1 Timɔte 3:16 - Fana Ngbangɔ 1987

¹⁶ Biani, bɛta lo ti lo Nzapa tɛ e mɛ Nzapa afa ko, adu kotani. Bɛta lo ni adu lo tɛ zo mɛ ndo amu tɛrɛ zo. Tɔrɔ Santo afa ndo ya, zo ni ko adu bɛta zo, Aangelo ahũ ndo zo ni ko. Apa ndo lo tɛ zo ni ko hɛ̃ apaganɔ, Azi ti lɛ sese aye ndo lo tɛ lo, Ko Nzapa aya ndo lo ka yayu, ka ndo ti ndima.

1 Timɔte 3:16 Iomraidhean Croise

Matie 1:23

“Wali mɛ ade li lo ngbɔ̃ amɛ gbanda ngɔ, lo dú gbanda nyi kɔli, Ko adi gbanda ili nyi ni ya, Emanuɛlɛ.” (Nda ili ni ko la: “Nzapa ndodu ndoni kɔi na e.”)

Matie 13:11

Yezo agbinya hɛ̃ la ya: “Na ndo tɛnɛ ko ti lo Lɛngɔ Gbia tɛ Nzapa ko, bo ĩ la Nzapa afa ĩ na lo mɛ ta azi ahĩnga ma. Kanda ta Nzapa afa ni na azi ma.

Matie 28:2

Ko bo ngoi kɔi ko, sese ayingi gbu gbu gbu. Angelo tɛ Gbia alo ka ndozu azu, anɔ abilingi kota tɛ́nɛ mɛ avĩ na nyɔ du sɛndɛ ni, abi katɛ, adu ndo ni.

Matie 3:16

Bo na ngoi mɛ Yoanɛ ĩ hɛ̃ Yezo batisimɔ ko, Yezo alo ka ya ngu ako gegi, ko lo hũ lɛ ndozu azi mbue. Lo hũ Tɔrɔ tɛ Nzapa aga nga ma mbipa, azu ndo lo.

Matie 4:11

La Satana adɔ lo azia, agwe. So pɛni, aangelo aga aza lo.

Marko 1:13

Lo la kai bi sui siɔ, ko Satana atara bɛ lo. Lo ndodu ndo kai na popo tɛ asa ti ya ndo, ko aangelo ndoza ndo lo.

Marko 16:19

Gbia Yezo ĩ tɛnɛ tɛnɛ hɛ̃ la so wɛ ko, Nzapa aya lo ya, lo ma ka yayu, lo du na ndo kɔti ti ni.

Marko 16:5

Ala ĩ li ka ya du sɛndɛ, ala ĩ ya le la ko, ala hũ pandara kɔi adu na ndo kɔti, ayu yɔngɔrɔ bɔngɔ mɛ mbufuni pɛ pɛ pɛ, ko mbɛtɔ agbɔ̃ la.

Luka 2:32

Lo la wa vurungɔ na ndo, Lo fa gbanda azi ti lɛ sese na lege ya, ala hĩnga mɔ, Ko azi tɛ mɔ awa Izrayɛlɛ na luangɔ ndima na lo tɛ lo.”

Luka 20:44

Davidi aili ndo Mɛsia ya lo Gbia, ko kɔdɛ mɛ Mɛsia alengbi nga ti dungɔ tara Davidi sia?”

Luka 22:43

Lo ĩ tɛnɛ so wɛ ko, angelo alo ka ndozu, asi gbɛlɛ lo, asa nguru tɛrɛ lo.

Luka 24:4

Ta ala hĩnga tɛnɛ mɛ ala lengbi ti tɛnɛngɔ ma! Ko na ngoi ko ko, akɔli sɛ asi gbɛlɛ la. Akɔli ni ko ayu bɔngɔ mɛ mbufuni lá lá lá.

Luka 24:51

Ngoi mɛ lo so ndosunu la ko, lo dɔ la lo zia, ko Nzapa aya lo, lo ma ka yayu.

Yoanɛ 1:14

Tɛnɛ ni amu ndo tɛrɛ zo, lo ndodu ndo so popo tɛ e. Lo na nzɔ̃ bɛ ma wo ma, ko lo fa nga e na beta lo tɛ Nzapa zu. E hũ ndo ndima tɛ lo mɛ ndo To lo Nzapa ahɛ̃ lo, na lo mɛ ya, lo ngbongi Nyi.

Yoanɛ 13:3

Yezo nvɛni ahĩnga ya, Nzapa azia ye kwɛ zu na yamba ti ni, ni lo ka tɛ lo la ni ga, ko ni nga na diringɔ ka tɛ lo.

