1 Timɔte 2:7 - Fana Ngbangɔ 1987

⁷ Na lo ni la lo kpa mbi wa nɔngɔ kwa, so pangɔ pa tɛ Yezo Kristo. Lo nɛ hɛ̃ mbi ya, mbi ha azi mɛ ta Ayuda ma na bɛta lo tɛ ni, wadila ala ye lo ni. Bɛta tɛnɛ la mbi tɛnɛ, ta adu nvɛnɛ ma.

1 Timɔte 2:7 Iomraidhean Croise

Yoanɛ 7:35

La Ayuda so ndohũndangbi tɛrɛ la ya: “Tɛ lo ndo mɛ lo na gwengɔ da, ko ta e na hũngɔ lo ma ko, ndo ni ka wa? Lo na gwengɔ tãngɔ ayata e Ayuda mɛ ndo agundu agwe ka tɛ azi ti Grɛsɛ, ko lo na hangɔ la na tɛnɛ tɛ Nzapa?

Awa Pangɔ Kwa 14:27

Ala ĩ si ka Antiɔsɛ ko, ala bombi azi ti Eklezia, apa hɛ̃ la alo zu mɛ Nzapa ali ti ndo la, apa nga hɛ̃ la se mɛ ndo Nzapa azi na lege hɛ̃ azi mɛ ta Ayuda ma ya, ala ye nga lo tɛ Yezo.

Awa Pangɔ Kwa 22:21

La Gbia apa hɛ̃ mbi ya: ‘Gwe, ta sanga ma, mbi na tongɔ mɔ yɔngɔrɔni ka tɛ azi mɛ ta Ayuda ma.’ ”

Awa Pangɔ Kwa 26:20

Kanda mbi pa ndo tɛne tɛ Nzapa uzu hɛ̃ azi ti Damasi, na ti Yeruzalɛmɛ. So pɛni, mbi pa hɛ̃ azi ti sese ti Yudea zu, mbi pa nga hɛ̃ azi ti sese mɛ ndɛ̃ ya, ala gbinya bɛ la, ati azi tɛ Nzapa, ko ala li kwa mɛ afa ya, ala gbinya bɛ la biani.

Awa Pangɔ Kwa 9:15

La Gbia apa hɛ̃ Ananiasi ya: “Nɔ bo nɔngɔ, ta sanga ma, mbi sara zo olo, ko mbi na kpãngɔ lo ya, lo pa lo tɛ mbi hɛ̃ Ayuda, na azi ti sese mɛ ndɛ̃, nga na agbia tɛ la ya, ala hĩnga mbi.

Roma 1:9

Ko Nzapa ahĩnga ya, tɛnɛ mɛ mbi ndotɛnɛ ko, adu biani. Lo hĩnga ya, na ngoi zu mɛ mbi ndosambela ni ko, mbi ndoda bɛ mbi na ĩ. Mbi ndohũnda lo ya, se bɛ lo aye ko, lo hɛ̃ mbi lege ho lo mɛ, mbi m ka tɛ ĩ. Lo la Nzapa mɛ mbi ndoli kwa ti pangɔ Nzɔ̃ Pa tɛ Nyi lo na bɛ mbi kɔi.

Roma 10:14

Se ta ala ye lo tɛ lo ma ko, kɔdɛ mɛ ala lengbi ti ilingɔ lo ya, lo za ani sia? Wa se ta ala ma pa tɛ lo ma ko, kɔdɛ mɛ ala lengbi ti yengɔ lo tɛ lo sia? Ko se ta zo apa pa tɛ lo hɛ̃ la ma ko, kɔdɛ mɛ ala lengbi ti mangɔ pa ni sia?

Roma 11:13

Na olo ko, mbi na pangɔ tɛnɛ hɛ̃ ĩ azi mɛ ta ĩ Ayuda ma. Mbi wa pangɔ kwa tɛ Nzapa hɛ̃ ĩ azi mɛ ta ĩ Ayuda ma. Ko mbi ndogonda tɛrɛ mbi na lo ti kwa tɛ mbi ya,

Roma 15:16

ya mbi du wa kwa tɛ Yezo Kristo, ko mbi za nga azi mɛ ta Ayuda ma. Mbi hɛ̃ tɛrɛ mbi zu hɛ̃ Nzapa so hangɔ Nzɔ̃ Pa tɛ lo ya, azi mɛ ta Ayuda ma ati azi tɛ Nzapa na nguru tɛ Tɔrɔ Santo, ati nga ma ye mɛ alu na Nzapa, ko andode nga bɛ lo.

