1 Timɔte 4:16 - Fana Ngbangɔ 1987

¹⁶ Bata li mɔ nzɔni na lo ti du tɛ mɔ nvɛni, nga na lo ti aye mɛ mɔ ndoha na azi. Ngbã bo na lingɔ aye ko zu na kpengba bɛ. Ta sanga ma, se mɔ li so ko, mɔ na songɔ tɛrɛ mɔ nvɛni, mɔ nga na songɔ awa mangɔ mɔ.

1 Timɔte 4:16 Iomraidhean Croise

Marko 13:9

“Wa tɛ ĩ ko, ale ĩ nvɛni, ĩ du na kpengba lɛ. Ale ĩ gbe bɛ ĩ na ya pɛnɔ mɛ gbanda ĩ hũ. Ta sanga ma, azi ahɛ̃ gbanda nyɔ ya, agbɔ̃nɔ ĩ, agwe na ĩ ka tɛ awa fangɔ ngbanga. Azi asɔ̃nɔ ĩ gbanda na fimbo na ya da sambela tɛ Ayuda. Ala hɛ̃ gbanda nyɔ ya, asi na ĩ ka gbɛlɛ akota azi asi nga na ĩ ka gbɛlɛ agbia na lo tɛ mbi. Ko adu ngoi mɛ gbanda ĩ du atemwɛ so pangɔ tɛnɛ tɛ mbi ka gbɛlɛ la la.

Luka 21:34

“Ĩ du na kpengba lɛ ya, ta ĩ hɛ̃ tɛrɛ ĩ na tɛngɔ yenga ma, ta ĩ nyɔ nga kana agbɔ̃ ĩ ma. Ta ĩ du na sɔngɔ bɛ na lo ti du ti lɛ sese olo ma, so kɔdɛ tɛ ĩ ati yenge yenge, ko lá ti gangɔ tɛ mbi abuta ĩ.

Awa Pangɔ Kwa 26:22

Kanda Nzapa abata ndo mbi na ti la ya, ta ala li mbi na ye ma. Ko mbi dɛ na lá olo lɛ mbi ngɛ̃ ya, mbi pa ye mɛ mbi hũ hɛ̃ ambumbusɛ azi, mbi pa nga hɛ̃ akota azi. Mbi ndopa bo lo mɛ ndo awa pangɔ nyɔ Nzapa, na Mɔizɛ apa ya, na singɔ.

Awa Pangɔ Kwa 6:4

wadila e hɛ̃ tɛrɛ e zu so vɔrɔngɔ Nzapa, nga so hangɔ tɛnɛ tɛ lo.”

Roma 11:14

se alengbi ko, mbi li ya, Ayuda mɛ na ale tɛ mbi adu na sɔbɛrɛ, wadila Nzapa aso ambanga na popo tɛ la, na lo ti kwa tɛ mbi.

Roma 16:17

Aya bua, mbi gbɔ̃ gɛrɛ ĩ ya, ĩ du na kpengba le na ndo azi ko la ndokɛ̃ alo mɛ ndo aha na ĩ. Na lo ni ko, ala ndokangbi popo tɛ azi, ala ndoto nga awa Kristo na siɔ lege. Ko ale ĩ du yɔngɔrɔni na la,

Roma 2:7

Azi ko la ndohɛ̃ tɛrɛ la so lingɔ nzɔ̃ ye, ndogi nga ya, Nzapa ahɛ̃ ani ndima, agonda ani, ahɛ̃ nga ani du mɛ ta ndowɛ ma ko, Nzapa ahɛ̃ gbanda la du ti kaka.

1 Kɔrinto 1:21

Aye mɛ Nzapa ali ndofa ndara tɛ lo, ko ngoi mɛ azi ndohũ aye ni ko, ta ala ndohĩnga Nzapa na lege ti ndara mɛ ala na ni ma. Nda mɛ lo ye ndo songɔ azi mɛ aye lo tɛ lo na lege ti tɛnɛ mɛ e ndopa la. Ko azi ti lɛ sese ndopa tɛ la ya, tɛnɛ ni ko adu tɛnɛ ti nyingɔ.