Yoanɛ 15:26

Yezo apa nga ya: “Wa zangɔ ĩ na gangɔ. Mbi na tongɔ lo hɛ̃ ĩ, lo Tɔrɔ Santo mɛ lo ndopa beta lo tɛ Nzapa. Lo na longɔ ka tɛ To mbi, wa lo ga, ko lo na dungɔ temwɛ tɛ mbi.

Yoanɛ 16:28

Mbi lo ka tɛ To mbi la mbi ga ge lɛ sese. Na olo ko, mbi na ziangɔ lɛ sese diringɔ ka tɛ To mbi.”

Yoanɛ 17:5

Wa na olo ko. Baba, diri na mbi ka tɛ mɔ, ko mɔ hɛ̃ mbi ndima mɛ ndo mbi na ni ka tɛ mɔ gã, uzu ti mɔ lingɔ sese.

Yoanɛ 20:12

ko lo hũ aangelo sɛ na vuru bɔngɔ tɛrɛ la. Ala dunga na ndo mɛ ndo akpã kinda tɛ Yezo da. Kɔi adu na ta li lo, omɛ ndɛ̃ ka ta gɛrɛ lo.

Yoanɛ 6:62

Wa na ngoi mɛ gbanda ĩ hũ mbi Nyi Zo, mbi ma ka ndo mɛ mbi lo da mbi ga ko, ĩ nɛ gbanda ya nɛ?

Awa Pangɔ Kwa 1:19

Azi ti Yeruzalɛmɛ zu ama ndo pa ni. Nda mɛ ala ndoili yaka ni ko na yanga tɛ la ya: “Hakɛldama” la. Nda Hakɛldama ni ya: “yaka ti mɛnɛ”.)

Awa Pangɔ Kwa 10:34

La Petro ato nda tɛnɛngɔ tɛnɛ ya: “Na olo ko, mbi hĩnga biani ya, azi zu ka lɛ Nzapa bo kwɛ kɔi.

Awa Pangɔ Kwa 14:27

Ala ĩ si ka Antiɔsɛ ko, ala bombi azi ti Eklezia, apa hɛ̃ la alo zu mɛ Nzapa ali ti ndo la, apa nga hɛ̃ la se mɛ ndo Nzapa azi na lege hɛ̃ azi mɛ ta Ayuda ma ya, ala ye nga lo tɛ Yezo.

Awa Pangɔ Kwa 20:28

Ale ĩ bata tɛrɛ ĩ nvɛni nzɔ̃ni, ko ĩ bata nga awa Kristo zu mɛ ndo Tɔrɔ Santo ahɛ̃ ĩ ya, ĩ bata la, nga ma se mɛ wa batangɔ angasã ngbaga ndobata na angasã ngbaga tɛ lo. Ale ĩ bata azi ti Eklezia tɛ Nzapa mɛ ndo lo tɔ̃ la na lege ti kwa tɛ Nyi lo nvɛni.

Roma 10:12

Na lo ni ko, Ayuda na azi mɛ ta Ayuda ma adu bo kwe kɔi. Gbia tɛ la zu bo kɔi, lo la lo ndoli anzɔ̃ lo hɛ̃ azi zu mɛ ndoili lo ya, lo za ani.

Roma 10:18

Wa mbi ndohũnda ya: ta awa Izrayɛle ama ndo pa ni ko ma? Biani, ala ma ndo ni! Asu ka ya Buku tɛ Nzapa ya: “Ama ndo legɔ̃ awa pangɔ tɛnɛ tɛ Nzapa ka lɛ sese zu, Ko tɛnɛ tɛ la asi ndo ka nda sese gbɔ.”

Roma 16:25

E gonda Nzapa! Lo na nguru ti kpengbangɔ na lo yengɔ tɛ ĩ, ko se mɛ Nzɔ̃ Pa tɛ Yezo Kristo mɛ mbi ndopa hɛ̃ azi ndopa nga na ni la. Ndo gã ko, Nzapa ahɔndɛ ndo Nzɔ̃ Pa ni na azi,

Roma 16:26

ko na olo ko, abuku mɛ ndo awa pangɔ nyɔ Nzapa asu, afa Nzɔ̃ Pa ni yango. Ko Nzapa mɛ lo kaka ahɛ̃ nyɔ ya, apa Nzɔ̃ Pa ni hɛ̃ azi ti le sese zu, wadila ala ye lo tɛ Yezo Kristo, ko ala ma nga nyɔ mɛ ni hɛ̃.

