1 Timɔte 4:1 - Fana Ngbangɔ 1987

¹ Tɔrɔ Santo apa yango ya, gbanda na ndangba bi ko, ambanga azi adɔ gbanda yengɔ lo tɛ Nzapa azia Ala ma gbanda nyɔ asiɔ tɔrɔ mɛ ndopa nvɛnɛ, ala ye nga gbanda lo mɛ asiɔ tɔrɔ ndoha.

1 Timɔte 4:1 Iomraidhean Croise

Matie 18:7

Kota vundu ati na azi ti lɛ sese, na lo mɛ ya, ambanga alo mɛ andohanda azi ya, ala li siɔ ye da. Gi tɛrɛ asiɔ lo ni ko ndosi ngoi zu, kanda vundu na tingɔ na zo ko la ndofa siɔ lɛ lo na afɔ̃ lo ya, ala li siɔ ye.

Luka 17:1

Yezo apa hɛ̃ ava lo ya: “Alo mɛ ndoto zo ya, lo li siɔ ye ndosi ngoi zu. Kanda siɔ lo ati na zo ko la afa fɔ̃ lo na lege ti lingɔ siɔ ye.

Yoanɛ 16:13

Ngoi mɛ Tɔrɔ Santo mɛ ndopa beta lo tɛ Nzapa aga aza ĩ hĩ, wadila ĩ hĩnga beta lo zu. Ta lo na tɛnɛngɔ tɛnɛ na nguru tɛ lo nvɛni ma, kanda lo na pangɔ hɛ̃ ĩ atɛnɛ zu mɛ lo ma ka nyɔ To mbi, lo nga na pangɔ hɛ̃ ĩ alo mɛ gbanda na singɔ.

Awa Pangɔ Kwa 13:2

Mbanga lá kɔi, ngoi mɛ ndo ala bombi tɛrɛ la so ndosambela, ala kɛ̃ nga tɛ so vɔrɔngɔ Nzapa ko, Tɔrɔ Santo apa hɛ̃ la ya: “Ale ĩ hã Barnabasi na Saulo na li nɔ tɛ ĩ, ĩ kpã katɛ, ko ala li kwa mɛ mbi ili la na lo ni.”

Awa Pangɔ Kwa 17:18

Polo na ambanga awa hangɔ lo tɛ zo kɔli mɛ ili lo la Epikurɛ, na awa hangɔ lo tɛ Zenɔ mɛ ili la la Astoiseo atɛnɛ nga tɛnɛ. Ko ambanga so ndopa ya: “Tɛnɛ mɛ wa kpekpe olo aye tɛnɛngɔ nɛ?” Ambanga mɛ ndɛ̃ ndopa tɛ la ya: “Ali nga ma lo ndopa lo tɛ anzapa ti fanani.” Ala tɛnɛ ndo nga so, na lo mɛ ya, Polo ndopa ndo lo tɛ Yezo, ko lo ndopa nga ndo ya, azi na songɔ na pɛ kwá.

Awa Pangɔ Kwa 20:23

Kanda ye mɛ mbi hĩnga bo la, Tɔrɔ Santo atisa mbi ya, na ya kɔdɔrɔ kɔi kɔi mɛ mbi na singɔ da ko, mbi na lingɔ bɔlɔkɔ, ko mbi nga na hũngɔ pɛnɔ.

Awa Pangɔ Kwa 21:11

lo tã e. Lo hã gba ti gu ya Polo, lo gbe na gɛrɛ lo nvɛni, nga na ti lo nvɛni, ko lo pa ya: “Ĩ ma tɛnɛ mɛ Tɔrɔ Santo atɛnɛ lo mɛ: Ĩ ba se mɛ Ayuda na gbengɔ na nvɛ̃ gba olo ka Yeruzalɛmɛ la. So pɛni, ala na kangɔ lo hɛ̃ awa ndɛ̃.”

Awa Pangɔ Kwa 28:25

Ta nyɔ la zu ase ndo kɔi ma, ko ngoi mɛ ala hã nɔ ya ani gwe ko, Polo apa bo tɛnɛ olo hɛ̃ la ya: “Tɛnɛ mɛ ndo Tɔrɔ Santo atɛnɛ, na ngoi mɛ ndo lo tɛnɛ na tɛnɛ hɛ̃ akotara ĩ ti ndo Ezai, wa pangɔ nyɔ Nzapa ko, lo tɛnɛ ndo na seni!