1 Kɔrinto 9:22

Ngoi mɛ mbi ndoli kwa na popo tɛ azi mɛ ta lo yengɔ lo tɛ Yezo ali bɛ la kpa ma ko, mbi ndodu nga ma se tɛ la. Mbi ndoli so ya, mbi ili la ngĩi hɛ̃ Gbia Yezo nvɛni. Bɛ se azi adu sia, ngoi mɛ mbi ndoli kwa na popo tɛ la ko, mbi ndodu nga ma se tɛ la. Mbi ndoli so ya, mbi ili ambanga na se kɔdɛ ndɛ̃ ndɛ̃ ndɛ̃ hɛ̃ Gbia Yezo, wadila Nzapa aso la.

1 Kɔrinto 9:27

Mbi ndohɛ̃ kota pɛnɔ hɛ̃ tɛrɛ mbi nvɛni ya, mbi fɔ̃ bɛ mbi, so mbi mɛ wa pangɔ tɛnɛ tɛ Nzapa hɛ̃ azi ko, mbi zanga mbana gɛrɛ mbi.

Efɛzɛ 4:14

Wa se mɛ gbanda ta e ti e du nga ma ayangambi ma la. Ta e ti e yu gbanda ndo na lo ti nvɛnɛ mɛ awa poroso ndohanda na azi ya, ala yu ndo ma. Ta e ye gbanda ya, ye mɛ ala ndoha ayuru e, nga ma se mɛ ngu na yá ndoyuru na ngɔ yenge yenge ma.

Kɔlɔsɛ 4:17

Ale ĩ pa hɛ̃ Arsipɛ ya, kwa mɛ Gbia Yezo ahɛ̃ lo ko, ale lo li ni nzɔ̃ni, ta lo zia ni wawa ma.

1 Tɛsalɔnikɛ 2:16

Ala ndogi kɔdɛ ti gbanzingɔ e ya, azi mɛ ta Ayuda ma ko, ta e pa tɛnɛ tɛ Nzapa hɛ̃ la ma, so Nzapa aso azi ni ko. La siɔ ye tɛ la ndobu gi bungɔ na ndo angbina siɔ ye mɛ ndo ala ya lingɔ ni gã. Ko Nzapa apia ndo ali ngɔnzɔ hɛ̃ la wɛ.

1 Timɔte 1:3

Mbi ye ya, mɔ ngbã ka kɔdɔrɔ ti Efɛzɛ nga ma se ko ndo mbi pa na ni hɛ̃ mɔ, na ngoi ti gwengɔ mbi ka sese ti Masedoanɛ. Ka Efɛzɛ ko, awa hangɔ lo tɛ Nzapa na nvɛnɛ da, ko ale mɔ gbanzi la na hangɔ lo ni.

1 Timɔte 4:15

Ale mɔ li aye ni ko, ale mɔ hɛ̃ nga tɛrɛ mɔ zu na lo ni, wadila azi zu ahũ ya, mɔ gwe uzu na lege tɛ Nzapa.

1 Timɔte 4:6

Se mɔ ha alo ko hɛ̃ ayata mɔ awa Kristo, wadila mɔ ti nzɔ̃ wa kwa tɛ Yezo Kristo, ko mɔ na fangɔ ya, mɔ kpengba na lo ti tɛnɛ tɛ Nzapa mɛ e ye lo ni, nga na lo ti bɛta lo tɛ lo mɛ mɔ ndotɔndɔ na Seni.

2 Timɔte 2:10

Na lo ni la mbi ndogbe bɛ mbi na ya alo zu, na lo tɛ azi mɛ ndo Nzapa asara la akpã ya, ala du azi tɛ ni. Mbi li so ya, Nzapa aso la ti ndo Yezo Kristo, ko ala lua nga ndima ti kaka.

