1 Timɔte 3:15 - Fana Ngbangɔ 1987

¹⁵ bɛ se ta mbi si ka tɛ mɔ hiɔ ma ko, mɔ hĩnga se mɛ azi ti nda se wa tɛ Nzapa alengbi ti dungɔ na ni. Ala du azi ti Eklezia tɛ Nzapa mɛ lɛ lo ngɛ̃. Ala ndoha bɛta lo tɛ Nzapa, ko ala ndokpengba na ya bɛta lo ni nga ma ngbo da mɛ ndokpengba na da.

1 Timɔte 3:15 Iomraidhean Croise

Matie 16:16

Simɔ Petro agbinya hɛ̃ lo ya: “Mɔ Mɛsia, mɔ Nyi Nzapa mɛ lɛ lo ngɛ̃.”

Matie 18:18

“Mbi pa hɛ̃ ĩ ti bɛta tɛnɛ ya, ye zu mɛ ĩ na gbanzingɔ ge lɛ sese ko, Nzapa nga na gbanzingɔ ni ka yayu. Ye zu mɛ ĩ na zingɔ lege ya ali ge lɛ sese ko, Nzapa nga na zingɔ lege ya, ali ka yayu.

Yoanɛ 1:17

Nzapa alu ndo ndia hɛ̃ e ti ndo Mɔizɛ, kanda e lua nzɔ̃ bɛ tɛ lo, na beta lo tɛ lo ti ndo Nyi lo Yezo Kristo.

Yoanɛ 14:6

Yezo agbinya hɛ̃ lo ya: “Mbi nga ma lege mɛ agwe ka tɛ To mbi, mbi beta lo tɛ Nzapa, mbi ndohɛ̃ nga beta du. Zo ko la aye singɔ ka tɛ To mbi ko, ale lo ɔ uzu ti ndo mbi.

Yoanɛ 18:37

Pilato ahũnda lo ya: “Alengbi ya, mɔ kota gbia?” Yezo agbinya hɛ̃ lo ya: “Tɛnɛ ni la mɔ tɛnɛ: mbi kota gbia. Mbi ga ge lɛ sese so fangɔ azi na beta lo, na lo ni la adú mbi. Azi zu ko la aye beta lo ko, ala la ndozi ma la, ama tɛnɛ mɛ mbi ndotɛnɛ.”

Yoanɛ 6:69

Na olo ko, e ye lo tɛ mɔ, ko e hĩnga nga ya, mɔ Zo mɛ Santo, mɔ lo ka tɛ Nzapa.”

Awa Pangɔ Kwa 1:2

asi na ngoi mɛ Nzapa aya lo ya, lo ma ka yayu. Yezo asara ndo ambanga azi akpa ya, ala du awa pangɔ kwa tɛ ni. Uzu ti lo mangɔ ka yayu ko, lo pa ndo hɛ̃ la na nguru tɛ Tɔrɔ Santo, ye mɛ ale ala li na pɛ lo.

Awa Pangɔ Kwa 14:15

“Akwa, nda mɛ ĩ li nga so nɛ? E du azi nga ma ĩ. E ga so pangɔ Nzɔ̃ Pa hɛ̃ ĩ ya, e wa ĩ na nzɔ̃ wangɔ, wa ĩ zia vɔrɔngɔ agɛgɛrɛ angbilondo, ko ĩ gbinya bɛ ĩ, ĩ ti azi tɛ Nzapa mɛ le lo ngɛ̃. Lo la lo li yayu, na sese, na ngu, nga na aye kwɛ zu.

Roma 3:2

Ayuda aɔ azi mɛ ta Ayuda ma na lege sĩni. Ti uzu, Nzapa azia ndo tɛnɛ tɛ lo na yamba ti Ayuda.

Roma 9:26

Ko ndo mɛ ndo mbi pa na tɛnɛ hɛ̃ azi da ya: ‘Ta ĩ azi tɛ mbi ma’ ko, Ndo mɛ gbanda mbi Nzapa mɛ le mbi ngɛ̃, Mbi ili na la da ya, ala aya mbi la.”

1 Kɔrinto 10:32

Ta ĩ́ li ya, Ayuda bere azi mɛ ta Ayuda ma, bere azi ti Eklezia ali siɔ ye na lo ti sé du tɛ ĩ ma.

1 Kɔrinto 3:16

Ĩ hĩnga nzɔ̃ni ya, tɛrɛ ĩ adu nga ma da mɛ Nzapa ndodu da, ko Tɔrɔ Santo tɛ lo ndodu ka ya bɛ ĩ.

2 Kɔrinto 3:3

Biani, adu yango ya, ĩ du nga ma mbɛti mɛ Yezo Kristo asu, akpã na yamba ti e ya, e nɔ na ni ka tɛ azi. Ta lo do ngu mbɛti la lo su na mbɛti ni ma, kanda lo su ni na Tɔrɔ Santo tɛ Nzapa, Nzapa mɛ lɛ lo ngɛ̃. Ta lo su nga mbɛti ni na lɛ tɛ́nɛ ma, kanda lo su ni na ya bɛ azi.