1 Kɔrinto 10:20

Ipɔ, mbi separa pangɔ ya, aye mɛ apaganɔ ndolu ko, ta ala ndolu na Nzapa ma, ala ndolu na asiɔ tɔrɔ. Wa ta mbi ye ya, ĩ na asiɔ tɔrɔ ĩ du ndoni kɔi ma.

1 Kɔrinto 11:19

Biani, ale ĩ ndokangbi popo tɛ ĩ, wadila azi ahĩnga abɛta awa Kristo mɛ na popo tɛ ĩ.

1 Kɔrinto 12:11

Bo Tɔrɔ Santo ko kɔi la ndohɛ̃ nguru ti lingɔ aye ni ko zu. Nguru mɛ Tɔrɔ Santo ndohɛ̃ azi ko, lɛ nguru ni ndodu ndɛ̃ ndɛ̃ ndɛ̃, ko lo ndohɛ̃ ni na se bɛ lo.

1 Kɔrinto 2:10

Kanda bo e la Nzapa afa e na ye ni ko na nguru tɛ Tɔrɔ Santo. Ta sanga ma, Tɔrɔ Santo ndobinga lo zu, abɛ nga lo mɛ Nzapa ahɔndɛ ka ya bɛ lo kílí kílí ko, Tɔrɔ Santo ahĩnga nga ni.

2 Kɔrinto 11:3

Ĩ du azi mɛ ĩ hɛ̃ tɛrɛ ĩ zu hɛ̃ Yezo Kristo, ĩ nga na vuru bɛ na ndo lo. Ko mbi ndokpɛ ya, nga ma se ko ndo ngbɔ ahanda na Eva na poroso ko, ta Satana agbe nga dangɔ bɛ tɛ ĩ, ko ĩ dɔ lege tɛ Yezo Kristo ĩ zia ma.

Kɔlɔsɛ 2:18

Ambanga azi ndohɛ̃ pɛnɔ hɛ̃ tɛrɛ la nvɛni, ndovɔrɔ aangelo, ndokpã bo bɛ la ndo aye mɛ ala ndohũ na Suma. Ko ta ĩ ye ya, gi tɛrɛ azi ko agia bɛ ĩ ma, na lo mɛ ya, ta ĩ ndoli ye nga ma se tɛ la ma. Ala ndoyakɛ tɛrɛ la sĩ, ala ndoyakɛ tɛrɛ la ni sanga sanga, ko se dangɔ bɛ tɛ la adu nga ma se dangɔ be tɛ azi ti lɛ sese.

2 Timɔte 3:13

Wa tɛ asiɔ azi, nga na awa handangɔ azi ko, ala ndogwe bo uzu uzu na lingɔ siɔ ye. Ala ndohanda afɔ̃ la, ko ahanda nga gbanda la nvɛni.

2 Timɔte 4:4

Ala kɛ̃ gbanda mangɔ bɛta lo tɛ Nzapa. Ala dɔ gbanda bɛta lo azia, ko ala zi ma la zu so mangɔ agɛgɛrɛ tɛnɛ ti mbaye.

Zaki 3:15

Ta gi tɛrɛ ndara ni ko alo ka tɛ Nzapa ma. Oko adu ndara ti le sese, ndara tɛ azi, ndara mɛ alo ka tɛ Satana.

1 Petro 1:20

Uzu ti Nzapa lingɔ sese ko, lo pia ndo lo sara Yezo Kristo lo kpã ya, lo tɔ̃ azi. Ko ĩ da na olo na ngoi mɛ sese adoli ti wɛngɔ ko, Nzapa afa lo yango ya, ĩ lua nzɔ̃ lo na lo tɛ lo.

2 Petro 2:1

Ndo gã ko, awa pangɔ nyɔ Nzapa na nvɛnɛ asi ndo na popo tɛ azi. Ko se mɛ nga awa hangɔ lo tɛ Nzapa na nvɛnɛ na singɔ na popo tɛ ĩ la. Ala na singɔ na alo ti nvɛnɛ, alo mɛ ndoto zo ka lifɛlo. Ala na kɛ̃ngɔ lo tɛ Gbia Yezo mɛ ndo aso la. Na lo ni ko, Nzapa na sangɔ la ka lifɛlo bo lo mɛ.

