1 Timɔte 4:14 - Fana Ngbangɔ 1987

¹⁴ Ta mɔ zia nguru kwa mɛ mɔ na ni ma, nguru kwa mɛ Nzapa ahɛ̃ mɔ na ngoi mɛ ndo awa pangɔ nyɔ lo apa na lo tɛ mɔ, akangba ti Eklezia akpa nga na ti la ndo mɔ ya, Nzapa asunu mɔ.

1 Timɔte 4:14 Iomraidhean Croise

Awa Pangɔ Kwa 11:30

Ala li nga bo ma se mɛ ala mangbi na ni. La ala faranga ni ato na Barnabasi na Saulo hɛ̃ akangba ti Eklezia niɛ ka Yudea.

Awa Pangɔ Kwa 13:3

Ala kɛ̃ tɛngɔ ye, ala sambela sambela, so pɛni, ala kpã ti la ndo Barnabasi na Saulo ya, Nzapa asunu la. La ala zi lege hɛ̃ Barnabasi na Saulo, ala gwe.

Awa Pangɔ Kwa 19:6

Ngoi mɛ Polo ĩ kpã ti lo na ndo la ko, ala lua Tɔrɔ Santo. Ko ala to nda pangɔ tɛnɛ na yanga mɛ ta ala hĩnga ma, ala pa nga ndo nyɔ Nzapa hɛ̃ azi.

Awa Pangɔ Kwa 22:5

Kota gbia tɛ awa lungɔ Nzapa na ye, nga na azi ti li nɔ tɛ akangba ti kɔdɔrɔ alengbi ti yengɔ ya, tɛnɛ mɛ nyɔ mbi ko, adu bɛta tɛnɛ. Ala su ndo mbɛti hɛ̃ mbi, mbi nɔ na ni hɛ̃ ayata e Ayuda mɛ ka Damasi. La mbi nɔ ndo so gbɔ̃nɔngɔ awa Kristo mɛ kai ya, mbi ga na la ge Yeruzalɛme, wa ahɛ̃ la pɛnɔ.”

Awa Pangɔ Kwa 6:6

So pɛni, asi na la ka gbɛlɛ awa pangɔ kwa tɛ Yezo. La awa pangɔ kwa tɛ Yezo asambela Nzapa, akpã ti la ndo la ya, Nzapa sunu la.

Awa Pangɔ Kwa 8:17

Petro na Yoanɛ akpã ti la ndo la, la ala lua Tɔrɔ Santo.

1 Tɛsalɔnikɛ 5:19

Ta ĩ gbanzi Tɔrɔ Santo ya, lo zia lingɔ kwa ka ya bɛ ĩ ma.

1 Timɔte 1:18

Timɔte nyi mbi, mbi zia atɛnɛ ko mbi tɛnɛ na yamba ti mɔ, ya mɔ pa ni hɛ̃ azi nga ma se ko ndo awa pangɔ nyɔ Nzapa apa na ni uzu na lo tɛ mɔ. Da bɛ mɔ na atɛnɛ ni, wa mɔ tiri nzɔ̃ to.

1 Timɔte 4:15

Ale mɔ li aye ni ko, ale mɔ hɛ̃ nga tɛrɛ mɔ zu na lo ni, wadila azi zu ahũ ya, mɔ gwe uzu na lege tɛ Nzapa.

1 Timɔte 5:17

Akangba ko la ndobata azi ti Eklezia nzɔ̃ni, mai bo ala ko la ndohɛ̃ tɛrɛ la so lingɔ kwa ti pangɔ Nzɔ̃ Pa, nga ti hangɔ tɛnɛ tɛ Nzapa ko, ale ĩ tɔndɔ la sĩ, ko ĩ futa nga la na faranga mɛ kpendema.

1 Timɔte 5:19

Se zo kɔi avɔ̃ to tɛrɛ kangba ti Eklezia ka gbɛlɛ mɔ ko, ta mɔ ye lo ni ma. Kanda se azi mɛ ndɛ̃ osɛ, bere ota apa ya, adu biani, wadila mɔ ye lo ni.

1 Timɔte 5:22

Se mɔ ye hɛ̃ngɔ zo kwa ti Eklezia ko, ta mɔ kpã ti mɔ ndo lo hiɔ ya, Nzapa asunu lo ma. Ale mɔ hĩnga lo uzu nzɔ̃ni wadila. Se mɔ hũ azi na lingɔ siɔ ye ko, ta mɔ li tɛ mɔ ni ma, kanda ale mɔ bata bɛ mɔ vuruni.

1 Timɔte 6:12

Tiri nzɔ̃ to na lo kwa tɛ Nzapa tɛ e, gbɔ̃ du ti kaka, ko mɔ̃ bata ni, ta sanga ma, Nzapa aili ndo mɔ na lo ni, na ngoi mɛ ndo mɔ pa lo ni nzɔ̃ni na gbɛlɛ azi ma wo ma.

2 Timɔte 1:6

Na lo ni la mbi da bɛ mɔ na nguru kwa mɛ ndo Nzapa ahɛ̃ mɔ, na ngoi mɛ ndo mbi kpa na ti mbi ndo mɔ, ko ale ta mɔ zia nguru ni agɔgɔtɔ ma.