1 Timɔte 4:12 - Fana Ngbangɔ 1987

¹² Ta mɔ ye ya, zo asamana na mɔ, na lo mɛ ya, mɔ dɛ nyi kɔli ma. Kanda ale mɔ du wa fangɔ nzɔ̃ le lo na awa Kristo. Ale mɔ fa la na ni na se tɛnɛ tɛ mɔ, na se du tɛ mɔ, na se mɛ mɔ ndoye na lo tɛ Nzapa, nga na se mɛ mɔ ndodu na vuru bɛ.

1 Timɔte 4:12 Iomraidhean Croise

Matie 18:10

“I du na kpengba lɛ ya ta ĩ samana na nyingambi kɔi so popo tɛ ayangambi olo ma. Mbi pa hɛ̃ ĩ ti bɛta tɛnɛ ya, aangelo tɛ la mɛ ka yayu ndolonga ngoi zu ka gbɛlɛ To mbi mɛ ka yayu. [

1 Kɔrinto 11:1

Ale ĩ mu nzɔ̃ lɛ lo tɛ mbi nga ma se mɛ mbi ndomu na nzɔ̃ lɛ lo tɛ Yezo Kristo.

Filipɛ 4:8

Aya bua, mbi ye kɔngɔ nda tɛnɛ tɛ mbi so mɛ: ĩ da bɛ ĩ na anzɔ̃ ye mɛ azi alengbi ti gondangɔ ni. Anzɔ̃ ye ni lo mɛ: abɛta ye zu mɛ e ndotɔndɔ, aye mɛ mbiri mbiri, aye mɛ vuruni, aye mɛ bɛ azi ndode na lo ni, nga na aye ti ndima.

1 Tɛsalɔnikɛ 1:6

Ĩ mu ndo nzɔ̃ lɛ lo tɛ e, ĩ mu ndo nga tɛ Gbia Yezo. Ngoi mɛ ndo ĩ ye tɛnɛ tɛ Nzapa ko, ĩ hũ ndo pɛnɔ sĩ na lo ni, kanda Tɔrɔ Santo ahɛ̃ ndo ĩ dengɔ bɛ na lo ni.

1 Tɛsalɔnikɛ 2:10

Ĩ hĩnga ndo ye mɛ e li, ko Nzapa ahĩnga ndo nga ni. Ngoi mɛ ndo e dɛ ka popo tɛ ĩ ko, sé du tɛ e ndo nzɔ̃ni, nga bɛtani, ko ta azi abela ndo e ma.

1 Timɔte 1:14

Gbia tɛ e Yezo Kristo ali nzɔ̃ bɛ tɛ lo ma wo ma hɛ̃ mbi, lo zi lege hɛ̃ mbi, la mbi ye lo tɛ lo, mbi ye nga lo.

2 Timɔte 2:15

Li kpengbani, mɔ ti zo mɛ Nzapa alengbi ti gondangɔ lo, ko mɔ du wa kwa mɛ ta kamɛnɛ ti kwa tɛ lo ndogbɔ̃ lo ma. Ale mɔ pa hɛ̃ azi tɛnɛ mɛ aba bɛta lo tɛ Nzapa na seni.

2 Timɔte 2:22

Timɔte, ta mɔ li ye na se gwɛ̃ ti tɛrɛ nga ma tɛ ambanga apandara ma. Li kpengbani mɔ li ye mɛ mbiri mbiri, mɔ ye lo tɛ Yezo na bɛ mɔ kɔi, mɔ ye azi, mɔ du na mangbingɔ na popo tɛ mɔ na azi mɛ bɛ la vuruni, azi mɛ ndoili Gbia Nzapa ya, lo za ani.

2 Timɔte 2:7

Tɛnɛ mɛ mbi tɛnɛ hɛ̃ mɔ ko, binga bɛ mɔ na ndo ni, ta sanga ma, Gbia Yezo na sangɔ kɔdɛ bɛ mɔ, wa mɔ hĩnga nda atɛnɛ ni ko zu.

Tito 2:15

Ha la na aye ko, sa nguru bɛ la, bela nga la. Pa hɛ̃ la alo ni ko na nguru mɛ Nzapa ahɛ̃ mɔ. Ta mɔ ye ya, zo kɔi asamana na mɔ ma.

Tito 2:7

Na ya lo zu ko, ale mɔ nvɛni mɔ fa nzɔ̃ lɛ lo ti lingɔ nzɔ̃ ye. Na ngoi ko la mɔ ndoha azi na lo tɛ Nzapa ko, ta nyɔ mɔ adu sɛ sɛ ma, ko mɔ ha nga ni na se mɛ alengbi.

Zaki 3:13

Na popo tɛ ĩ ko, mbanga zo kɔi mɛ wa ndara dazu nga? Ale lo fa ndara ni na se nzɔ̃ du tɛ lo, lo ngara tɛrɛ lo, lo du nga na ndara na ya kwa mɛ lo ndoli, wa azi ahũ ya, lo wa ndara.

Zaki 3:17

Ndara mɛ ndolo ka tɛ Nzapa ko, ta ndodu na siɔ ye kɔi ma. Zo ko la na gi tɛrɛ ndara ni ko, lo dede zo, lo nga na nzɔ̃ bɛ. Lo ndoma vundu tɛ azi sĩ, lo ndoli nga anzɔ̃ ye. Ta lo ndoye zo kɔi, ko lo dɔ atanga ni lo zia ma. Ta nyɔ lo sɛ sɛ ma.

1 Petro 5:3

Azi tɛ Nzapa mɛ lo zia la na ti ĩ ya, ĩ bata la ko, ta ĩ lɛ gbia ndo la na nguru ma. Kanda ale ĩ fa la na nzɔ̃ lɛ lo, wadila ala mu nzɔ̃ se li ye tɛ ĩ.