2 Petro 3:3

Ale ĩ hĩnga uzu ya, na ngoi mɛ gbanda sese adoli ti wɛngɔ ko, ambanga azi mɛ ndoli ye na se gwɛ̃ ti tɛrɛ la asi gbanda. Ala e gbanda ĩ,

1 Yoanɛ 2:18

Aya mbi, angbã yakere sese olo awe. Ĩ ma ndo ya, Wa kɛ̃ngɔ Yezo Kristo na gangɔ. Na olo ko, azi ma wo ma mɛ awa kɛ̃ngɔ Yezo asi wɛ. Ko gangɔ tɛ la ndofa ya, sese adoli ti wɛngɔ.

1 Yoanɛ 4:6

Kanda e du tɛ e azi tɛ Nzapa. Zo ko ahĩnga Nzapa ko, zo mɛ alengbi ti mangɔ e la, kanda zo ko ta ahĩnga Nzapa ma ko, ta lo lengbi ti mangɔ e ma. Ĩ ba se mɛ e lengbi ti hĩngangɔ na zo mɛ na bɛta Tɔrɔ tɛ Nzapa, nga na zo mɛ na tɔrɔ ti nvɛnɛ la.

Yudɛ 1:18

Ala pa ndo hɛ̃ ĩ ya: “Ngoi mɛ gbanda sese adoli ti wɛngɔ ko, ambanga azi ae gbanda ĩ, ala li nga gbanda aye bo na se gwɛ̃ ti tɛrɛ la.”

Yudɛ 1:4

Mbi tɛnɛ nga so, ta sanga ma, ambanga asiɔ azi ali na popo tɛ e na poroso. Ala ndogbinya tɛnɛ ti nzɔ̃ bɛ tɛ Nzapa tɛ e ati ndɛ̃, ala ndopa nga ya, e lengbi ti lingɔ siɔ ye mɛ bɛ e aye. Ala kɛ̃ Yezo Kristo mɛ bo lo kɔi la wa hangɔ e na lo tɛ Nzapa, lo nga Gbia tɛ e. Asu ndo ka ya Buku tɛ Nzapa gã ya, Nzapa afa gbanda ngbanga abi li azi ni ko.

Suma 13:14

Ahɛ̃ lo lege ya, lo li aye ti kpɛnɛ na gbɛlɛ sa ti kɔi, lo handa azi ti lɛ sese, ko ala ti na siɔ ye. Lo pa hɛ̃ azi ti lɛ sese ya, ala lɛkɛ ngbilondo, ko ala gonda na sa mɛ ndo ade li lo na zabe, la ta lo kpi ma.

Suma 16:14

Adu asiɔ tɔrɔ tɛ Zabulu mɛ ndoli aye ti kpɛnɛ. Asiɔ tɔrɔ ni anɔ ka tɛ agbia ti lɛ sese zu so bombingɔ la ndoni kɔi ya, na la ko gbanda Nzapa mɛ lombe aga ko, ani na lo ani tiri to.

Suma 18:2

Lo dɛ kɔngɔ kpengbani ya: “Babilɔnɛ mɛ kota kɔdɔrɔ ati wɛ oo! Babilɔnɛ ati wɛ oo! Babilɔnɛ ati kɔdɔrɔ tɛ azabulu, kɔdɔrɔ mɛ asiɔ tɔrɔ ndɛ̃ ndɛ̃ ndɛ̃ zu ndobere da, kɔdɔrɔ mɛ asiɔ ahũ ndɛ̃ ndɛ̃ ndɛ̃ zu ndodu da, adu ahũ mɛ bɛ azi akɛ̃ la.

Suma 18:23

Ta wá ti za gbanda so ya kɔdɔrɔ tɛ mɔ bɛ gbɔ ma. Ta azi ti ma gbanda legɔ̃ kɔli na ya lo ma. Azi tɛ mɔ mɛ awa dɛngɔ buze aɔ awa dɛngɔ buze ti lɛ sese mɛ ndɛ̃ zu na nwa. Na lo ti biando mɛ ndo azi tɛ mɔ ndohãna ko, ala handa ndo azi zu.

