1 Timɔte 4:10 - Fana Ngbangɔ 1987

¹⁰ Ĩ ba nda mɛ e ndoli kwa kpengbani sĩ la. Ta sanga ma, e ndolɛndɛrɛ Nzapa mɛ lɛ lo ngɛ̃, lo mɛ Wa songɔ azi zu, lo mɛ lo ndoso mai bo awa yengɔ lo tɛ Yezo Kristo.

1 Timɔte 4:10 Iomraidhean Croise

Matie 16:16

Simɔ Petro agbinya hɛ̃ lo ya: “Mɔ Mɛsia, mɔ Nyi Nzapa mɛ lɛ lo ngɛ̃.”

Matie 27:43

Lo kpã bɛ lo zu na ndo Nzapa, ko lo pa ya, ni Nyi Nzapa. Wa e ba bere Nzapa aye songɔ lo bo na olo mɛ!”

Yoanɛ 1:29

Ĩ la bu ndã ĩ de ko, Yoanɛ ahũ Yezo so ndoga ka tɛ lo, la Yoanɛ apa hɛ̃ azi ya: “Ĩ ba Nyi Ngasã Ngbaga tɛ Nzapa mɛ aga so hãngɔ siɔ ye tɛ azi zingɔ lo mɛ!

Yoanɛ 4:42

La ala pa hɛ̃ wali ko ya: “Ta mɔ da bɛ mɔ ya, e ma bo tɛnɛ mɛ mɔ tɛnɛ na lo tɛ Yezo, la e ye lo tɛ lo ma. Kanda na olo ko, e ye lo tɛ lo, na lo mɛ ya, e nvɛni e ma nga lo na ma e, ko e hĩnga ya, lo Wa songɔ azi ti lɛ sese biani.”

Yoanɛ 5:24

“Mbi pa hɛ̃ ĩ ti bɛta tɛnɛ ya, zo ko ama tɛnɛ tɛ mbi, aye nga lo tɛ wa tongɔ mbi ko, zo mɛ alua du ti kaka wɛ la. Ta Nzapa afa gbanda ngbanga abi li lo ma, ko tɔrɔ tɛrɛ lo aso wɛ la.

1 Kɔrinto 15:10

Kanda na lo ti nzɔ̃ bɛ mɛ Nzapa ali hɛ̃ mbi, la mbi ti zo nga ma se mɛ ĩ ndohũ na mbi na olo, ko ta nzɔ̃ bɛ ni agwe gɛgɛrɛ ma. Ko mbi li ndo kwa mbi ɔ awa pangɔ kwa tɛ Yezo mɛ ndɛ̃ zu. Kanda ti biani ko, ta na lo nguru tɛ mbi nvɛni la mbi li ndo kwa ni ko ma, adu na lo nzɔ̃ bɛ mɛ Nzapa ali hɛ̃ mbi la mbi li ndo kwa ni ko.

2 Kɔrinto 1:10

Kwá alu ndo e sĩ nvɛni, ko Nzapa ndo la aso e na ya kwá ni, lo nga gbanda la lo ti so e na ya kwá. Biani, e ndolɛndɛre ya, lo ti lo so gbanda e.

1 Timɔte 2:3

Ĩ ba sambela mɛ Nzapa mɛ Wa songɔ e ndohũ ka le lo nzɔ̃ni, ko ndode nga bɛ lo la.

1 Timɔte 2:4

Andode bɛ lo, na lo mɛ ya, lo ye ya, ni so azi zu, ko ala hĩnga nga bɛta lo tɛ ni.

1 Timɔte 2:6

mɛ ndo aka tɛrɛ lo so tɔ̃ngɔ azi zu. Lo kpi ndo na bi mɛ ndo Nzapa ako, ko oko afa ya, Nzapa aye ya, ni so azi zu.

1 Timɔte 3:15

bɛ se ta mbi si ka tɛ mɔ hiɔ ma ko, mɔ hĩnga se mɛ azi ti nda se wa tɛ Nzapa alengbi ti dungɔ na ni. Ala du azi ti Eklezia tɛ Nzapa mɛ lɛ lo ngɛ̃. Ala ndoha bɛta lo tɛ Nzapa, ko ala ndokpengba na ya bɛta lo ni nga ma ngbo da mɛ ndokpengba na da.

1 Timɔte 6:17

Hɛ̃ nyɔ hɛ̃ azi ko la na nwa ti lɛ sese na ti la ya, ta ala du awa yakɛ ma. Hɛ̃ la nyɔ ya, ta ala kpa nga bɛ la na ndo nwa ni ko ma, na lo mɛ ya, ta nwa ni ko ndoninga ma. Kanda ale ala kpã bɛ la na ndo Nzapa mɛ ndohɛ̃ e ye kwɛ ma wo ma. Lo ndohɛ̃ e aye ni ko ya, e saba na lo ni.

Aebreo 11:26

Lo hũ ndo ya, nzɔ̃ni ale asamana na ni, nga ma se mɛ ndo na samanangɔ na Mɛsia. Ko gi tɛrɛ samanangɔ ni ko la ni hũ ka le ni ngbondoni aɔ luangɔ nwa ti Egipito. Ta sanga ma, lo kpã ndo lɛ lo na ndo mbana gɛrɛ lo mɛ ndo Nzapa na hɛ̃ngɔ lo.

Aebreo 13:13

Wa é lo so ya kɔdɔrɔ e si, é nɔ ka tɛ lo, ko abombi nga e na lo amumana e.

1 Petro 1:21

Nzapa aso ndo lo na pɛ kwá, ahɛ̃ lo ndima. Ko ĩ ye lo tɛ Nzapa na lo tɛ lo. Na lo ni, zo mɛ ĩ ye lo tɛ lo, ĩ ndolɛndɛrɛ lo ko, lo Nzapa.

1 Yoanɛ 2:2

Ta sanga ma, Yezo Kristo ndo la akpi so tiɔngɔ sende ti siɔ ye tɛ e, wa se mɛ Nzapa aka le lo ndo ni la. Ta Nzapa na kangɔ le lo bo na ndo siɔ ye tɛ e kɔi ma, lo nga na kangɔ le lo na ndo siɔ ye tɛ azi ti lɛ sese zu.

1 Yoanɛ 4:14

E nvɛni, e hũ ndo na lɛ e ya, To e Nzapa ato ndo Nyi lo ya, lo du Wa songɔ azi ti lɛ sese, ko adu lo ni la e ndopa hɛ̃ azi.