1 Timɔte 3:2 - Fana Ngbangɔ 1987

² Ale lo du zo mɛ ta ndoli ye mɛ alengbi ti belangɔ lo na lo ni ma, ale lo du na wali bo kɔi, lo li ye na nyɔ kpɔ̃ ni, lo du na nzɔ̃ kɔdɛ, lo li ye na seni. Ale lo yamba azi mɛ ndosi ka tɛ lo nzɔ̃ni, ale lo hĩnga nga hangɔ lo tɛ Nzapa.

1 Timɔte 3:2 Iomraidhean Croise

Luka 1:6

Zakaria na Elisabɛti ndo abɛta azi ka lɛ Gbia Nzapa, ko ala ndotɔndɔ ndo ndia tɛ lo, ndoma ndo nga nyɔ lo zu.

Luka 2:36

Zo wali kɔi mɛ wa pangɔ nyɔ Nzapa nga ndo so ndo ko, ili lo la Anɛ, lo nyi Fanuɛlɛ mɛ na ale tɛ Asɛrɛ. Anɛ ati ndo tara bange buai. Lo du ndo na kɔli na ngoi mɛ lo dɛ mɔsia, ko lo na kɔ lo ali ndo buru mbara mbara.

Roma 12:13

Ale ĩ za ayata ĩ awa Kristo mɛ ta ala na ye ma, ko azi mɛ ndosi ka tɛ ĩ ko, ĩ yamba la nzɔ̃ni.

Filipɛ 2:15

Se ĩ li nga so, wadila na popo tɛ awa nvɛnɛ na asiɔ azi ti le sese olo ko, bɛ ĩ adu vuruni pa pa pa, ĩ ti nga abɛta aya Nzapa, ko ta Nzapa abela ĩ na lo ye kɔi ma. Ale ĩ ndodu na popo tɛ la nga ma atongolo mɛ ndosũ ka le ndozu.

1 Timɔte 3:12

Ale adiakrɛ adu na wali bo kɔi, ale ala hĩnga batangɔ aya la, na azi mɛ ndɛ̃ mɛ na nda se wa tɛ la nzɔ̃ni.

1 Timɔte 3:8

Ale adiakrɛ adu azi ti ndima, azi mɛ ta nyɔ la se se ma. Ale ala du azi mɛ ta ndonyɔ kana sĩ ma, azi mɛ ta ndolua faranga na se lege mɛ siɔni ma.

1 Timɔte 4:3

Ala ndoha azi na ye ya, dungɔ na wali, bere dungɔ na kɔli adu siɔni. Ala ndoha nga azi na ye ya, tɛngɔ ambanga tɛ adu nga siɔni. Kanda Nzapa ali atɛ ko ya, awa Kristo mɛ ahĩnga bɛta lo, ahɛ̃ ni sia kɔli uzu, wa ala tɛ ni.

1 Timɔte 5:10

Ale azi ahĩnga nga ya, lo ndoli ndo nzɔ̃ kwa, lo ndokã ndo aya lo nzɔ̃ni, lo ndoyamba ndo azi mɛ ndosi ka tɛ lo nzɔ̃ni. Ale lo du zo mɛ ndo ndokpo gɛrɛ azi tɛ Nzapa, zo mɛ ndo ndoza awa pɛnɔ, zo mɛ ndo ndoli nga anzɔ̃ ye ndɛ̃ ndɛ̃ ndɛ̃.

1 Timɔte 5:22

Se mɔ ye hɛ̃ngɔ zo kwa ti Eklezia ko, ta mɔ kpã ti mɔ ndo lo hiɔ ya, Nzapa asunu lo ma. Ale mɔ hĩnga lo uzu nzɔ̃ni wadila. Se mɔ hũ azi na lingɔ siɔ ye ko, ta mɔ li tɛ mɔ ni ma, kanda ale mɔ bata bɛ mɔ vuruni.

1 Timɔte 5:9

We muã mɛ mɔ lengbi ti sungɔ ili lo na ya buku tɛ awe muã la, we muã mɛ buru tɛ lo aɔ buru sui mana, ko ale we muã ni adu ndo bo na kɔli kɔi.

2 Timɔte 2:24

Kanda ale ta wa kwa tɛ Gbia Yezo apa pa ma, ale lo ndoli tɛ lo nzɔ̃ ye hɛ̃ azi zu, lo hĩnga hangɔ lo tɛ Nzapa, lo du nga na yɔngɔrɔ bɛ.

Tito 2:2

Pa hɛ̃ abange ya, ala li ye na nyɔ kpɔ̃ ni, ala du azi ti ndima, ala du na nzɔ̃ kɔdɛ. Ale ala kpengba na ya lo yengɔ lo tɛ Nzapa, ala ye afɔ̃ la, ala gbe bɛ la.

Aebreo 13:2

Ta bɛ ĩ ali na yambangɔ azi mɛ ndoga ka tɛ ĩ ma. Ti biani ko, ambanga azi ayamba ndo awa fɔnɔ, kanda awa fɔnɔ ni adu aangelo. Ko ta azi ni ko ahĩnga ndo ya, adu aangelo ma.

Aebreo 3:14

E ndokpã ndo bɛ e uzu na ndo Yezo, wa se e ngbã bo na kpãngɔ bɛ e na ndo lo nga ma se ti uzu, ngbĩi e si ka nda ni gbɔ, wadila e ti azi mɛ e na Yezo Kristo e ndoli kwa ndoni kɔi.

1 Petro 4:7

Angbã yakere, nda aye zu akɔ. Na lo ni ko, í du na kɔdɛ, ĩ́ du na kpengba lɛ, wadila ĩ sambela Nzapa na seni.

1 Petro 4:9

Ale ĩ ndoyamba azi mɛ ndosi ka tɛ ĩ nzɔ̃ni, kanda ta ĩ yamba la na gbelengɔ lɛ ĩ ma.

1 Petro 5:8

Ale ĩ du na kpengba lɛ, ĩ bata li ĩ nzɔ̃ni, ta sanga ma, Satana mɛ wa kɛ̃ngɔ ĩ ndongongoro nga ma se mɛ zɛ̃ ndongongoro na ni, ndongburuka so gingɔ zo ya ni tɛ.