1 Timɔte 3:7 - Fana Ngbangɔ 1987

⁷ Ale azi mɛ ta awa Kristo ma atɔndɔ nga zo ni ko, so ala samana na lo, ko lo za sɔ̃ mɛ Satana apeta.

1 Timɔte 3:7 Iomraidhean Croise

Marko 4:11

Yezo agbinya hɛ̃ la ya: “Na ndo tɛnɛ ko ti lo Lɛngɔ Gbia tɛ Nzapa ko, bo ĩ la Nzapa afa ĩ na lo mɛ ta azi ahĩnga ma. Kanda azi mɛ ndɛ̃ ndoma tɛnɛ tɛ lo bo na ya matɔ, nga ma se mɛ asu na ni ka ya Buku tɛ Nzapa ya:

Awa Pangɔ Kwa 10:22

Ala gbinya hɛ̃ lo ya: “Kɔrnɛyɛ mɛ gbia tɛ aturugu la ato e. Lo nzɔ̃ zo mɛ ndotɔndɔ Nzapa, ko Ayuda zu ndogonda lo. Angelo tɛ Nzapa atisa lo ya, lo ili mɔ, mɔ ga ka tɛ lo, wa tɛnɛ mɛ mɔ na ni ko, mɔ pa hɛ̃ lo, lo ma.”

Awa Pangɔ Kwa 22:12

“Mbanga kɔli kɔi ndodu ka Damasi, ili lo la Ananiasi, lo ndohɛ̃ tɛrɛ lo so vɔrɔngɔ Nzapa, lo ndotɔndɔ nga ndia tɛ e, ko Ayuda ti Damasi zu ndogonda lo.

Awa Pangɔ Kwa 6:3

Aya bua, na lo ni ko, ale ĩ sara azi mbara mbara so popo tɛ ĩ mɛ pa ili la nzɔ̃ni, é hɛ̃ la kwa olo mɛ. Ale ala du azi mɛ na nguru tɛ Tɔrɔ Santo sĩ, ala du nga awa ndara,

1 Kɔrinto 10:32

Ta ĩ́ li ya, Ayuda bere azi mɛ ta Ayuda ma, bere azi ti Eklezia ali siɔ ye na lo ti sé du tɛ ĩ ma.

1 Kɔrinto 5:12

Wa azi ko la ta ala awa Kristo ma ko, ta kwa ti fangɔ ngbanga tɛ la aba mbi ma. Nzapa gbanda la afa ngbanga tɛ la. Kanda ale ĩ ndofa ngbanga tɛ awa Kristo! Ĩ li nga ma se ko ndo la asu na ni ka ya Buku tɛ Nzapa ya: “Ale ĩ toma siɔ zo na popo tɛ ĩ, lo ɔ.”

2 Kɔrinto 6:3

E ndosepara ya, ta azi atɛnɛ siɔ tɛnɛ na ndo kwa mɛ e ndoli ma. Nda mɛ e ndogi kɔdɛ ya, na ya alo zu ko, ta e gbanzi azi na yengɔ lo tɛ Nzapa ma la.

2 Kɔrinto 8:21

Ta e separa ya, e li nzɔ̃ ye bo na le Nzapa kɔi ma, kanda e separa nga ya, e li ni na lɛ azi.

Kɔlɔsɛ 4:5

Ale ĩ du na ndara na popo tɛ apaganɔ, ĩ li nzɔ̃ ye ngoi zu mɛ se ĩ lua lege ti lingɔ ni.

1 Tɛsalɔnikɛ 4:12

Se ĩ li nga so ko, azi mɛ ta awa Kristo ma na tɔndɔngɔ ĩ, ko ta ĩ na yɔngɔ ye ka ti azi ma.

1 Tɛsalɔnikɛ 5:22

Ko ta ĩ li siɔ ye bɛ gbɔ ma.

1 Timɔte 3:6

Ale ta lo du zo mɛ agbinya bɛ lo fanani ma, so lo yakɛ tɛrɛ lo, ko Nzapa afa ngbanga abi li lo, nga ma se mɛ ndo Satana ayakɛ na tɛrɛ lo, ko na lo ni ndo la Nzapa afa ngbanga abi li lo.

1 Timɔte 5:14

Na lo ni la mbi separa ya, awe muã mɛ ade amɔsia ati du na kɔli, adú ayangambi, abata nga da tɛ la, so awe muã ni azi lege hɛ̃ awa kɛ̃ngɔ e ya, ala tɛnɛ siɔ tɛnɛ na ili e.

1 Timɔte 6:9

Kanda azi ko la ndoye ya, ani ti awa nwa ko, Satana ndohanda la, ko ala ndoza sɔ̃ tɛ lo, na lo ti agɛgɛrɛ siɔ ye mɛ ala na gwe ni, asiɔ ye mɛ ndogbɛ̃ zo zu zu zu.

2 Timɔte 2:26

Na lo ni, bɛ se ala za ndo sɔ̃ mɛ Satana apeta ya, ala ndoli ye mɛ bɛ ni Satana aye ko, ala na luangɔ kɔdɛ, wa ala lo ka ya sɔ̃ ni asi.

Tito 2:5

Ale atara bange aha na aya awe ya, ala du na nzɔ̃ kɔdɛ, ala du na vuru bɛ, ala li kwa ti ya da tɛ la nzɔ̃ni, ala du anzɔ̃ azi, ala ma nyɔ akɔ la. Ta so ma ko, azi na tɛnɛngɔ ya, tɛnɛ tɛ Nzapa adu siɔni.

Tito 2:8

Tɛnɛ tɛnɛ tɛ Nzapa na seni, so zo adi mɔ. Li so wadila kamɛnɛ agbɔ̃ awa kɛ̃ngɔ mɔ, na lo mɛ ya, ta ala lua e na siɔ ye kɔi ma.

3 Yoanɛ 1:12

Azi zu ndogonda Demetriusi na lo nzɔ̃ ye mɛ lo ndoli, ko dɔngɔ nɔ tɛ lo na bɛta lege tɛ Nzapa ndofa nga ni. E nvɛni e pa nga ya, lo ndoli nzɔ̃ni, ko mɔ hĩnga ya, tɛnɛ ko e tɛnɛ ko adu biani.