Roma 3:4

Ipɔ, ta seni la ma! Bɛ se azi zu adu awa nvɛnɛ ko, Nzapa alengbi tɛ lo ti lingɔ ye na seni, nga ma se mɛ asu na ni ka ya Buku tɛ lo ya: “Ale azi ahĩnga ya, tɛnɛ mɛ mɔ Nzapa, mɔ ndotɛnɛ ko, adu beta tɛnɛ. Ko se adu ya, atɛnɛ ngbanga tɛ mɔ ko, ale mɔ longa na ngbanga ni.”

Roma 8:3

Ta ndia tɛ Mɔizɛ alengbi ndo ti hãngɔ e azi na ya siɔ ye zingɔ ma, na lo mɛ ya, bɛ e adu woni. Kanda Nzapa ahã e na ya ni azi na ngoi mɛ ndo lo to Nyi lo nvɛni. Nyi lo amu ndo tɛrɛ zo nga ma se tɛ e mɛ awa lingɔ siɔ ye, ya ni hã siɔ ye tɛ e ni zi. Nzapa aminya ndo siɔ ye tɛ e azi na li Yezo, lo fa ndo nga ngbanga lo bi li lo.

Roma 9:5

Ala ndo atara akɔzo akotara e. Kristo mɛ ndo amu tɛrɛ zo ko, lo ndo ale tɛ la, lo Gbia ti ndo aye zu, lo nga Nzapa. E gonda lo buru na buru! Seni la.

1 Kɔrinto 15:47

Nzapa amu ndo sese la ali na kɔzo Adamu. Adamu ndo zo ti lɛ sese. Kanda Adamu ti sɛ alo ndo ka yayu la aga.

1 Kɔrinto 2:7

Ndara mɛ mbi ndopa lo ni hɛ̃ ĩ ko, adu ndara tɛ Nzapa, ndara mɛ ta azi ahĩnga ma, ndara mɛ ndo Nzapa ahɔndɛ na azi uzu ti Nzapa lingɔ sese ko, lo pia ndo lo kpã ndara ni ko ya, e hĩnga, wa e lua nga ndima tɛ ni.

2 Kɔrinto 1:19

Ta sanga ma, lo tɛ Yezo Kristo Nyi Nzapa ndo la mbi, na Silasi, nga na Timɔte e pa hɛ̃ ĩ. Na ndo tɛnɛ ko kɔi ko, ta Yezo ndopa ya “ĩi”, ko lo ti lo pa nga ya “ipɔ” na ngoi kɔi ma. Tɛnɛ tɛ lo ndodu bo ngoi zu “ĩi”.

Galatia 2:8

Ta sanga ma, se ko la Nzapa akpã Petro ya, lo du wa pangɔ kwa tɛ ni hɛ̃ Ayuda ko, se mɛ nga Nzapa akpã mbi ya, mbi du wa pangɔ kwa tɛ ni hɛ̃ azi mɛ ta Ayuda ma la.

Galatia 4:4

Ko ngoi mɛ ndo bi mɛ Nzapa ako ĩ lengbi ko, lo to Nyi lo ge lɛ sese. Zo wali kɔi adú ndo lo, ko Nyi lo ni abi ndo tɛre lo so tɔndɔngɔ ndia tɛ Mɔizɛ ya,

Efɛzɛ 1:9

e hĩnga na lo mɛ ndo lo hɔndɛ na azi gã. Lo hɛ̃ ndo nyɔ lo ya, ni li gbanda ló ni ko na se bɛ ni ti ndo Yezo Kristo.

Efɛzɛ 6:19

Ĩ sambela nga hɛ̃ mbi ya, na ngoi ti pangɔ Nzɔ̃ Pa ko, Nzapa ahɛ̃ mbi tɛnɛ mɛ alengbi ya mbi tɛnɛ, wadila Nzɔ̃ Pa mɛ ndo lo hɔndɛ na azi ko, mbi pa ni na kpengba bɛ.

Kɔlɔsɛ 1:23

Ko ale ĩ ngbã bo na yengɔ lo tɛ Yezo Kristo, ko ĩ ngbã na ni ka ka ka, ta ĩ zia ma. Ale ĩ lɛndɛrɛ bo tɛnɛ ti Nzɔ̃ Pa mɛ ndo ĩ ma. Nzɔ̃ Pa ni la apa hɛ̃ azi zu mɛ ge lɛ sese, ko nga bo Nzɔ̃ Pa ni la mbi Polo mbi ti wa pangɔ ni.

