1 Timɔte 3:3 - Fana Ngbangɔ 1987

³ Ale ta lo nyɔ kana agbɔ̃ lo ma, ale ta lo du wa gingɔ ló ma. Kanda ale lo du dede zo, zo mɛ ndomangbi na azi. Ale ta lo du zo mɛ bɛ lo kotani na ndo faranga ma.

1 Timɔte 3:3 Iomraidhean Croise

Matie 21:13

Ko lo pa hɛ̃ la ya: “Buku tɛ Nzapa apa ya: ‘Azi na pangɔ ya, da tɛ mbi Nzapa, adu da mɛ azi na sambelangɔ mbi da.’ Kanda tɛ ĩ ko, ĩ gbinya ni ati nga ma do tɛ́nɛ mɛ awa nzĩ ndobere da!”

Awa Pangɔ Kwa 20:33

Ta mbi ndo na gwɛ̃ ti faranga, bere na gwɛ̃ ti bɔngɔ tɛ zo ma.

Roma 16:18

ta sanga ma, ta gi tɛrɛ azi ni ko ndoli kwa hɛ̃ Gbia tɛ e Yezo Kristo ma, kanda ala ndoli ye mɛ ndode bɛ la nvɛni! Ala ndotɛnɛ anzɔ̃nzɔ̃ tɛnɛ, ala ndokara nga azi na tɛnɛ lɛkpɛ lɛkpɛ so handangɔ azi mɛ ta lɛ la azi ma.

Efɛzɛ 5:18

Ta ĩ nyɔ kana agbɔ̃ ĩ ma, so agbɛ̃ du tɛ ĩ. Kanda ale ĩ ye ya, Tɔrɔ Santo asa nguru bɛ ĩ sĩ ngoi zu.

1 Tɛsalɔnikɛ 5:14

Aya bua, e gbɔ̃ gɛrɛ ĩ ya, ĩ tisa azi mɛ ndokɛ̃ lingɔ kwa, ĩ sa nguru bɛ awa mbɛtɔ. Ĩ za azi mɛ ta na nguru ma, ĩ du na yɔngɔrɔ bɛ na ndo azi zu.

1 Timɔte 3:8

Ale adiakrɛ adu azi ti ndima, azi mɛ ta nyɔ la se se ma. Ale ala du azi mɛ ta ndonyɔ kana sĩ ma, azi mɛ ta ndolua faranga na se lege mɛ siɔni ma.

2 Timɔte 3:2

Na ngoi ko gbanda ko, azi adu gbanda awa kinya, awa gwɛ̃ faranga, awa gwalo, awa yakɛ. Ala guru gbanda Nzapa, ala kɛ̃ gbanda nyɔ awa dúngɔ la. Ta ala hĩnga gbanda nzɔ̃ lo mɛ Nzapa ali tɛrɛ la ma. Ta ala tɔndɔ nga gbanda ye mɛ santo ma.

Tito 1:11

Ale mɔ gbanzi la, ta sanga ma, ala ndogbɛ̃ ambanga nda se wa zu, ko ala ndoha lo mɛ ta alengbi ma so luangɔ faranga na lege mɛ siɔni.

Tito 1:7

Ta sanga ma, wa batangɔ Eklezia adu zo mɛ azia kwa tɛ Nzapa na yamba ti lo. Ko ale ta lo du zo mɛ ndoli ye mɛ alengbi ti belangɔ lo na lo ni ma. Ale ta lo du wa yakɛ ma, ta lo du wa ngɔnzɔ ma, ta lo du wa nyɔngɔ kana sĩ ma, ta lo du wa gingɔ ló ma, ta lo du nga zo mɛ ndolua faranga na lege mɛ siɔni ma.

Tito 2:3

Pa hɛ̃ atara bange ya, ale se li ye tɛ la adu nga ma se li ye tɛ azi tɛ Nzapa. Ta ala di zo ma, ta ala ti ambɛ ti nyɔngɔ kana ma. Ale ala ndohɛ̃ nzɔ̃ wangɔ

Tito 3:2

Pa hɛ̃ la ya, ta ala tɛnɛ tɛnɛ siɔni na ili zo ma. Ale ala du na mangbingɔ, ali afɔ̃ la nzɔ̃ni, ali ye ngoi zu na tɛrɛ azi zu na dede bɛ.

Aebreo 13:5

Na ya du tɛ ĩ ko, ta ĩ ye ya, gwɛ̃ ti faranga ako ndo bɛ ĩ ma. Ĩ du na dengɔ bɛ na lo ti aye mɛ ĩ na ni. Ta sanga ma, Nzapa nvɛni apa ya: “Ta mbi na ziangɔ mɔ bɛ gbɔ ma, ta bɛ mbi nga na lingɔ na mɔ bɛ gbɔ ma.”

Zaki 4:1

Nda to mɛ ĩ ndotiri, nga na nda pa mɛ ĩ ndopa na popo tɛ ĩ nɛ? Adu na lo ti asiɔ gwɛ̃ ti tɛrɛ ĩ!

1 Petro 5:2

azi tɛ Nzapa mɛ Nzapa azia la na yamba ti ĩ ko, ĩ́ bata la nzɔ̃ni, nga ma se mɛ wa batangɔ angasã ngbaga ndobata na angasã ngbaga tɛ lo. Ale ĩ bata la na nzɔ̃ bɛ nga ma se mɛ Nzapa aye, ta ĩ bata la na siɔ bɛ ma. Ta ĩ́ li kwa tɛ Nzapa so gwɛ̃ luangɔ faranga ma, kanda ale ĩ hɛ̃ tɛrɛ ĩ zu na ya kwa ni.

2 Petro 2:3

Awa hangɔ lo ti nvɛnɛ ni ko ndodu na gwɛ̃ ti luangɔ faranga, ko na lo ni ko, ala na karangɔ ló ya, ani tɛ faranga tɛ ĩ. Ko ato ndo gã, Nzapa mɛ wa fangɔ ngbanga tɛ la, wa kpɔngɔ la ko, ta lo ndola langɔ ma, lo ndoku bo kungɔ ya, ni sa la ka lifɛlo.

Yudɛ 1:11

Siɔ lo ati ndo na la, na lo mɛ ya, ala mu ndo lege tɛ Kaina. Ala ndohɛ̃ ndo tɛrɛ la ya, ani lua na faranga, nga ma se mɛ ndo Balamɛ ndoli na ni. Ala saba ndo tɛrɛ Nzapa, ko ala ndo nga ma Kore mɛ ndo asaba nga tɛrɛ Nzapa.

Suma 1:9

Mbi Yoanɛ nyita ĩ, mbi mɛ mbi na ĩ, nga na Yezo Kristo e ti bo kɔi ko, mbi ndohũ pɛnɔ mɛ ĩ ndohũ nga. Mbi na ĩ e ndogbe be e na ya pɛnɔ ni. Mbi na ĩ e du azi ti Kɔdɔrɔ Gbia tɛ lo. Agbɔ̃ ndo mbi ato ka ya zúa ti Patimɔsi, na lo mɛ ya, mbi pa tɛnɛ tɛ Nzapa mɛ Yezo Kristo temwɛ ni.