1 Timɔte 4:2 - Fana Ngbangɔ 1987

² Awa nvɛnɛ mɛ nga awa poroso gbanda la ayu la na lege. Ala du azi mɛ vuru bɛ tɛ la akpi kpɔɔ.

1 Timɔte 4:2 Iomraidhean Croise

Matie 24:24

Ta sanga ma, awa hangɔ lo tɛ Nzapa na nvɛnɛ aga gbanda, ko zo kɔi kɔi apa gbanda ya, ni Mɛsia, bere ni wa pangɔ nyɔ Nzapa. Ala li gbanda akota akukuna ye, na aye ti kpɛnɛ ya, se alengbi ko, ani handa azi mɛ Nzapa asara la akpã ya, ala du azi tɛ ni.

Matie 7:15

Yezo apa ya: “Ĩ du na kpengba lɛ na ndo awa pangɔ nyɔ Nzapa na nvɛnɛ. Ala ndoga ka tɛ ĩ nga ma angasã ngbaga, kanda ka ya bɛ la ko, ala nga ma azɛ̃.

Awa Pangɔ Kwa 20:30

Bɛ so popo tɛ ĩ nvɛni ko, ambanga azi na pangɔ tɛnɛ ti nvɛnɛ, ya awa Kristo agwe pɛ ani.

Roma 1:28

Nga ma la azi ni ko akɛ̃ hĩngangɔ Nzapa ko, Nzapa azia la ya, ala ngba na siɔ kɔdɛ tɛ la, wa ala li ye mɛ ale ta ala lengbi ti lingɔ ni ma.

Roma 16:18

ta sanga ma, ta gi tɛrɛ azi ni ko ndoli kwa hɛ̃ Gbia tɛ e Yezo Kristo ma, kanda ala ndoli ye mɛ ndode bɛ la nvɛni! Ala ndotɛnɛ anzɔ̃nzɔ̃ tɛnɛ, ala ndokara nga azi na tɛnɛ lɛkpɛ lɛkpɛ so handangɔ azi mɛ ta lɛ la azi ma.

Efɛzɛ 4:14

Wa se mɛ gbanda ta e ti e du nga ma ayangambi ma la. Ta e ti e yu gbanda ndo na lo ti nvɛnɛ mɛ awa poroso ndohanda na azi ya, ala yu ndo ma. Ta e ye gbanda ya, ye mɛ ala ndoha ayuru e, nga ma se mɛ ngu na yá ndoyuru na ngɔ yenge yenge ma.

Efɛzɛ 4:19

Ta kamɛnɛ ti ndogbɔ̃ la bɛ gbɔ ma. Ala hɛ̃ tɛrɛ la so lingɔ siɔ ye, ko ala ndoli lɛ asiɔ ye ti kamɛnɛ ndɛ̃ ndɛ̃ ndɛ̃, ta ala ndofɔ̃ bɛ la ma.

2 Timɔte 3:5

Ala ye tɛ la gbanda lo Nzapa ni bo na pɔrɔ nyɔ la, ala kɛ̃ nga gbanda bɛta nguru ti lo Nzapa. Azi ko nga so ko, ta mɔ li na popo tɛ la ma.

Suma 16:14

Adu asiɔ tɔrɔ tɛ Zabulu mɛ ndoli aye ti kpɛnɛ. Asiɔ tɔrɔ ni anɔ ka tɛ agbia ti lɛ sese zu so bombingɔ la ndoni kɔi ya, na la ko gbanda Nzapa mɛ lombe aga ko, ani na lo ani tiri to.