Kɔlɔsɛ 1:27

Ta sanga ma, lo ye fangɔ na la ya, lo mɛ ndo ni hɔndɛ na azi ko, adu lo mɛ nzɔ̃ni buai, lo mɛ aɔ aye zu, ko lo ni adu na lo tɛ azi zu. Lo ni lo mɛ: Yezo Kristo ndodu ka ya bɛ ĩ, na lo ni ko, ĩ ndolɛndɛrɛ ya, ĩ lua nga gbanda ndima ka tɛ Nzapa.

Kɔlɔsɛ 1:6

Nzɔ̃ Pa ni ndomu lɛ sese zu, ko lɛ kwa ni ndosi yango, kwɛ kɔi nga ma se ko ndo asi na ni ka tɛ ĩ, na lá ko ndo ĩ ma na lo ti bɛta nzɔ̃ bɛ tɛ Nzapa ti kɔzoni, ko ĩ hĩnga ni biani nvɛni.

Kɔlɔsɛ 2:2

Mbi ndoli kwa ni ya, mbi sa nguru bɛ ĩ, ĩ yengbi na bɛ ĩ kɔi, wa ĩ ti bo kɔi, ĩ du nga na bɛta kɔdɛ, wa ĩ hĩnga lo tɛ Nzapa nzɔ̃ni, ló mɛ ndo lo hɔndɛ na azi. Eó ni adu Yezo Kristo nvɛni.

2 Tɛsalɔnikɛ 1:10

Ala na tongɔ nda hũngɔ pɛnɔ ni na lá mɛ gbanda Gbia Yezo adiri aga na ni. Lo ga gbanda na lá ni ko ya, azi tɛ ni zu mɛ awa yengɔ lo tɛ ni agonda ni, atɔndɔ nga ni. Ĩ nga na tɔndɔngɔ lo, ta sanga ma, ĩ ye ndo tɛnɛ tɛ lo mɛ ndo e pa hɛ̃ ĩ.

2 Tɛsalɔnikɛ 2:7

Nguru tɛ Siɔ Zo ni ato nda lingɔ kwa na gbe mbingo we, ko azi gba ato nda lingɔ siɔ ye wɛ. Mbanga zo kɔi ade agbanzi ya, ta Siɔ Zo ni ko asi hĩ ma. Kanda lo si gbanda bo na ngoi mɛ wa gbanzingɔ lo abɛ tɛrɛ lo katɛ.

1 Timɔte 3:9

Ko bɛta tɛnɛ mɛ Nzapa afa ko, ale ala ngba na yengɔ lo ni na vuru bɛ.

Aebreo 1:3

Ndima tɛ Nzapa ndosũ na tɛrɛ Nyi lo, du tɛ lo na du tɛ To lo Nzapa bo kwɛ kɔi. Lo ndobata sese na nguru ti tɛnɛ ti nyɔ lo. Ngoi mɛ ndo lo ĩ zi lege ti kpongɔ siɔ ye tɛ azi ko, lo ma ka yayu, lo du na ndo kɔti ti Nzapa mɛ nguru tɛ lo aɔ nguru zu.

Aebreo 12:2

Ale e ndoba bo Yezo, lo la lo li ya, e ye lo tɛ ni, ko lo ndoli nga ya, e ngbã bo na yengɔ lo tɛ ni ngbĩi e si ka ndani gbɔ. Ngoi mɛ ndo aye hongɔ lo ka ndo krusi ko, lo gbe ndo bɛ lo, ta kamɛnɛ agbɔ̃ ndo nga lo na lo ti gi tɛrɛ kwá ni ko ma, na lo mɛ ya, lo hĩnga ndo ya, ni na luangɔ dengɔ bɛ ka tɛ Nzapa. Na olo mɛ ko, lo du na ndo kɔti ti Nzapa, ka ndo mɛ Nzapa ndole gbia tɛ lo da.

Aebreo 7:7

Zo mɛ ndosunu fɔ̃ lo la aɔ fɔ̃ lo mɛ lo sunu lo, oko ta kitɛ da ma.

Aebreo 8:1

Tɛnɛ mɛ e ndotɛnɛ ko, ĩ ma ngbondo tɛnɛ mɛ na ya ni lo mɛ: nzɔ̃ni la e na kota gbia tɛ awa lungɔ Nzapa na ye. Lo ndoli kwa hɛ̃ Nzapa na lo tɛ e. Lo ka yayu, lo du na ndo kɔti ti Gbia Nzapa, Nzapa mɛ nguru tɛ lo aɔ nguru zu.

