni ndoni kɔi na hɛ̃ngɔ sia kɔli hɛ̃ To e Nzapa ti ndo lo.

1 Timɔte 2:4

Andode bɛ lo, na lo mɛ ya, lo ye ya, ni so azi zu, ko ala hĩnga nga bɛta lo tɛ ni.

1 Timɔte 4:4

Ye kwɛ mɛ Nzapa ali ko, adu nzɔ̃ni. Ale ta e kɛ̃ ye kɔi ma, kanda ale e mu ye kwɛ na hɛ̃ngɔ lo sia kɔli.

1 Timɔte 5:14

Na lo ni la mbi separa ya, awe muã mɛ ade amɔsia ati du na kɔli, adú ayangambi, abata nga da tɛ la, so awe muã ni azi lege hɛ̃ awa kɛ̃ngɔ e ya, ala tɛnɛ siɔ tɛnɛ na ili e.

Aebreo 13:4

Ale azi zu ndotɔndɔ tɛnɛ mɛ Nzapa atɛnɛ na lo ti dungbingɔ tɛ kɔli na wali. Ale ta kɔli mɛ ya lo da, bere wali mɛ kɔ lo da, ati kɔmbɛ ma. Nzapa afa gbanda ngbanga tɛ azi mɛ ndoli siɔ ye ti kamɛnɛ. Lo fa nga gbanda ngbanga tɛ awa tingɔ kɔmbɛ.

Aebreo 13:9

Ambanga azi ndoha afana lo kɔndɛ kɔndɛ, wa ta ĩ ye ya, ala handa ĩ ma, so ĩ yu lege. Nzɔ̃ni ale nzɔ̃ bɛ mɛ Nzapa ndoli hɛ̃ e akpengba na bɛ e, kanda ta lo ti tɔndɔngɔ andia ti tɛ ti tɛngɔ alengbi ti kpengbangɔ na bɛ e ma. Ta azi ko la ndotɔndɔ andia ni ko alengbi ti luangɔ ye kɔi ti zangɔ la bɛ gbɔ ma.