Roma 9:1

Tɛnɛ mɛ mbi na tɛnɛngɔ hɛ̃ ĩ ko, adu beta tɛnɛ, na lo mɛ ya, mbi zo tɛ Kristo, ko ta tɛnɛ tɛ mbi adu nvɛnɛ ma. Kɔdɛ tɛ mbi mɛ Tɔrɔ Santo gbia ni ndofa nga na mbi ya, tɛnɛ ni adu beta tɛnɛ.

1 Kɔrinto 9:1

Biani, mbi zo mɛ bɔrɔ! Biani, mbi wa pangɔ kwa tɛ Yezo! Biani, mbi hũ ndo Gbia tɛ e Yezo na lɛ mbi! Biani, ĩ ti awa Kristo na lo ti kwa tɛ Gbia Yezo mɛ ndo mbi li ka tɛ ĩ.

2 Kɔrinto 11:31

Nzapa mɛ To Gbia Yezo ahĩnga ya, tɛnɛ ko la mbi tɛnɛ ko, ta adu nvɛnɛ ma. Agonda bɛ Nzapa buru na buru ma ke!

Galatia 1:16

Kanda ĩ ti na ngoi mɛ bɛ lo aye ko, lo fa mbi na Nyi lo ya, mbi pa Nzɔ̃ Pa tɛ lo hɛ̃ azi mɛ ta Ayuda ma. Ko ta mbi nɔ ka tɛ zo ya, mbi hũnda zo na ndo na ló ni ma.

Galatia 1:20

Tɛnɛ mɛ mbi su hɛ̃ ĩ ko, adu biani. Na lɛ Nzapa ko, mbi pa hɛ̃ ĩ ya, ta mbi pa nvɛnɛ ma.

Galatia 2:16

E hĩnga ya, Nzapa ndomu zo ka lɛ lo ya, lo bɛta zo, na lo mɛ ya, zo ni ko aye lo tɛ Yezo Kristo. Kanda ta lo ndomu zo ka lɛ lo ya, lo bɛta zo, na lo mɛ ya, zo ni ko atɔndɔ ndia tɛ Mɔizɛ ma. E ye nga lo tɛ Yezo Kristo, ya Nzapa amu e ka lɛ lo ya, e abɛta azi. Wa ta adu na lo mɛ ya, e tɔndɔ ndia ma. Ta sanga ma, ta Nzapa ndomu zo ka lɛ lo ya, lo bɛta zo, na lo mɛ ya, zo ni ko atɔndɔ ndia ma.

Galatia 2:9

Zaki, na Petro, na Yoanɛ mɛ azi ndomu la nga ma ala agbia tɛ azi ti Eklezia ko, ala hĩnga ya, Nzapa la ahɛ̃ mbi kwa ni ko. Na lo ni ndo la ala gbɔ̃ ti mbi, agbɔ̃ nga ti Barnabasi, abala e so fangɔ ya, e na ani e ti bo kɔi. E na la zu e mangbi ya, mbi e na Barnabasi e nɔ tɛ e, e li kwa ka tɛ azi mɛ ta Ayuda ma, ko ala nɔ tɛ la, ali kwa ka tɛ Ayuda.

Galatia 3:9

Abrahama aye ndo lo tɛ Nzapa, ko Nzapa asunu ndo lo. Ko azi zu ko la aye lo tɛ Nzapa ko, lo nga na sunungɔ la nga ma se mɛ ndo lo sunu na Abrahama.

2 Timɔte 1:11

Nzapa akpã mbi wa pangɔ kwa tɛ Yezo ya, mbi pa Nzɔ̃ Pa olo hɛ̃ azi, ko mbi ha nga la na ni.

2 Petro 2:5

Azi ti gã mɛ ndo ali siɔ ye ko, ta Nzapa azia ndo la ma. Lo zi ndo ngu ani, amu lɛ sese, akpɔ asiɔ azi ni ko. Lo so ndo bo Noa mɛ ndo ndopa hɛ̃ azi ya, ala li ye mɛ bɛtani, lo so nga ndo azi mbara mbara.