2 Timɔte 3:14

Wa tɛ mɔ ko, alo mɛ ndo aha na mɔ, nga na alo mɛ ndo mɔ ye lo ni na bɛ mɔ kɔi ko, gbɔ̃ ni ka ka ka. Mɔ hĩnga ya, azi ko ndo aha mɔ na alo ni ko ko, ala du abɛta azi.

2 Timɔte 4:2

abɛ na nzɔ̃ ngoi, bere na siɔ ngoi ko, pa bo tɛnɛ tɛ Nzapa, ko mɔ pa ni mɔ diri ndo ni. Azi ko la ali siɔ ye ko, fa la na siɔ ye tɛ la, bela la na lo siɔ ye mɛ ala li, ko mɔ sa nguru bɛ la ya, ala li nzɔ̃ ye. Du na yɔngɔrɔ bɛ sĩ nvɛni na ngoi mɛ mɔ ndoha azi na tɛnɛ tɛ Nzapa.

Tito 1:9

Ale lo kpã bɛ lo ngĩi na ndo bɛta lo tɛ Nzapa mɛ aha na lo. Se lo li so, wadila lo lengbi ti sangɔ nguru bɛ azi mɛ ndɛ̃ na lege ti hangɔ la na bɛta lo ni ko, ko lo lengbi nga ti fangɔ na awa kɛ̃ngɔ bɛta lo ni ya, ala yu ndo.

Tito 2:15

Ha la na aye ko, sa nguru bɛ la, bela nga la. Pa hɛ̃ la alo ni ko na nguru mɛ Nzapa ahɛ̃ mɔ. Ta mɔ ye ya, zo kɔi asamana na mɔ ma.

Tito 2:7

Na ya lo zu ko, ale mɔ nvɛni mɔ fa nzɔ̃ lɛ lo ti lingɔ nzɔ̃ ye. Na ngoi ko la mɔ ndoha azi na lo tɛ Nzapa ko, ta nyɔ mɔ adu sɛ sɛ ma, ko mɔ ha nga ni na se mɛ alengbi.

Filemɔ 1:19

Tɛnɛ mɛ mbi nvɛni mbi su na ti mbi lo mɛ: “Mbi Polo, mbi na tiɔngɔ sende ni hɛ̃ mɔ.” (Kanda ta mbi lengbi ti dangɔ bɛ mɔ na sende tɛ mbi mɛ na li mɔ ma, ta sanga ma, du ti kaka mɛ mɔ lua ko, mɔ lua ni na lo tɛ mbi.)

Aebreo 12:15

Ale ĩ du na kpengba lɛ, so zo adɔ lege ti nzɔ̃ bɛ tɛ Nzapa azia. Ale ĩ du na kpengba lɛ, so zo ati nga ma bɛngɛ mɛ ndomai. Ko gi tɛrɛ zo ni ko ndosi na alo, ko alo ni ndogbɛ̃ azi gba.

Aebreo 13:9

Ambanga azi ndoha afana lo kɔndɛ kɔndɛ, wa ta ĩ ye ya, ala handa ĩ ma, so ĩ yu lege. Nzɔ̃ni ale nzɔ̃ bɛ mɛ Nzapa ndoli hɛ̃ e akpengba na bɛ e, kanda ta lo ti tɔndɔngɔ andia ti tɛ ti tɛngɔ alengbi ti kpengbangɔ na bɛ e ma. Ta azi ko la ndotɔndɔ andia ni ko alengbi ti luangɔ ye kɔi ti zangɔ la bɛ gbɔ ma.

Zaki 5:20

ĩ hĩnga ya: zo ko la aha wa lingɔ siɔ ye na siɔ lege mɛ lo da, adiri na lo na nzɔ̃ lege ko, zo ni ko aso tɔrɔ tɛrɛ wa lingɔ siɔ ye, ko Nzapa nga na kangɔ lɛ lo ndo asiɔ ye ma wo ma mɛ wa lingɔ siɔ ye ko ali.