1 Timɔte 2:8 - Fana Ngbangɔ 1987

⁸ Na lo ni la mbi ye ya, na ndo kwɛ ko, akɔli asambela Nzapa, aya ti la ndozu so vɔrɔngɔ lo na bɛ mɛ vuruni, ta ala du na ngɔnzɔ ma, ta ala pa nga pa ma.

1 Timɔte 2:8 Iomraidhean Croise

Matie 21:21

Yezo agbinya hɛ̃ la ya: “Mbi pa hɛ̃ ĩ ti bɛta tɛnɛ ya, se ĩ ye lo tɛ Nzapa, ko se ta ĩ dɛ kitɛ ma ko, ĩ lengbi ti lingɔ ye mɛ mbi li tɛrɛ kɛkɛ olo. Ko ta ĩ lengbi ti lingɔ bo ye ko kɔi ma, kanda ĩ lengbi nga ti pangɔ hɛ̃ hɔtɔ olo ya: ‘Hã so ndo mɛ, mɔ ti ka ya kota ngu,’ ko na tingɔ nga bo na seni.

Matie 5:44

Ko mbi pa tɛ mbi hɛ̃ ĩ ya, ĩ ye awa kɛ̃ngɔ ĩ, ĩ sambela na lo tɛ azi mɛ ndohɛ̃ ĩ pɛnɔ.

Matie 6:12

Ka lɛ mɔ ndo siɔ ye tɛ e, Nga ma se mɛ e ndoka na lɛ e ndo siɔ ye Mɛ azi ndoli tɛrɛ e.

Luka 23:34

Yezo apa hɛ̃ To lo ya: “Baba, ka lɛ mɔ ndo siɔ ye ko la ala li tɛrɛ mbi, ta sanga ma, ta ala hĩnga ye ko la ala li ma.” Aturugu ato zeke so kangbingɔ na abɔngɔ tɛ Yezo na tɛrɛ la.

Luka 24:50

La Yezo amu la so Yeruzalɛmɛ, agwe na la ngbĩi, ala doli na Betania. Ko lo ya ti lo ndo la, lo sunu la.

Yoanɛ 4:21

Yezo agbinya hɛ̃ lo ya: “Zo wali, ye tɛnɛ mɛ mbi ndotɛnɛ hɛ̃ mɔ. Mbanga lá kɔi gbanda ko, ta azi ti vɔrɔ gbanda To mbi Nzapa so ndo hɔtɔ olo, bere ka Yeruzalɛmɛ ma.

Awa Pangɔ Kwa 10:2

Kɔrnɛyɛ ndohɛ̃ ndo tɛrɛ lo so vɔrɔngɔ Nzapa, ko lo na nda se wa tɛ lo zu ndotɔndɔ ndo Nzapa. Lo ndoka ndo kaye sĩ hɛ̃ Ayuda mɛ awa yɛlɛ, ko ngoi zu, lo ndosambela Nzapa.

Awa Pangɔ Kwa 10:31

apa hɛ̃ mbi ya: ‘Kɔrnɛyɛ, Nzapa ama sambela tɛ mɔ, ko lo da nga bɛ lo na kaye mɛ mɔ ndoka hɛ̃ awa yɛlɛ.

Awa Pangɔ Kwa 10:4

Lo ĩ ma so ko, lo ya lɛ lo, lo ba angelo na mbɛtɔ, lo hũnda lo ya: “Gbia, ali sia?” Angelo agbinya hɛ̃ lo ya: “Nzapa ama sambela tɛ mɔ, lo ye nga lo ti kaye mɛ ntɔ ndoka hɛ̃ awa yɛlɛ, ko lo da be lo na mɔ.

Awa Pangɔ Kwa 21:5

Ngoi mɛ nda bi mɛ e li ka tɛ la ĩ kɔ, ko e hã nɔ ya e ɔ ko, awa Kristo zu, na awe la, nga na aya la agwe so sangɔ e. E na la e nɔ, e ɔ li kɔdɔrɔ. Ngoi mɛ e si ka nyɔ ngu ko, e kwɛ zu e kuku na li kuni e, e sambela.

Awa Pangɔ Kwa 7:60

So pɛni, lo kuku, lo dɛ kɔngɔ kpengbani ya: “Gbia, ta mɔ kpã nda siɔ ye olo tɛrɛ la ma!” Lo ĩ kɔ nda tɛnɛ ni ko, lo kpi.

1 Kɔrinto 1:2

E to mbɛti olo hɛ̃ ĩ azi ti Eklezia mɛ ka Kɔrinto, ĩ mɛ ndo Nzapa aili ĩ ya, ĩ na Yezo Kristo ĩ ti bo kɔi, la ĩ ti azi tɛ ni. Lo ili nga azi zu mɛ ndovɔrɔ Gbia tɛ e Yezo Kristo na ndo kwɛ zu. Lo Gbia tɛ e na la zu.

1 Kɔrinto 7:7

Ti biani, mbi hũ ge lɛ mbi nzɔ̃ni ya, ale azi zu angbã mɔdo nga ma se tɛ mbi. Kanda ta dungɔ mɔdo adu nzɔ̃ni na lo tɛ azi zu ma, na lo mɛ ya, Nzapa ahɛ̃ nguru ndɛ̃ ndɛ̃ ndɛ̃ hɛ̃ zo kɔi kɔi. Nzapa ahɛ̃ ambanga azi nguru ya, ala ngba mɔdo, lo hɛ̃ ambanga mɛ ndɛ̃ nguru ya, ala du na kɔli bere na wali.

2 Kɔrinto 2:14

É hɛ̃ sia kɔli hɛ̃ Nzapa! Ta sanga ma, lo ndode uzu tɛ e ngoi zu na ya nɔ tɛ e so fangɔ ya, Yezo Kristo anwɔ asiɔ lo zu. Ko oko afa nga ya, e nwɔ nga ni zu, na lo mɛ ya, e na Yezo Kristo e ti bo kɔi. Nzapa ndoto e na ndo kwɛ, ya e pa tɛnɛ tɛ Yezo Kristo, wadila azi ahĩnga lo. Tɛnɛ ni adu nga ma nzɔ̃ yɔmbɔ mɛ afũ amu ndo kwɛ.

Filipɛ 1:12

Mbi ye ya ĩ hĩnga ya, aye mɛ ali mbi ko, azi lege, la Nzɔ̃ Pa tɛ Yezo Kristo ndogwe bo ngoi zu uzu uzu.

1 Tɛsalɔnikɛ 1:8

Na lo tɛ ĩ ndo la azi ahĩnga tɛnɛ tɛ Gbia ka tɛ ĩ, ta bo ka sese ti Masedoanɛ na sese ti Grɛsɛ kɔi ma. Kanda na ndo kwɛ zu la azi ahĩnga lo yengɔ lo tɛ Nzapa mɛ ka bɛ ĩ, ko ta e lengbi ti tɛnɛngɔ oko tɛnɛngɔ ma.

1 Timɔte 5:14

Na lo ni la mbi separa ya, awe muã mɛ ade amɔsia ati du na kɔli, adú ayangambi, abata nga da tɛ la, so awe muã ni azi lege hɛ̃ awa kɛ̃ngɔ e ya, ala tɛnɛ siɔ tɛnɛ na ili e.

Tito 3:8

Tɛnɛ ko la mbi tɛnɛ ko, adu bɛta tɛnɛ. Ko mbi ye ya, atɛnɛ mɛ mbi tɛnɛ ko, ha ni kpengbani, wadila azi ko la aye lo tɛ Nzapa ahɛ̃ tɛrɛ la na lingɔ anzɔ̃ kwa. Ba ye mɛ nzɔ̃ni, ko andoza nga azi la.

Aebreo 10:22

Asiɔ ye zu mɛ e li, ko andokpã bɛ e ngbũ ko, mɛnɛ tɛrɛ lo akpo ni azi. Lo kpo nga tɛrɛ e na ngu mɛ lɛ ni ngio ngio. Na lo ni ko, ale e i tɛrɛ e ka tɛ Nzapa na bɛ e kɔi, é ye nga lo tɛ lo na bɛ e kɔi.

Zaki 4:8

Ĩ fɔ̃ tɛrɛ ĩ na Nzapa, wa Nzapa afɔ̃ nga tɛrɛ lo na ĩ. Ĩ awa lingɔ siɔ ye, ta ĩ ti li siɔ ye ma. Ĩ azi mɛ nyɔ ĩ se se, ĩ lɛkɛ bɛ ĩ!

1 Petro 3:7

Ĩ akɔli mɛ ĩ du na wali, ale ĩ du na awe ĩ nzɔ̃ni, na lo mɛ ya, ĩ hĩnga ya, ala du azi mɛ woni. Ĩ tɔndɔ la, ta sanga ma, bɛta du mɛ gbanda Nzapa ahɛ̃ ĩ ko, lo hɛ̃ nga gbanda hɛ̃ la. Ale ĩ li nga so, wadila ta ye kɔi agbanzi sambela tɛ ĩ ma.