2 Kɔrinto 6:16

Ta alengbi ti kpãngɔ angbilondo ka ya da Nzapa ma! Ko e du nga ma da tɛ Nzapa mɛ lɛ lo ngɛ̃, nga ma se mɛ Nzapa nvɛni apa na lo tɛ azi tɛ lo ya: “Mbi na dungɔ na popo tɛ la, Mbi na dungɔ Nzapa tɛ la, Ko ala na dungɔ azi tɛ mbi.”

2 Kɔrinto 6:7

e ndopa bɛta tɛnɛ tɛ Nzapa, e na nguru tɛ Nzapa. E ndoli ye na seni, ko ye mɛ e ndoli na seni adu nga ma e na ye ti tiringɔ na to, adu nga ma ye ti batangɔ na tɛrɛ e.

Galatia 2:9

Zaki, na Petro, na Yoanɛ mɛ azi ndomu la nga ma ala agbia tɛ azi ti Eklezia ko, ala hĩnga ya, Nzapa la ahɛ̃ mbi kwa ni ko. Na lo ni ndo la ala gbɔ̃ ti mbi, agbɔ̃ nga ti Barnabasi, abala e so fangɔ ya, e na ani e ti bo kɔi. E na la zu e mangbi ya, mbi e na Barnabasi e nɔ tɛ e, e li kwa ka tɛ azi mɛ ta Ayuda ma, ko ala nɔ tɛ la, ali kwa ka tɛ Ayuda.

Galatia 3:1

Oo awa Galatia, ĩ du awa buba! Zo mɛ adɔ ĩ na li na? Kwá mɛ Yezo akpi ka ndo krusi ko, mbi kambisa ló ni yango na gbɛlɛ ĩ.

Efɛzɛ 4:21

Biani, ĩ ma ndo lo tɛ lo mɛ apa hɛ̃ ĩ, aha nga ndo ĩ na bɛta lo tɛ lo.

Kɔlɔsɛ 1:5

na lo mɛ ya, ĩ ndolɛndɛrɛ anzɔ̃ ye mɛ Nzapa abata hɛ̃ ĩ ka yayu. Ti kɔzoni, na ngoi mɛ ndo ĩ ma na Nzɔ̃ Pa mɛ adu bɛta lo tɛ Nzapa ko, apa ndo hɛ̃ ĩ lo ti anzɔ̃ ye ni ko.

1 Tɛsalɔnikɛ 1:9

Azi ndopa se mɛ ndo ĩ yamba na e, na ngoi mɛ ndo e si ka tɛ ĩ. Ala ndopa nga se mɛ ndo ĩ dɔ vɔrɔngɔ angbilondo ĩ zia, so lingɔ kwa hɛ̃ bɛta Nzapa mɛ lɛ lo ngɛ̃,

1 Timɔte 3:14

Mbi ndolɛndɛrɛ ya, mbi si ka tɛ mɔ bo lo mɛ, la mbi su mbɛti olo hɛ̃ mɔ ya,

1 Timɔte 3:16

Biani, bɛta lo ti lo Nzapa tɛ e mɛ Nzapa afa ko, adu kotani. Bɛta lo ni adu lo tɛ zo mɛ ndo amu tɛrɛ zo. Tɔrɔ Santo afa ndo ya, zo ni ko adu bɛta zo, Aangelo ahũ ndo zo ni ko. Apa ndo lo tɛ zo ni ko hɛ̃ apaganɔ, Azi ti lɛ sese aye ndo lo tɛ lo, Ko Nzapa aya ndo lo ka yayu, ka ndo ti ndima.

1 Timɔte 3:2

Ale lo du zo mɛ ta ndoli ye mɛ alengbi ti belangɔ lo na lo ni ma, ale lo du na wali bo kɔi, lo li ye na nyɔ kpɔ̃ ni, lo du na nzɔ̃ kɔdɛ, lo li ye na seni. Ale lo yamba azi mɛ ndosi ka tɛ lo nzɔ̃ni, ale lo hĩnga nga hangɔ lo tɛ Nzapa.

1 Timɔte 3:5

Ta sanga ma, se ta zo ahĩnga batangɔ nda se wa tɛ lo nvɛni ma ko, ta lo lengbi nga ti batangɔ azi ti Eklezia tɛ Nzapa ma!

1 Timɔte 4:10

Ĩ ba nda mɛ e ndoli kwa kpengbani sĩ la. Ta sanga ma, e ndolɛndɛrɛ Nzapa mɛ lɛ lo ngɛ̃, lo mɛ Wa songɔ azi zu, lo mɛ lo ndoso mai bo awa yengɔ lo tɛ Yezo Kristo.