Suma 19:20

Agbɔ̃ sa ni, agbɔ̃ nga wa pangɔ nyɔ Nzapa na nvɛnɛ mɛ ndo ndoli aye ti kpɛnɛ so gbɛlɛ sa ni. (Lo li ndo aye ti kpɛnɛ ni so handangɔ na azi. Azi ni adu azi mɛ ndo asuru ili sa ni na tɛrɛ la, ala vɔrɔ nga ngbilondo tɛ sa ni.) Ngoi mɛ ĩ gbɔ̃nɔ la ko, asa la lɛ la ngɛ̃ ka ya wá mɛ lɛ ni kotani nga ma lɛ kpo. Ko wá ni adu nwa tɛ́nɛ la ndoza.

Suma 2:11

“Zo ko la ma lo adu da ko, ale lo ma tɛnɛ mɛ Tɔrɔ Santo atɛnɛ hɛ̃ awa Eklezia! Azi ko la agbe bɛ la na ya apɛnɔ, anwɔ ni ko, ta ala kpili gbanda kwá ti sɛ ma.”

Suma 2:17

“Zo ko la ma lo adu da ko, ale lo ma tɛnɛ mɛ Tɔrɔ Santo atɛnɛ hɛ̃ awa Eklezia! “Azi ko la agbe bɛ la na ya apenɔ, anwɔ ni ko, ni hɛ̃ nga la gbanda tɛ mɛ ahɔndɛ hɔndɛngɔ, ili tɛ ni la manɛ. Ni hɛ̃ nga gbanda hɛ̃ zo kɔi kɔi na popo tɛ la nyi tɛ́nɛ mɛ mbufuni, asu fana ili na terɛ tɛnɛ ni. Ta zo mɛ ndɛ̃ ahĩnga nda ili ni ma, wenge bo zo mɛ alua ni.”

Suma 2:29

“Zo ko la ma lo adu da ko, ale lo ma tɛnɛ mɛ Tɔrɔ Santo atɛnɛ hɛ̃ awa Eklezia!”

Suma 2:7

“Zo ko la ma lo adu da ko, ale lo ma tɛnɛ mɛ Tɔrɔ Santo atɛnɛ hɛ̃ awa Eklezia! Azi ko la agbe bɛ la na ya apɛnɔ, anwɔ ni ko, gbanda ko, ni hɛ̃ la lege, ala tɛ le kɛkɛ mɛ ka lɛ yaka tɛ Nzapa. Adu le kɛkɛ mɛ ndohɛ̃ zo bɛta du.”

Suma 20:10

Agbɔ̃ Satana mɛ ndo wa handangɔ la, abi lo ka ya wá mɛ lɛ ni kotani nga ma lɛ kpo. Ko wá ni adu nwa tɛnɛ la ndoza. Amu sa ti kpɛnɛ, na wa pangɔ nyɔ Nzapa na nvɛnɛ, asa nga la ka ya wá ni ko. Ala na hũngɔ pɛnɔ bi na lá, buru na buru.

Suma 20:8

wa lo nɔ lo handa azi mɛ agundu na lɛ sese zu. Andoili sese mɛ ala gwe da ya, Gɔgɛ na Magɔgɛ. Lo na bombingɔ la ndoni kɔi ya, ani nɔ, ani tiri azi tɛ Nzapa na to. Azi mɛ gbanda lo bombi la adu gbanda ma wo ma, nga ma mbutu ti nyɔ ngu.

Suma 3:13

“Zo ko la ma lo adu da ko, ale lo ma tɛnɛ mɛ Tɔrɔ Santo atɛnɛ hɛ̃ awa Eklezia!”

Suma 3:22

“Zo ko la ma lo adu da ko, ale lo ma tɛnɛ mɛ Tɔrɔ Santo atɛnɛ hɛ̃ awa Eklezia!”

Suma 3:6

“Zo ko la ma lo adu da ko, ale lo ma tɛnɛ mɛ Tɔrɔ Santo atɛnɛ hɛ̃ awa Eklezia!”

Suma 9:20

Atanga azi zu mɛ ndo ta ala kpili na ngoi ti apɛnɔ ni ma ko, ta ala zia ndo lingɔ siɔ ye tɛ la nvɛni ma. Ala kɛ̃ ndo kia avɔrɔ asiɔ tɔrɔ, na angbilondo mɛ ala lɛkɛ na wɔrɔ, na nwa, na nvale, na tɛ́nɛ, nga na kɛkɛ. Angbilondo ni ko zu, ta ndohũ ndo ma, ta ndoma ndo ma, ta ala ndodɔ nga nɔ ma.