1 Timɔte 4:13 - Fana Ngbangɔ 1987

¹³ Hɛ̃ tɛrɛ mɔ na dingɔ Buku tɛ Nzapa na gbɛlɛ azi, na pangɔ hɛ̃ la tɛnɛ tɛ Nzapa, nga na hangɔ la na tɛnɛ tɛ lo, nga ka mbi ga na ni.

1 Timɔte 4:13 Iomraidhean Croise

Yoanɛ 5:39

Ĩ ndomanda nda tɛnɛ ti Buku tɛ Nzapa, ta sanga ma, ĩ ndoda bɛ ĩ ya, na lo ni ko, ĩ na luangɔ du ti kaka. Wa nda mɛ ta ĩ ndohĩnga ya, tɛnɛ ni ko ndopa lo tɛ mbi ma nɛ?

Awa Pangɔ Kwa 17:11

Ayuda ti Berea adu anzɔ̃ azi aɔ Ayuda ti Tɛsalɔnikɛ. Ala ma ndo tɛnɛ tɛ Nzapa, ko ala ye lo ni sĩ. Bi kɔi kɔi ko, ala ndogi ndo nda tɛnɛ ti ya Buku tɛ Nzapa, so hĩngangɔ ya, bere tɛnɛ mɛ Polo ndotɛne hɛ̃ ani adu na seni.

Awa Pangɔ Kwa 6:4

wadila e hɛ̃ tɛrɛ e zu so vɔrɔngɔ Nzapa, nga so hangɔ tɛnɛ tɛ lo.”

Roma 12:8

Zo ko la na nguru kwa ti sangɔ nguru bɛ afɔ̃ lo ko, ale lo sa nguru bɛ la. Zo ko la na nguru kwa ti kangɔ aye tɛ lo na kaye hɛ̃ afɔ̃ lo ko, ale lo ka ni na bɛ lo kɔi. Zo ko la na nguru kwa ti lɛngɔ gbia ko, ale lo hɛ̃ tɛrɛ lo na ya kwa ni. Zo ko la na nguru kwa ti zangɔ awa pɛnɔ ko, ale lo za la na dengɔ bɛ.

1 Kɔrinto 14:26

Aya bua, mbi na kɔngɔ nda tɛnɛ ni nga sia? Ngoi mɛ ĩ ndobombi tɛrɛ ĩ so vɔrɔngɔ Nzapa ko, mbanga zo na popo tɛ ĩ na bia ti yengɔ, omɛ ndɛ̃ na lo ti hangɔ, omɛ ndɛ̃ na tɛnɛ mɛ Nzapa afa na lo ya lo tɛnɛ, omɛ ndɛ̃ na tɛnɛ ti pangɔ na yanga mɛ ta lo hĩnga ma, ko omɛ ndɛ̃ nga na tɔndɔngɔ nda tɛnɛ ni. Aye olo zu ndoza azi ti Eklezia ya, ala mai na ya lo yengɔ tɛ la.

1 Kɔrinto 14:3

Wa zo ko la apa nyɔ Nzapa na yanga kɔdɔrɔ tɛ lo ko, adu ya, lo pa ni hɛ̃ azi ya, ala ma, wa ala mai na ya lo yengɔ tɛ la. Lo pa nga ni ya, ni sa nguru bɛ la, ko ni zu nga na bɛ la.

1 Kɔrinto 14:6

Aya bua, ngoi mɛ se mbi ga ka tɛ ĩ, ko se mbi pa hɛ̃ ĩ atɛnɛ na yanga mɛ ta ĩ hĩnga ma ko, afa ya, ta mbi za ĩ ma. Wa se mbi pa hɛ̃ ĩ tɛnɛ mɛ Nzapa afa na mbi, bere mbi pa hɛ̃ ĩ ambanga alo, ya ĩ hĩnga ni, bere mbi pa nyɔ Nzapa hɛ̃ ĩ, bere mbi ha ĩ na alo tɛ lo ko, oko afa ya, mbi za ĩ la.

1 Timɔte 4:16

Bata li mɔ nzɔni na lo ti du tɛ mɔ nvɛni, nga na lo ti aye mɛ mɔ ndoha na azi. Ngbã bo na lingɔ aye ko zu na kpengba bɛ. Ta sanga ma, se mɔ li so ko, mɔ na songɔ tɛrɛ mɔ nvɛni, mɔ nga na songɔ awa mangɔ mɔ.

1 Timɔte 4:6

Se mɔ ha alo ko hɛ̃ ayata mɔ awa Kristo, wadila mɔ ti nzɔ̃ wa kwa tɛ Yezo Kristo, ko mɔ na fangɔ ya, mɔ kpengba na lo ti tɛnɛ tɛ Nzapa mɛ e ye lo ni, nga na lo ti bɛta lo tɛ lo mɛ mɔ ndotɔndɔ na Seni.

2 Timɔte 3:15

Ato na ngoi ko ndo mɔ dɛ nyingambi, anɔ ngbĩi asi na lá olo ko, mɔ hĩnga atɛnɛ ti ya Buku tɛ Nzapa. Atɛnɛ ni ko alengbi ti sangɔ ndara bɛ mɔ ya, mɔ ye lo tɛ Yezo Kristo, wa Nzapa aso mɔ.

2 Timɔte 4:2

abɛ na nzɔ̃ ngoi, bere na siɔ ngoi ko, pa bo tɛnɛ tɛ Nzapa, ko mɔ pa ni mɔ diri ndo ni. Azi ko la ali siɔ ye ko, fa la na siɔ ye tɛ la, bela la na lo siɔ ye mɛ ala li, ko mɔ sa nguru bɛ la ya, ala li nzɔ̃ ye. Du na yɔngɔrɔ bɛ sĩ nvɛni na ngoi mɛ mɔ ndoha azi na tɛnɛ tɛ Nzapa.

Tito 2:15

Ha la na aye ko, sa nguru bɛ la, bela nga la. Pa hɛ̃ la alo ni ko na nguru mɛ Nzapa ahɛ̃ mɔ. Ta mɔ ye ya, zo kɔi asamana na mɔ ma.