1 Timɔte 6:16

Bo lo kɔi la lo ndongbã kaka, lo ndodu na ya vuru ndo mɛ ta zo kɔi alengbi ti ingɔ tɛrɛ lo ka tɔ̃ ni ma. Ta zo kɔi ade ahũ lo bɛ gbɔ ma, ta zo kɔi alengbi nga ti hũngɔ lo ma. É gonda bɛ lo, ko lo lɛ bɛ nga gbia buru na buru ma ke! Seni la.

2 Timɔte 2:19

Kanda Eklezia tɛ Nzapa adu nga ma da mɛ akpã gu gɛrɛ ni kpengbani. Asu tɛnɛ ka tɛrɛ gu gɛrɛ da ni ko ya: “Gbia ahĩnga azi tɛ lo.” Asu nga ya: “Zo ko la ndopa ya, ni zo tɛ Gbia ko, ale lo zia lege ti lingɔ siɔ ye.”

2 Timɔte 2:20

Ka ya da tɛ kota zo ko, lɛ aye ti tɛngɔ na tɛ ndodu ndɛ̃ ndɛ̃ ndɛ̃. Ambanga mɛ alɛkɛ na wɔrɔ bere na nwa da, ambanga mɛ ndɛ̃ mɛ alɛkɛ na kɛkɛ, bere asɔ̃ na kpondo nga da. Wa ta nvɛ̃ ni ndomu ni zu ngoi kɔi ali na kwa ma. Aye ko la alɛkɛ na wɔrɔ bere na nwa adu bo na lo ti lá ti kota yenga, wa atanga ni adu na lo ti lingɔ na kwa ti lá kɔi kɔi.

Aebreo 10:21

E na kota gbia tɛ awa lungɔ Nzapa na ye, lo bɛ li azi tɛ Nzapa.

Aebreo 12:22

Kanda ndo mɛ ĩ i tɛrɛ ĩ ka tɔ̃ ni, adu hɔtɔ mɛ ili ni la Siona, ĩ i nga tɛrɛ ĩ ka tɔ̃ kɔdɔrɔ tɛ Nzapa mɛ lɛ lo ngɛ̃. Kɔdɔrɔ ni la Yeruzalɛmɛ mɛ ka yayu, ndo mɛ aangelo da hingo hingo.

Aebreo 3:12

Ayata mbi, ĩ du na kpengba lɛ, so mbanga zo na popo tɛ ĩ adu na siɔ bɛ, lo kɛ̃ yengɔ lo tɛ Nzapa, ko lo dɔ nga lege tɛ Nzapa mɛ lɛ lo ngɛ̃, lo zia.

Aebreo 9:14

Singa na mɛnɛ tɛrɛ asa mɛ aonzi lo na tɛrɛ azi, o singa na mɛnɛ tɛrɛ Kristo mɛ aɔ mɛnɛ tɛrɛ asa na nguru ma! Kristo ndo nga ma nyi ngasã ngbaga mɛ ta ye ti siɔni kɔi na tɛrɛ lo ma. Lo ka ndo tɛrɛ lo nvɛni na nguru tɛ Tɔrɔ Santo mɛ kaka, lo lu na Nzapa. Mɛnɛ tɛrɛ lo na kpongɔ bɛ e ya, ta e li agɛgɛrɛ ye ma, wadila e li kwa hɛ̃ Nzapa mɛ le lo ngɛ̃.

1 Petro 2:5

Ĩ mɛ ĩ lua bɛta du, ĩ nga ĩ du nga ma atɛnɛ ko, ĩ i tɛrɛ ĩ ka tɔ̃nda Nzapa, wa lo mu ĩ, lo wa na da mɛ Tɔrɔ Santo ndodu da. Lo nga na kpãngɔ ĩ ka ya da ni ya, ĩ du abɛta awa lungɔ Nzapa na ye, ko ĩ lu lo na aye na bɛ ĩ kɔi ti ndo Yezo Kristo, wadila aye ni ko adɛ bɛ lo.

1 Petro 4:17

Ngoi tɛ Nzapa ti fangɔ ngbanga tɛ azi alengbi we. Lo na fangɔ ngbanga tɛ e azi tɛ lo uzu. Wa oko lo na fangɔ ngbanga tɛ e uzu ko, ngbanga mɛ lo na fangɔ bingɔ li azi mɛ akɛ̃ Nzɔ̃ Pa tɛ lo na dungɔ siɔni nvɛni.

Suma 7:2

Mbi hũ nga angelo mɛ ndɛ̃ alo ka tɔ so ndoga, lo gbɔ̃ ndã ti minyangɔ na ndo lɛ azi tɛ Nzapa so ti lo, Nzapa mɛ lɛ lo ngɛ̃. Angelo ko ade kɔngɔ kpengbani hɛ̃ aangelo mɛ Nzapa ahɛ̃ la nguru ti gbɛ̃ngɔ na lɛ sese nga na ngu ya: