1 Timɔte 3:6 - Fana Ngbangɔ 1987

⁶ Ale ta lo du zo mɛ agbinya bɛ lo fanani ma, so lo yakɛ tɛrɛ lo, ko Nzapa afa ngbanga abi li lo, nga ma se mɛ ndo Satana ayakɛ na tɛrɛ lo, ko na lo ni ndo la Nzapa afa ngbanga abi li lo.

1 Timɔte 3:6 Iomraidhean Croise

Luka 10:18

Yezo agbinya hɛ̃ la ya: “Mbi ndoba ndo ndo, ko mbi hũ Satana alo ka ndozu ati ge tise, nga ma se mɛ bekpa ndozu na ni.

1 Kɔrinto 3:1

Aya bua, ngoi mɛ ndo mbi ka tɛ ĩ ko, ta mbi lengbi ndo ti tɛnɛngɔ tɛnɛ hɛ̃ ĩ nga ma se mɛ mbi ndotɛnɛ na tɛnɛ hɛ̃ azi mɛ na Tɔrɔ Santo tɛ Nzapa ma. Ngoi mɛ ndo mbi ndotɛnɛ na tɛnɛ hɛ̃ ĩ ko, mbi ndomu ndo ĩ nga ma azi mɛ ndokpã bɛ la na ndo alo ti lɛ sese. Mbi ndomu ndo nga ĩ nga ma azi mɛ aye lo tɛ Yezo Kristo fanani, ko ĩ du nga ma ayangambi.

1 Kɔrinto 8:1

Na olo ko, mbi na kambisangɔ hɛ̃ ĩ tɛnɛ ti sa mɛ alu na angbilondo. Tɛnɛ mɛ ĩ ndotɛnɛ ya: “E zu e hĩnga ye ma ya ma” ko, adu biani. Kanda hĩngangɔ ye ma ya ma ndohɛ̃ zo yakɛ. Wa se e yengbi ko, yengbingɔ ni akpengba na lo yengɔ tɛ e.

2 Kɔrinto 12:7

Ta Nzapa ndoye ya, mbi yakɛ tɛrɛ mbi na lo ti aye ma wo ma mɛ ndo lo fa na mbi ma, nda mɛ ndo lo hɛ̃ mbi pɛnɔ mɛ ndosɔ sĩ la. Pɛnɔ ni ndosɔ tɛrɛ mbi, ko adu nga ma Satana ato wa kwa tɛ lo ya, lo sɔ̃ mbi. Ko adu so, wadila ta mbi yakɛ tɛrɛ mbi ma.

1 Timɔte 3:7

Ale azi mɛ ta awa Kristo ma atɔndɔ nga zo ni ko, so ala samana na lo, ko lo za sɔ̃ mɛ Satana apeta.

1 Timɔte 6:4

zo ni ko lo wa yakɛ sĩ, ko ta lo hĩnga nga ye kɔi ma. Lo nga zo mɛ lo ye bimbingɔ tɛnɛ sĩ, lo ye nga pangɔ pa ngbɔndɔ ngbɔndɔ na lo ti atɛnɛ. Na lo ni la azi ndoli sɔbɛrɛ, ndopa pa, ndoguru afɔ̃ la, ndodu na siɔ dangɔ bɛ ndo afɔ̃ la,

2 Timɔte 3:4

Ala du gbanda awa tɛngɔ gbe kuni afɔ̃ la, azi mɛ ndoli ye na ndo li la, azi mɛ ndoyakɛ tɛrɛ la sĩ. Ala kɛ̃ gbanda Nzapa, ko ala ye tɛ la alo mɛ ndode bɛ zo.

1 Petro 2:2

Kanda ale ĩ du na gwɛ̃ ti mangɔ tɛnɛ tɛ Nzapa, nga ma se mɛ pesɛ nyi ndodu na gwɛ̃ ti ãngɔ mɛ ta lo. Ale ĩ li so, wadila ĩ mai, ko Nzapa aso ĩ.

1 Petro 5:5

Ĩ aya kɔli, ale ĩ ndobi tɛrɛ ĩ hɛ̃ akangba. Ale ĩ zũ, ĩ ngara tɛrɛ ĩ hɛ̃ afɔ̃ ĩ, ya ĩ zangbi. Ta sanga ma, asu ka ya Buku tɛ Nzapa ya: “Nzapa ndokɛ̃ awa yakɛ, ko lo ndoli nzɔ̃ bɛ hɛ̃ azi mɛ ndobi tɛrɛ la.”

2 Petro 2:4

Ta sanga ma, aangelo mɛ ndo ali siɔ ye ko, ta Nzapa azia ndo la ma. Lo gbɛlɛ ndo la, lo sa la ka lifɛlo, lo bata la ka ya mbingo ya, ala du kai ngbĩi nga ka lá ti fangɔ ngbanga alengbi.

Yudɛ 1:6

Ale ĩ da bɛ ĩ na aangelo mɛ ndo ta bɛ la ade na lo nguru mɛ Nzapa ahɛ̃ la ma. Nzapa ahɛ̃ ndo la ndo tɛ la nvɛni, ko ala dɔ ndo ni azia. Na lo ni ndo la Nzapa agbɔ̃nɔ la, agbele la na nzingiri mɛ ndongbã kaka, asa la ka ya mbingo ya, ala du kai ngbĩi nga ka lá ti fangɔ ngbanga alengbi, wa ni fa ngbanga ni bi li la.