1 Timɔte 3:8 - Fana Ngbangɔ 1987

⁸ Ale adiakrɛ adu azi ti ndima, azi mɛ ta nyɔ la se se ma. Ale ala du azi mɛ ta ndonyɔ kana sĩ ma, azi mɛ ta ndolua faranga na se lege mɛ siɔni ma.

1 Timɔte 3:8 Iomraidhean Croise

Roma 3:13

Nyɔ la nga ma du sende mɛ angbã gaponi. Ala ndotɛnɛ tɛnɛ ti handangɔ na azi. Tɛnɛ mɛ ndolo ka nyɔ la ndosi ko, adu nga ma ngɔnzɔ tɛ ngbɔ.

Filipɛ 1:1

Mbi Polo na Timɔte mɛ e awa kwa tɛ Yezo Kristo la e to mbɛti olo hɛ̃ ĩ azi tɛ Nzapa zu mɛ ĩ ye lo tɛ Yezo Kristo, ĩ mɛ ĩ ndodu ka kɔdɔrɔ ti Eilipɛ. E to nga mbɛti ni hɛ̃ ĩ awa batangɔ Eklezia, na ĩ adiakrɛ. E bala ĩ.

1 Timɔte 3:12

Ale adiakrɛ adu na wali bo kɔi, ale ala hĩnga batangɔ aya la, na azi mɛ ndɛ̃ mɛ na nda se wa tɛ la nzɔ̃ni.

1 Timɔte 3:2

Ale lo du zo mɛ ta ndoli ye mɛ alengbi ti belangɔ lo na lo ni ma, ale lo du na wali bo kɔi, lo li ye na nyɔ kpɔ̃ ni, lo du na nzɔ̃ kɔdɛ, lo li ye na seni. Ale lo yamba azi mɛ ndosi ka tɛ lo nzɔ̃ni, ale lo hĩnga nga hangɔ lo tɛ Nzapa.

1 Timɔte 3:3

Ale ta lo nyɔ kana agbɔ̃ lo ma, ale ta lo du wa gingɔ ló ma. Kanda ale lo du dede zo, zo mɛ ndomangbi na azi. Ale ta lo du zo mɛ bɛ lo kotani na ndo faranga ma.

1 Timɔte 5:23

Timɔte, zia nyɔngɔ bo ngu kɔi, kanda nyɔ nga vinɔ yakere, ya aza kundu mɔ, na lo mɛ ya, kundu mɔ ndosɔ fani sĩni.

Tito 1:7

Ta sanga ma, wa batangɔ Eklezia adu zo mɛ azia kwa tɛ Nzapa na yamba ti lo. Ko ale ta lo du zo mɛ ndoli ye mɛ alengbi ti belangɔ lo na lo ni ma. Ale ta lo du wa yakɛ ma, ta lo du wa ngɔnzɔ ma, ta lo du wa nyɔngɔ kana sĩ ma, ta lo du wa gingɔ ló ma, ta lo du nga zo mɛ ndolua faranga na lege mɛ siɔni ma.

Tito 2:3

Pa hɛ̃ atara bange ya, ale se li ye tɛ la adu nga ma se li ye tɛ azi tɛ Nzapa. Ta ala di zo ma, ta ala ti ambɛ ti nyɔngɔ kana ma. Ale ala ndohɛ̃ nzɔ̃ wangɔ

Zaki 3:10

E ndogonda Nzapa, ko e ti ndozónga afɔ̃ e bo na nyɔ e ko kɔi. Aya bua, ale ta e ndoli nga so ma.

1 Petro 5:2

azi tɛ Nzapa mɛ Nzapa azia la na yamba ti ĩ ko, ĩ́ bata la nzɔ̃ni, nga ma se mɛ wa batangɔ angasã ngbaga ndobata na angasã ngbaga tɛ lo. Ale ĩ bata la na nzɔ̃ bɛ nga ma se mɛ Nzapa aye, ta ĩ bata la na siɔ bɛ ma. Ta ĩ́ li kwa tɛ Nzapa so gwɛ̃ luangɔ faranga ma, kanda ale ĩ hɛ̃ tɛrɛ ĩ zu na ya kwa ni.