1 Timɔte 3:1 - Fana Ngbangɔ 1987

¹ Tɛnɛ mɛ mbi na pangɔ ni ko, adu bɛta tɛnɛ. Tɛnɛ ni lo mɛ: zo ko la aye tingɔ wa batangɔ azi ti Eklezia ko, lo ye lingɔ nzɔ̃ kwa.

1 Timɔte 3:1 Iomraidhean Croise

Luka 15:10

La Yezo apa nga ya: “Mbi pa hɛ̃ ĩ ya, se mɛ nga bɛ aangelo tɛ Nzapa ndode na lo tɛ wa lingɔ siɔ ye mɛ agbinya bɛ lo la.”

Awa Pangɔ Kwa 1:20

Petro apa nga ya: “Asu ka ya buku ti Bia ya: ‘Azi zu adɔ bɛ da tɛ lo azia ma ke! Ko ta zo mɛ ndɛ̃ ala bɛ na ya da ni ma ke!’ Asu nga ya: ‘Zo mɛ ndɛ̃ ali bɛ kwa na se lɛ lo ma ke!’

Awa Pangɔ Kwa 20:28

Ale ĩ bata tɛrɛ ĩ nvɛni nzɔ̃ni, ko ĩ bata nga awa Kristo zu mɛ ndo Tɔrɔ Santo ahɛ̃ ĩ ya, ĩ bata la, nga ma se mɛ wa batangɔ angasã ngbaga ndobata na angasã ngbaga tɛ lo. Ale ĩ bata azi ti Eklezia tɛ Nzapa mɛ ndo lo tɔ̃ la na lege ti kwa tɛ Nyi lo nvɛni.

Roma 11:13

Na olo ko, mbi na pangɔ tɛnɛ hɛ̃ ĩ azi mɛ ta ĩ Ayuda ma. Mbi wa pangɔ kwa tɛ Nzapa hɛ̃ ĩ azi mɛ ta ĩ Ayuda ma. Ko mbi ndogonda tɛrɛ mbi na lo ti kwa tɛ mbi ya,

Efɛzɛ 4:12

Lo hɛ̃ ndo azi nguru kwa ni ya, ala za awa Kristo na lingɔ kwa tɛ Nzapa, wadila awa Kristo amai na ya lo yengɔ tɛ la.

Filipɛ 1:1

Mbi Polo na Timɔte mɛ e awa kwa tɛ Yezo Kristo la e to mbɛti olo hɛ̃ ĩ azi tɛ Nzapa zu mɛ ĩ ye lo tɛ Yezo Kristo, ĩ mɛ ĩ ndodu ka kɔdɔrɔ ti Eilipɛ. E to nga mbɛti ni hɛ̃ ĩ awa batangɔ Eklezia, na ĩ adiakrɛ. E bala ĩ.

1 Tɛsalɔnikɛ 5:14

Aya bua, e gbɔ̃ gɛrɛ ĩ ya, ĩ tisa azi mɛ ndokɛ̃ lingɔ kwa, ĩ sa nguru bɛ awa mbɛtɔ. Ĩ za azi mɛ ta na nguru ma, ĩ du na yɔngɔrɔ bɛ na ndo azi zu.

1 Timɔte 1:15

Wa ĩ ba tɛnɛ ti biani mɛ azi zu alengbi ti yengɔ ni na be la kɔi lo mɛ: Yezo Kristo aga ndo ge le sese so songɔ awa lingɔ siɔ ye. Ko siɔ ye tɛ mbi la aɔ tɛ la zu.

1 Timɔte 4:9

Tɛnɛ ni ko adu biani, ko azi alengbi ti yengɔ ni na bɛ la kɔi.

2 Timɔte 2:11

Atɛnɛ olo adu abɛta tɛnɛ. Atɛnɛ ni lo mɛ: “Se e na lo e kpili kɔi ko, gbanda ko e na lo e du nga lɛ e ngɛ̃ kɔi.

Tito 1:7

Ta sanga ma, wa batangɔ Eklezia adu zo mɛ azia kwa tɛ Nzapa na yamba ti lo. Ko ale ta lo du zo mɛ ndoli ye mɛ alengbi ti belangɔ lo na lo ni ma. Ale ta lo du wa yakɛ ma, ta lo du wa ngɔnzɔ ma, ta lo du wa nyɔngɔ kana sĩ ma, ta lo du wa gingɔ ló ma, ta lo du nga zo mɛ ndolua faranga na lege mɛ siɔni ma.

Tito 3:8

Tɛnɛ ko la mbi tɛnɛ ko, adu bɛta tɛnɛ. Ko mbi ye ya, atɛnɛ mɛ mbi tɛnɛ ko, ha ni kpengbani, wadila azi ko la aye lo tɛ Nzapa ahɛ̃ tɛrɛ la na lingɔ anzɔ̃ kwa. Ba ye mɛ nzɔ̃ni, ko andoza nga azi la.

Aebreo 12:15

Ale ĩ du na kpengba lɛ, so zo adɔ lege ti nzɔ̃ bɛ tɛ Nzapa azia. Ale ĩ du na kpengba lɛ, so zo ati nga ma bɛngɛ mɛ ndomai. Ko gi tɛrɛ zo ni ko ndosi na alo, ko alo ni ndogbɛ̃ azi gba.

1 Petro 2:25

Ndo uzu ko, ĩ ndo nga ma angasã ngbaga mɛ ayu ndo, kanda na olo ko, ĩ diri ka tɛ Yezo Kristo mɛ nga ma wa batangɔ angasã ngbaga, lo mɛ nga wa batangɔ tɔrɔ tɛrɛ ĩ.

1 Petro 4:15

Ale ta zo kɔi so popo tɛ ĩ ahũ pɛnɔ na ti azi, na lo mɛ ya, lo ho zo, bere lo nzĩ ye, bere lo li ye siɔni, bere lo yɔrɔ nyɔ lo na ya tɛnɛ tɛ afɔ̃ lo ma.

1 Petro 5:2

azi tɛ Nzapa mɛ Nzapa azia la na yamba ti ĩ ko, ĩ́ bata la nzɔ̃ni, nga ma se mɛ wa batangɔ angasã ngbaga ndobata na angasã ngbaga tɛ lo. Ale ĩ bata la na nzɔ̃ bɛ nga ma se mɛ Nzapa aye, ta ĩ bata la na siɔ bɛ ma. Ta ĩ́ li kwa tɛ Nzapa so gwɛ̃ luangɔ faranga ma, kanda ale ĩ hɛ̃ tɛrɛ ĩ zu na ya kwa ni.