1 Petro 1:12

Nzapa afa ndo na awa pangɔ nyɔ lo ya, kwa mɛ ndo ni to la ya, ala pa hɛ̃ azi ko, ta adu na lo tɛ la nvɛni ma, kanda adu na lo tɛ ĩ. Na olo ko, awa pangɔ Nzɔ̃ Pa tɛ Yezo apa lo ti aye ni ko hɛ̃ ĩ. Ala pa lo ti aye ni ko na nguru tɛ Tɔrɔ Santo mɛ Nzapa ahɛ̃ la. Ko aangelo ndosepara nga ya, ani hĩnga lo ti aye mɛ ala pa.

1 Petro 1:20

Uzu ti Nzapa lingɔ sese ko, lo pia ndo lo sara Yezo Kristo lo kpã ya, lo tɔ̃ azi. Ko ĩ da na olo na ngoi mɛ sese adoli ti wɛngɔ ko, Nzapa afa lo yango ya, ĩ lua nzɔ̃ lo na lo tɛ lo.

1 Petro 1:21

Nzapa aso ndo lo na pɛ kwá, ahɛ̃ lo ndima. Ko ĩ ye lo tɛ Nzapa na lo tɛ lo. Na lo ni, zo mɛ ĩ ye lo tɛ lo, ĩ ndolɛndɛrɛ lo ko, lo Nzapa.

1 Petro 3:18

Yezo Kristo nvɛni akpi ndo so ĩ. Lo kpi ndo bo fani kɔi so hãngɔ siɔ ye tɛ azi zingɔ. Lo mɛ ndo ta lo li siɔ ye ma ko, lo kpi ndo so songɔ asiɔ azi, wadila ĩ ti azi tɛ Nzapa. Azi aho ndo ngbonga tɛrɛ lo, kanda Nzapa aso ndo lo na nguru tɛ Tɔrɔ Santo.

1 Petro 3:22

Lo diri tɛ lo ndo ka yayu, lo du ka ndo kɔti ti Nzapa, ko aangelo, na atɔrɔ zu mɛ na nguru, ndolɛ nga gbia ka le ndozu ko, ala na gbe gɛrɛ lo.

1 Yoanɛ 1:2

Ngoi mɛ Tɛnɛ ni ĩ ga ĩ si na popo tɛ azi ko, e hũ lo. Nda mɛ e ndopa lo tɛ lo hɛ̃ ĩ, ko e ndotɛnɛ nga hɛ̃ ĩ ya, lo du ti kaka, lo na To e Nzapa ndodu ndoni kɔi ka yayu, so pɛni, Nzapa ato lo hɛ̃ e ya, e hũ lo la.

1 Yoanɛ 3:5

Ko ĩ hĩnga ya, Yezo Kristo aga ndo ge lɛ sese ya, ni hã siɔ ye tɛ azi ni zi. Ta Yezo ali ndo siɔ ye bɛ yakere ma.

1 Yoanɛ 3:8

Kanda zo ko la ta ndozia lingɔ siɔ ye ma ko, lo zo tɛ Satana. Ta sanga ma, Satana ato nda lingɔ siɔ ye ka ndo la Nzapa ali na sese. Na lo ni la Nyi Nzapa aga ge lɛ sese ya, ni gbɛ̃ kwa mɛ Satana ali.

Suma 17:5

Asu tɛnɛ mɛ ta zo ahĩnga nda ni ma so ndo lɛ lo. Tɛnɛ ni lo mɛ: “Babilɔnɛ kota kɔdɔrɔ, ta angbabo, ta asiɔ ye ti kamɛnɛ ti lɛ sese.”

Suma 17:7

La angelo ahũnda mbi ya: “Mɔ bema ya nɛ? Sa ko li lo mbara mbara, nza li lo sui kɔi, la lo yɔ wali ko, mbi na pangɔ hɛ̃ mɔ nda lo tɛ lo, nga na nda lo tɛ zo wali ni. Ta azi ahĩnga lo tɛ la ma.

Suma 7:9

So pɛni ko, mbi ti ba ndo, ko mbi hũ azi butu butu nvɛni, ta kɔdɛ ti dikɔngɔ la da ma. Ala du azi ti sese zu, ti ale zu, nga na ti yanga kɔdɔrɔ zu. Ala longa so gbɛlɛ ngɛndɛ gbia, nga so gbɛlɛ Nyi Ngasã Ngbaga. Ala yuyu ambufu bɔngɔ, ala gbɔnɔ nga anzango mburu so ti la.