1 Timɔte 3:4 - Fana Ngbangɔ 1987

⁴ Ale lo du zo mɛ lo lengbi ti batangɔ nda se wa tɛ lo nvɛni nzɔ̃ni, ale lo li ya, aya lo ama nyɔ lo, atɔndɔ nga lo na seni.

1 Timɔte 3:4 Iomraidhean Croise

Awa Pangɔ Kwa 10:2

Kɔrnɛyɛ ndohɛ̃ ndo tɛrɛ lo so vɔrɔngɔ Nzapa, ko lo na nda se wa tɛ lo zu ndotɔndɔ ndo Nzapa. Lo ndoka ndo kaye sĩ hɛ̃ Ayuda mɛ awa yɛlɛ, ko ngoi zu, lo ndosambela Nzapa.

Efɛzɛ 5:24

Na lo ni ko, ale awe kɔli abi tɛrɛ la hɛ̃ akɔ la na ya lo zu, nga ma se mɛ azi ti Eklezia ndobi na tɛrɛ la hɛ̃ Yezo Kristo.

Filipɛ 4:8

Aya bua, mbi ye kɔngɔ nda tɛnɛ tɛ mbi so mɛ: ĩ da bɛ ĩ na anzɔ̃ ye mɛ azi alengbi ti gondangɔ ni. Anzɔ̃ ye ni lo mɛ: abɛta ye zu mɛ e ndotɔndɔ, aye mɛ mbiri mbiri, aye mɛ vuruni, aye mɛ bɛ azi ndode na lo ni, nga na aye ti ndima.

1 Timɔte 3:12

Ale adiakrɛ adu na wali bo kɔi, ale ala hĩnga batangɔ aya la, na azi mɛ ndɛ̃ mɛ na nda se wa tɛ la nzɔ̃ni.

Tito 1:6

Ale kangba ti Eklezia adu zo mɛ ta ndoli ye mɛ alengbi ti belangɔ lo na lo ni ma. Ale lo du na wali bo kɔi, ale aya lo adu awa Kristo, ale se li ye tɛ la adu nzɔ̃ni, ko ala du nga awa mangɔ nyɔ.

Tito 2:2

Pa hɛ̃ abange ya, ala li ye na nyɔ kpɔ̃ ni, ala du azi ti ndima, ala du na nzɔ̃ kɔdɛ. Ale ala kpengba na ya lo yengɔ lo tɛ Nzapa, ala ye afɔ̃ la, ala gbe bɛ la.

Tito 2:7

Na ya lo zu ko, ale mɔ nvɛni mɔ fa nzɔ̃ lɛ lo ti lingɔ nzɔ̃ ye. Na ngoi ko la mɔ ndoha azi na lo tɛ Nzapa ko, ta nyɔ mɔ adu sɛ sɛ ma, ko mɔ ha nga ni na se mɛ alengbi.